Færslur: Olíubirgðastöð

Fréttaskýring
Lúðrar ræsa fólk ef hættuástand skapast í Örfirisey
Hliðið opnast og olíuflutningabílarnir aka sneisafullir frá Olíubirgðastöðinni í Örfirisey á bensínstöðvar í borginni. Það er heiðskírt og hvíta tankana ber við himinn. Þessi stöð hefur verið þarna frá árinu 1950. Fæstir velta innvolsi tankanna fyrir sér dagsdaglega en eldurinn sem braust út inni á öryggissvæði stöðvarinnar í Örfirisey í nótt vekur spurningar. Óhappið er áminning um að mörg fyrirtæki á höfuðborgarsvæðinu geyma eða nota hættuleg efni; til dæmis bensín, klór, etanól eða ammóníak.