Færslur: Ríkissambandið

Heimsglugginn
Viðbúnaður enn efldur á Grænlandi
Danir eru meðal þeirra NATO þjóða sem hafa ákveðið að auka mjög útgjöld til varnarmála og boða til þjóðaratkvæðagreiðslu þann 1. júní um hvort Danir verði áfram utan sameiginlegrar stefnu Evrópusambandsins í varnarmálum. Sú undanþága felur í sér meðal annars að að Danir taka ekki þátt í sameginlegum hernaðaraðgerðum eða varnaráætlunum sambandsins á nokkurn hátt. En að standa utan þýðir líka að þeir eru ekki með í ákvarðanatöku og hafa engin áhrif.
Olía og sjálfstæði Grænlands í nýjum Borgen-þáttum
Á sunnudagskvöld hóf danska ríkissjónvarpið útsendingar á fjórðu þáttaröðinni af Borgen (Höllinni), sem fjallar um dönsk stjórnmál og Birgitte Nyborg, sem var forsætisráðherra Danmerkur í fyrri seríum. Nú er hún utanríkisráðherra og stendur frammi fyrir vandamálum þegar auðugar olíulindir finnast á Grænlandi. Nýja þáttaröðin fjallar að miklu leyti um sjálfstæði Grænlands, umhverfismál og áhuga stórvelda á norðurslóðum. Fyrsta þættinum hefur verið vel tekið. 
Heimsglugginn
Meira bóluefni en eftirspurn víða á Vesturlöndum
Víðast á Vesturlöndum er nú meira framboð af bóluefni gegn COVID-19 en eftirspurn. Mörg ríki hafa gripið til aðgerða til að hvetja almenning til að láta bólusetja sig, en í mörgum ríkjum er tortryggni á bólusetningar, einkum þar sem traust á stjórnvöldum er ekki jafn mikið og á Íslandi. Um þetta var fjallað í Heimsglugga vikunnar á Morgunvakt Rásar-1
Høgni Hoydal: Ekki Dana að gera Færeyjar að skotmarki
Høgni Hoydal, fyrrverandi utanríkisráðherra Færeyja, segir ótækt að Danir ræði án samráðs við NATO um hluti sem geri Færeyjar að skotmarki. Í nýrri áætlun Dana um aukið eftirlit á norðurslóðum er gert ráð fyrir nýrri eftirlitsratsjá á Sornfelli í Færeyjum. Gremja ríkir í Færeyjum og einnig á Grænlandi með að Danir hafi ekki haft samráð við stjórnir og þing landanna áður en tilkynnt var um áætlunina.