Færslur: París

Hidalgo í forsetaframboð fyrir Sósíalistaflokkinn
Anne Hidalgo, borgarstjóri Parísar, var í gær útnefnd frambjóðandi Sósíalistaflokksins í forsetakosningunum í Frakklandi á næsta ári. Þegar búið var að telja 90 prósent atkvæða í forkosningu flokksins hafði Hildalgo fengið rúmlega 72 prósent þeirra. Eini mótframbjóðandi hennar var Stephane Le Foll, fyrrverandi landbúnaðarráðherra.
15.10.2021 - 06:18
Víðsjá
Mér líður eins og dekurbarni
Listmálarinn Steingrímur Gauti Ingólfsson opnaði í upphafi september einkasýningu á verkum sínum í galleríi í miðborg Parísar. Galleríið er glænýtt, það heitir Galerie Marguo og reynslumiklir aðilar í myndlistarheiminum reka það. Áhugi á sýningunni var mikill ekki síst hjá aðilum í Asíu sem kunna vel að meta verkin.
Hidalgo: kominn tími fyrir konu
Anne Hidalgo, borgarstjóri Parísar, tilkynnti í dag að hún hygðist bjóða sig fram til embættis forseta Frakklands. Forsetakosningarnar fara fram á næsta ári.
12.09.2021 - 17:49
Franski leikarinn Jean-Paul Belmondo látinn
Franski kvikmyndaleikarinn Jean-Paul Belmondo er látinn 88 ára að aldri. Hann vakti fyrst atygli sem leikari í kvikmynd Jean-Luc Godards À bout de souffle frá árinu 1960.
07.09.2021 - 04:15
Morgunvaktin
Frakkar fara í kröfugöngu en Íslendingar á fyllerí
Parísarbúinn Laufey Helgadóttir hitti franskan túrista á Íslandi sem sagði muninn á Frökkum og Íslendingum helst þann að þegar Frakkar þurfi útrás efni þeir til mótmæla en Íslendingar í sama ástandi fái útrás á barnum. Hún er stödd á Íslandi í fyrsta sinn í tvö ár eftir að hafa búið við miklar takmarkanir í heimalandinu vegna heimsfaraldurs.
31.08.2021 - 09:09
Hámarkshraði á götum Parísar 30 km/klst héðan í frá
Í dag tóku gildi nýjar hraðatakmarkanir á götum Parísar. Aðgerðunum er ætlað að fækka bílum í borginni og draga úr slysum, hljóð-, og loftmengun.
30.08.2021 - 14:27
Frakkar búa sig undir fjölda fjölmennra mótmæla
Lögregla í Frakklandi býr sig undir mótmælagöngur og -fundi á allt að 140 stöðum í landinu í dag. Fjórir þessara mótmælafunda verða haldnir í París og er reiknað með miklu fjölmenni á tveimur þeirra en færri á hinum. Um 3.000 lögreglumenn eru í startholunum í höfuðborginni.
Mótmæla reglum um bólusetningar í Frakklandi
Fjölmenn mótmæli hafa farið fram í Frakklandi í vikunni eftir að ríkisstjórn Emmanuels Macron ákvað á mánudag að öllu heilbrigðisstarfsfólki bæri að fara í bólusetningu.
18.07.2021 - 12:15
Eiffel-turninn opnaður á ný eftir níu mánaða lokun
Eiffel-turninn, þekktasta kennileiti Parísar, var opnaður á ný í dag eftir níu mánaða lokun vegna kórónuveirufaraldursins. Það er lengsti tími sem Eiffel-turninn hefur verið lokaður frá seinni heimsstyrjöldinni en hann var opnaður fyrst árið 1889. Eiffel er allra vinsælasti ferðamannastaður Frakklands og er með þeim fjölsóttustu í heiminum.
16.07.2021 - 14:04
Fimm ár liðin frá hryðjuverkaárásinni í Nice
Frakkar minnast þess í dag að fimm ár eru liðin frá hryðjuverkaárás í borginni Nice sem varð 86 manns að bana. Hryðjuverkaógnin er enn viðvarandi í landinu.
Fimm handteknir fyrir vopnað bankarán í París
Franska ríkislögreglan handtók, með aðstoð spænsku lögreglunnar, fimm einstaklinga síðasta mánudag fyrir vopnað bankarán sem framið var í París árið 2019. Þeir handteknu eru sagðir vera þrír franskir ríkisborgarar og tveir alsírskir ríkisborgarar. Svo segir í tilkynningu Europol í dag,.
11.06.2021 - 16:39
Erlent · Frakkland · París · Glæpir · Europol
Samstöðufundir vegna Palestínu víða um Evrópu í dag
Tugir þúsunda Evrópubúa fóru í göngur til stuðnings málstað Palestínu í dag. Skipuleggjendur fullyrða að 150 þúsund manns hafi gengið um götur Lundúna, nærri Hyde Park, með skilti með áletrunum á borð við „Hættið sprengjuárásum á Gaza“.
