Færslur: opnun landamæra

Myndskeið
Veiran er hér ennþá óháð landamæraopnun
Sex hafa greinst með kórónuveiru á þremur dögum við landamæraskimun en aðeins tveir þeirra eru smitandi. Veiran er enn í þjóðfélaginu segir sóttvarnalæknir og því ekki bara áhætta við að hleypa fólki til landsins. 
Íslendingar vilja til útlanda í haust og næsta vetur
Íslendingar eru aftur farnir að skipuleggja ferðir til útlanda ef marka má ferðaskrifstofur þar sem fyrirspurnum rignir inn. Áhuginn er mestur á ferðum í haust og vetur, en forstöðumaður hjá íslenskri ferðaskrifstofu gerir ráð fyrir að fljótlega seljist upp í pakkaferðir fyrir næstu jól.
09.06.2020 - 19:00
Myndskeið
Verkfall hjúkrunarfræðinga setur skimun í uppnám
Ekki verður hægt að skima ferðamenn sem hingað koma og halda landamærunum opnum ef hjúkrunarfræðingar fara í verkfall eftir tvær vikur eins og stefnir í. „Við erum með það mikið af hjúkrunarfræðingum í þessu verkefni, sem stýra því og halda utan um það. Ég sé ekki að við náum að halda þessu opnu ef verkfallið verður,“ segir Ragnheiður Ósk Erlendsdóttir, framkvæmdastjóri hjúkrunar hjá Heilsugæslu höfuðborgarsvæðisins.
Svandís ætlar ekki að tjá sig í bili vegna ummæla Kára
Svandís Svavarsdóttir heilbrigðisráðherra ætlar ekki að tjá sig í bili vegna ummæla Kára Stefánssonar, forstjóra Íslenskrar erfðagreiningar, í Kastljósi í gærkvöldi. Þar sagði hann að ekki hafi verið haft samband við ÍE vegna fyrirhugaðrar skimunar við kórónaveirunni á Keflavíkurflugvelli sem hefjast á 15. júní.
Þróun veirunnar mun hafa áhrif á skimun í Keflavík
Forsætisráðherra segir að skýrsla verkefnisstjórnar um opnun landamæranna, sem birt var í gær, sýni að hægt sé að skima ferðamenn á Keflavíkurflugvelli þótt margt þurfi að ganga upp svo verkefnið geti gengið vel. Óvissan sé töluverð, til að mynda um hve margir ferðamenn koma hingað í júní, en þegar verkefnið var kynnt hafi verið vitað að óvissuþættirnir væru margir. Haldi veiran áfram að veikjast, líkt og hún hefur gert, endurmeti stjórnvöld hvort ráðast eigi í skimun.