Færslur: Ólympíuleikarnir 2020

Ólympíuleikum aflýst ef ekki tekst að hemja veiruna
Einn valdamesti maður Japans varar við því að Ólympíuleikarnir í Tókíó verði slegnir af, ef ekki tekst að hemja útbreiðslu kórónaveirunnar. COVID-19 tilfellum hefur fjölgað í Japan upp á síðkastið. Japanskir fjölmiðlar hafa eftir Toshihiro Nikai, aðalritara og næst-æðsta manni Frjálslynda demókrataflokksins, sem fer með stjórnartaumana í Japan, að ómögulegt geti orðið að halda leikana.
15.04.2021 - 05:35
Norður Kórea sendir ekki keppendur á Ólympíuleikana
Norður Kórea mun ekki senda íþróttafólk til keppni á Ólympíuleikunum í Tókíó í sumar, vegna heimsfaraldurs kórónaveirunnar. Í tilkynningu frá íþróttamálaráðuneyti Norður Kóreu segir að Ólympíunefnd landsins hafi „ákveðið að taka ekki þátt í 32. Ólympíuleikunum til að vernda íþróttafólk fyrir þeirri ógn sem steðjar að lýðheilsu heimsbyggðarinnar vegna COVID-19.“
06.04.2021 - 03:27
Ólympíukyndillinn kominn af stað
Boðhlaupið með ólympíukyndilinn hófst loks skömmu eftir miðnætti í nótt að íslenskum tíma, þegar kominn var fimmtudagsmorgun í Japan, einu ári eftir að hlaupið átti að hefjast. Eldurinn var tendraður í íþróttamiðstöð í Fukushima, sem var notuð sem aðgerðarmiðstöð viðbragðsaðila vegna kjarnorkuslyssins árið 2011.
25.03.2021 - 03:45
Segir líklega af sér vegna ummæla um konur
Japanskir fjölmiðlar fullyrða að Yoshiro Mori, forseti undirbúningsnefndar Ólympíuleikanna í Tókýó, segi af sér. Hann hefur legið undir ámæli fyrir ummæli sín um að konur tali of mikið.
11.02.2021 - 04:27
Suga neitar því að Japanir vilji hætta við Ólympíuleika
Yoshihide Suga, forsætisráðherra Japans, segist harðákveðinn í þeirri fyrirætlan sinni að sjá til þess, að Ólympíuleikarnir verði haldnir í Tókíó í sumar, eins og að er stefnt. Suga lýsti þessu yfir eftir að því var haldið fram í breska blaðinu The Times að japanska ríkisstjórnin hefði ákveðið að hætta við að halda leikana vegna kórónaveirufaraldursins og leitaði nú leiða til að bjarga andlitinu.
22.01.2021 - 04:07
Segja Ólympíuleikana á áætlun þrátt fyrir fjölgun smita
Skipuleggjendur Ólympíuleikanna í Tókýó segja leikana enn á áætlun. Þannig standi málin jafnvel þó svo að COVID-19 smituðum fari fjölgandi í japönsku höfuðborginni. Leikarnir áttu upphaflega að vera í fyrra en var frestað til ársins í ár vegna heimsfaraldursins. Þeir eiga að hefjast 23. júlí og standa til 8. ágúst.
07.01.2021 - 13:17
Suga boðar neyðarstig í Tókíó vegna COVID-19
Yoshihide Suga forsætisráðherra Japans boðar að lýst verði yfir neyðarástandi á Stór-Tókíósvæðinu vegna gríðarlegrar útbreiðslu kórónuveirusmita í þriðju bylgju faraldursins.
Þrír keppast um að verða forsætisráðherra Japans
Tilkynnt var með formlegum hætti í morgun að þrír gæfu kost á sér í kjöri Frjálslynda demókrataflokksins á forsætisráðherraefni Japans.
„Ólympíuleikarnir 2021 verða þeir sem sigruðu Covid“
Ólympíuleikarnir verða haldnir í Tókýó á næsta ári hvað sem kórónuveirufaraldri líður.
Rýmri tími fyrir Arnar en áður hafði verið gefið út
Alþjóða frjálsíþróttasambandið, World Athletics gaf það út í dag að glugginn til að ná lágmarki í maraþonhlaupi fyrir Ólympíuleikana í Tókýó hafi verið víkkaður út. Hlauparar á borð við Arnar Pétursson sem eygðu von um að komast á Ólympíuleikana í Tókýó geta reynt á ný við lágmarkið í maraþoni frá og með 1. september.
28.07.2020 - 16:07
Slétt ár í ÓL 2021 - Milljarðakostnaður fylgir frestun
Ólympíuleikarnir í Tókýó áttu samkvæmt upprunalegri áætlun að hefjast á morgun. Leikunum var hins vegar frestað um eitt ár vegna COVID-19 faraldursins og áætlað að þeir hefjist eftir eitt ár, 23. júlí 2021. Kostnaður frestunarinnar rennur á hundruðum milljarða króna.
23.07.2020 - 12:00
Staðföst í að Ólympíuleikar fari fram á næsta ári
Alþjóðaólympíunefndin er staðföst í þeim ásetningi að Ólympíuleikarnir fari fram í Tókýó á næsta ári og er að vinna með nokkra möguleika á því hvernig útfærsla leikanna verður. Sú útfærsla ræðst á stöðu COVID-19 faraldursins.
