Færslur: Rekstur hjúkrunarheimila

Myndskeið
Neitað allt að 17 sinnum um pláss á hjúkrunarheimili
Dæmi eru um að fólki sem er í sárri þörf fyrir að komast á hjúkrunarheimili sé hafnað margsinnis vegna þess að það er á dýrum lyfjum eða þarf mikla hjúkrun. Gerðar hafa verið athugasemdir við þetta við heilbrigðisyfirvöld. Formaður færni- og heilsumatsnefndar höfuðborgarsvæðisins segir að með þessu séu hjúkrunarheimilin ekki að uppfylla samning sinn við Sjúkratryggingar.
Vonast eftir ásættanlegum samningi við Heilsuvernd
Nýr starfsmaður sem hefur störf hjá Öldrunarheimilum Akureyrar eftir fyrsta júní fær mun lægri laun en núverandi starfsmenn, ef farið er eftir kjarasamningum Samtaka fyrirtækja í velferðarþjónustu. Þar getur munað 50 þúsund krónum á mánuði.
Kastljós
Hagræn áhætta fólgin í hröðum afléttingum
Hagræn áhætta við afléttingar sóttvarnaaðgerða er fólgin í því að ef afléttingarnar eru of hraðar gæti þurft að skella í lás á ný. Þetta sagði Gylfi Magnússon, formaður bankaráðs Seðlabanka Íslands og prófessor við Háskóla Íslands, í viðtali í Kastljósi í kvöld. „Það mun hafa mjög slæm hagræn áhrif því það hefur þá ekki bara þau áhrif að útlendingarnir koma ekki, heldur líka þau að Íslendingar geta sig hvergi hreyft,“ sagði hann. 
Myndskeið
Hjúkrunarheimilabúar fá ekki þjónustu sem skyldi
Þjónusta við íbúa á hjúkrunarheimilum er ekki eins og skyldi. Þetta segir formaður Öldrunarráðs Íslands. Háskólakennari í öldrunarfræðum segir að peningum sé sóað í þjónustu við aldraða af því að samvinnu skorti.
„Greiðslur ríkis ekki í tengslum við raunveruleikann“
Greiðslur ríkisins til reksturs hjúkrunarheimila hafa ekki verið í neinum tengslum við raunveruleikann, segir formaður velferðarnefndar Alþingis. Formaður Landssambands eldri borgara segir það grafalvarlegt að hjúkrunarheimili nái ekki lágmarksviðmiði um fjölda starfsfólks í umönnun íbúa. 
Myndskeið
Ríkissjóður tæmist ef hjúkrunarheimili eru eina úrræðið
Ríkissjóður tæmist ef litið verður á hjúkrunarheimili sem eina valkost eldri borgara, segir heilbrigðisráðherra. Ríki og sveitarfélög þurfi í sameiningu að fjölga úrræðum. Sveitarfélögin vilja verulega aukið fé til hjúkrunarheimila. Ríkið þarf að stíga stór skref til að rétta af rekstur hjúkrunarheimila, segir fulltrúi Sambands íslenskra sveitarfélaga, í starfshópi heilbrigðisráðherra um rekstur hjúkrunarheimila.
Þarf tæpa 9 milljarða til þess að ná viðmiði landlæknis
Bæta þyrfti hátt í níu milljörðum króna á ári við fjárveitingar til reksturs hjúkrunarheimila til þess að þau næðu því að sinna umönnun eins og landlæknir telur eðlilegt. Langfæst heimili eru með nægilega mikið af faglærðu starfsfólki.
Myndskeið
Mörg hjúkrunarheimili stefna í þrot
Tap á rekstri hjúkrunarheimila nam þremur og hálfum milljarði króna árin 2017 til 2019. Þetta er niðurstaða starfshóps sem heilbrigðisráðherra fól að greina kostnað heimilanna. Sveitarfélög greiddu með rekstrinum til að draga úr hallanum og með þeirri viðbót náðist hann niður í hálfan annan milljarð króna. Formaður starfshópsins segir rekstur þeirra bara eiga eftir að þyngjast og mörg þeirra stefna í þrot
Vilja gera Oddsson hótel að hjúkrunarheimili
Hótel Oddsson hefur verið boðið fram sem hjúkrunarrými. Sjúkratryggingar auglýstu eftir rekstraraðilum hjúkrunarrýma á höfuðborgarsvæðinu í febrúar síðatsliðnum. Sóltún öldrunarþjónusta var meðal umsækjaenda. Allt að eitt hundrað ný hjúkrunarrými verða tekin í notkun á höfuðborgarsvæðinu í sumar.
Vara við einkavæðingu hjúkrunarheimila
Miðstjórn ASÍ gagnrýnir harðlega að breytingar á rekstri hjúkrunarheimila kunni að fela í sér kjaraskerðingu þeirra sem starfa við aðhlynningu. „Við breytingar á rekstri er greinilega ætlunin að miða við lægstu mögulega taxta á höfuðborgarsvæðinu við nýráðningar og getur þar munað allt að 48.000 krónum í grunnlaunum,“ segir í yfirlýsingu sem miðstjórnin sendi frá sér í dag. Formaður BSRB segir einnig óásættanlegt að þjónusta við aldraða verði einkavædd.
23.04.2021 - 12:23