15.05.2021 - 21:45
Lögregla beitti táragasi gegn mótmælendum í París
Parísarlögreglan beitti táragasi og sprautaði vatni á mótmælendur sem söfnuðust saman til stuðnings málstað Palestínu í dag. Yfirvöld óttast að gyðingahatur blossi upp og bönnuðu því mótmælin.
15.05.2021 - 18:50
Vilja takmarka mjög bílaumferð í miðborg Parísar
Borgaryfirvöld í París hyggjast draga verulega úr umferð bíla í stórum hluta borgarinnar með því að banna gegnumakstursumferð í fjórum hverfum í miðborginni. Í staðinn fá almenningssamgöngur, hjólaumferð og gangandi vegfarendur aukinn forgang og meira pláss. Ætlunin er að breytingin gangi í gildi strax á næsta ári.
14.05.2021 - 05:34
95 handteknir og 67 lögreglumenn særðir
Lögreglan í Frakklandi tók 95 manns höndum, þar af tvo undir lögaldri, vegna mótmæla víða um landið gegn nýjum öryggislögum. Mestu átökin voru í París en þar særðust 48 lögreglumenn. Alls þurftu 67 lögreglumenn á aðhlynningu að halda eftir gærdaginn.
06.12.2020 - 11:37
Tugir handteknir í mótmælum í París
Lögregla og mótmælendur tókust á í París í dag þar sem nýrri öryggislöggjöf var mótmælt. Kveikt var í bílum og búðargluggar brotnir en lögregla beitti táragasi til að freista þess að stöðva átökin.
05.12.2020 - 16:51
Lögreglumenn í París settir af fyrir ofbeldi og rasisma
Þremur frönskum lögreglumönnum var vikið frá störfum í gær eftir að myndskeiði var dreift á veffréttamiðlinum Loopsider, þar sem þeir sjást ganga í skrokk á tónlistarmanni og upptökustjóra í hljóðveri sínu í Parísarborg af miklum hrottaskap. Þeir sparka margoft í manninn og láta höggin dynja á honum, jafnt með hnefum sem kylfum. Maðurinn, blökkumaður sem einungis hefur verið nafngreindur sem Michel, var upphaflega stöðvaður fyrir þá sök að vera ekki með grímu.
27.11.2020 - 05:36
Lögregla leysir upp flóttamannabúðir í miðborg Parísar
Lögregla beitti táragasi í gærkvöldi þegar hún leysti upp flóttamannabúðir sem komið hafði verið upp á Place de la Republique í hjarta Parísar.
24.11.2020 - 04:14
Morð í útborg Parísar rannsakað sem hryðjuverk
Franska lögreglan hefur ekki staðfest frétt um að maður hafi verið hálshöggvinn í einni af útborgum Parísar, einungis að hann hafi verið myrtur.
16.10.2020 - 17:51
Frjálsar ástir á hjara veraldar
Þorpið Cadaqués hefur lengi heillað listamenn í fegurð sinni og einangrun. Þegar Salvador Dalí bauð súrrealistum frá París í heimsókn sumarið 1929 urðu til órjúfanleg bönd sem fæddu af sér ógrynni myndlistar, ljóða og ástarbréfa.
27.09.2020 - 15:33
Réttað yfir sökunautum Charlie Hebdo-árásarmanna
Réttað verður yfir fjórtán einstaklingum sem grunaðir eru um aðild að Charlie Hebdo-árásunum í París 2015 á miðvikudaginn í næstu viku. Reuters greinir frá þessu.
28.08.2020 - 15:24
Ólæti og handtökur í París eftir tap PSG
Meira en 80 voru handtekin í París í kvöld eftir eitt núll sigur Bayern München á Paris Saint-Germain í úrslitaleik Meistaradeildar Evrópu.
24.08.2020 - 01:20
Skylt að bera grímur á fjölförnustu svæðum Parísar
Vegfarendur sem eiga leið um annríkustu staði Parísarborgar þurfa að bera grímu fyrir vitum sér frá og með mánudeginum. Börn undir ellefu ára aldri eru undanskilin.
08.08.2020 - 19:16
Franskir njósnarar á eftirlaunum dæmdir í fangelsi
Tveir fyrrum starfsmenn frönsku utanríkisleyniþjónustunnar hafa verið dæmdir í fangelsi fyrir að deila leynilegum upplýsingum með kínverskum stjórnvöldum.
12.07.2020 - 15:10
Notre-Dame skal endurbyggð í fyrri mynd
Notre-Dame kirkjan í París verður endurbyggð nákvæmlega í þeirri mynd sem hún var fyrir brunann. Þetta segir í tilkynningu frá frönsku minjaverndinni CNPA, sem fer með endurbygginguna.
09.07.2020 - 23:10