15.07.2020 - 18:10
Sumarólympíuleikarnir 2021 eru enn á dagskrá
Skipuleggjendur Sumarólympíuleikanna sem eiga að fara fram í Tókíó í Japan á næsta ári eru bjartsýnir á að unnt verði að tryggja öryggi þátttakenda og gesta þrátt fyrir kórónuveirufaraldurinn.
13.06.2020 - 04:26
Ólympíuleikunum aflýst fari þeir ekki fram næsta sumar
Thomas Bach, forseti Alþjóðaólympíunefndarinnar, IOC, segir að fari svo að Ólympíuleikarnir í Tókýó geti ekki farið fram á tilsettum tíma næsta sumar verði þeim aflýst.
21.05.2020 - 13:00
Ólympíuleikunum í Tókýó verður ekki frestað aftur
Formaður skipulagsnefndar Ólympíuleikanna í Tókýó segir að ekki verði unnt að fresta leikunum frekar. Náist ekki að halda þá sumarið 2021 verði þeim aflýst.
28.04.2020 - 10:00
Myndskeið
Ólympíumeistari sneri aftur í lögregluna
Þegar ákveðið var að fresta Ólympíuleikunum í Tókýó um eitt ár ákvað Ólympíumeistarinn í kanóróðri að leggja sitt af mörkum til samfélagsins á Spáni. Hann snéri því aftur í sitt gamla starf sem lögreglumaður.
05.04.2020 - 09:00
Viðtal
„Bjartsýnn að við náum fleirum inn“
Frestun Ólympíuleikanna um eitt ár hefur skapað ýmis ný viðfangsefni hjá Íþrótta- og Ólympíusambandi Íslands. Ekki öll neikvæð þó því hópur þeirra sem eiga möguleika á að komast á leikana hefur stækkað.
03.04.2020 - 19:30
„Snýst um að bjarga mannslífum“
Thomas Bach, forseti Alþjóðaólympíunefndarinnar, segir kostnað við frestun á Ólympíuleikunum í Tókýó ekki hafa verið á meðal umræðuefna í viðræðum hans við Shinzo Abe, forsætisráðherra Japans. Leikarnum, sem áttu að hefjast 24. júlí, var slegið á frest í dag.
24.03.2020 - 18:30
Í þriðja sinn sem Ólympíuleikar í Japan eru færðir til
Það að Ólympíuleikunum 2020 í Tókýó hafi verið frestað um allt að eitt ár í dag, er ekkert nýtt. Þetta er nefnilega í þriðja sinn frá stofnun nútíma Ólympíuleika 1896 sem Ólympíuleikum sem úthlutað hefur verið til Japana eru færðir til.
24.03.2020 - 14:23
Ólympíuleikunum frestað
Ákveðið hefur verið að fresta Ólympíuleikunum í Tókýó sem áttu að hefjast 24. júlí í sumar. Leikarnir verði þó haldnir, en í síðasta lagi sumarið 2021. Þetta var staðfest nú rétt í þessu.
24.03.2020 - 12:43
Gríðarlegt mál að fresta Ólympíuleikunum
Thomas Bach forseti IOC, Alþjóða ólympíunefndarinnar opnaði loksins á þann möguleika í gær að Ólympíuleikunum í Tókýó sem eiga að hefjast 24. júlí gæti verið frestað. Hingað til hafa IOC og japönsk stjórnvöld ekki viljað heyra minnst á frestun eða hvað þá aflýsingu.
23.03.2020 - 09:11
Vilja fresta Ólympíuleikunum til 2021
Ólympíunefndir Kanada og Ástralíu hafa lýst því yfir, að ekki komi til greina að senda keppendur til leiks á Ólympíuleikana í Tókýó í sumar vegna COVID-19 heimsfaraldursins, og fara fram á að leikunum verði frestað til 2021. Bæði forsætisráðherra Japans og framkvæmdastjórn Alþjóða Ólympíunefndarinnar hafa nú fyrsta sinni viðrað þann möguleika að fresta leikunum.
23.03.2020 - 04:09
Myndskeið
Kári bjartsýnn á sæti í Tókýó
Kári Gunnarsson, sjöfaldur Íslandsmeistari í badminton, heldur í vonina um að tryggja sér sæti á Ólympíuleikunum í Tókýó, fari þeir fram í sumar. Hann segist þakklátur fyrir að fá að æfa þrátt fyrir að badmintontímabilið sé í algjörri óvissu.
22.03.2020 - 21:01
Myndskeið
Næstlengsta kast Hilmars Arnar
Kastmót fór fram í Laugardalnum í dag, þrátt fyrir samkomubann enda auðsótt að stunda kastgreinar með nægri fjarlægð milli keppenda. Hilmar Örn Jónsson náði sínum næstbesta árangri frá upphafi.
21.03.2020 - 19:28
ÍSÍ fundaði með forseta Alþjóða ólympíunefndarinnar
ÍSÍ, Íþrótta- og ólympíusamband Íslands átti í gær fjarfund með Thomasi Bach forseta IOC, Alþjóða ólympíunefndarinnar vegna stöðunnar í heiminum af völdum kórónaveirunnar. Aðeins tæpir fórir mánuðir eru þar til Ólympíuleikarnir í Tókýó eiga að hefjast.
19.03.2020 - 08:01