Færslur: OECD

OECD hækkar hagvaxtarspána
Efnahags- og framfarastofnunin OECD hækkaði í dag hagvaxtarspá sína um 1,4 prósentustig frá síðustu spá í desember. Að mati sérfræðinga stofnunarinnar hefur dreifing bóluefnis gegn COVID-19 og risastór bjargráðapakki Bandaríkjastjórnar bætt efnahagshorfur í heiminum umtalsvert. Samkvæmt nýju spánni er útlit fyrir að hagvöxtur í heiminum verði 5,6 prósent. Spáð er 6,5 prósenta hagvexti í Bandaríkjunum, það er 3,3 prósentustigum meira en í síðustu efnahagsspá OECD.
09.03.2021 - 14:58
Miklar sveiflur hérlendis í verði og framboði fasteigna
Raunverð íbúða á Íslandi hefur hækkað um 40% frá árinu 2015 en eitt til 20% í á hinum Norðurlöndunum. Verð íbúða í Finnlandi hefur haldist nánast óbreytt á því tímabili. Þetta er meðal þess sem fram kemur í nýrri Hagsjá Landsbankans.
Skaðlegt að skilgreina offitu ekki sem sjúkdóm
Tryggvi Helgason, barnalæknir og sérfræðingur í offitu barna, segir að skilgreina þurfi offitu sem sjúkdóm á Íslandi. Hann segir mikinn mun vera á höfuðborg og landsbyggð þegar kemur að fjölda barna í ofþyngd.
02.02.2021 - 13:32
Sóttvarnir íþyngja síður hér en í flestum OECD-ríkjum
Innlendar sóttvarnir hafa verið minna íþyngjandi hér á landi en í flestum OECD-ríkjum. Þetta er meðal þess sem fram kemur í nýrri lokaskýrslu starfshóps fjármála- og efnahagsráðherra um sóttvarnir og efnahagsbata.
Vill upplýsingar um viðbrögð við alþjóðlegum mútubrotum
Stjórnskipunar- og eftirlitsnefnd Alþingis tók í dag fyrir nýútkomna skýrslu OECD þar sem íslensk stjórnvöld eru harðlega gagnrýnd fyrir slæleg viðbrögð við alþjóðlegum mútubrotum. Jón Þór Ólafsson, formaður nefndarinnar, segist í samtali við fréttastofu hafa óskað eftir því að dómsmálaráðuneytið tæki saman gögn yfir það hvað nú þegar hefði verið gert til að bregðast við alþjóðlegum mútubrotum og hvernig stæði til að bregðast við athugasemdum OECD.
13.01.2021 - 12:49
Stjórnvöld mögulega of værukær gagnvart mútubrotum
Verðandi framkvæmdastjóri Íslandsdeildar Transparency International segir að skýrsla OECD um mútubrot sýni að stjórnvöld hér á landi hafi verið værukær gagnvart þessum málaflokki. Skýrsluhöfundar telja að íslensk stjórnvöld hafi vanmetið hættuna af slíkum brotum.
OECD gagnrýnir refsirammann fyrir mútubrot á Íslandi
Starfshópur á vegum OECD telur óljóst hvort refsiramminn við alþjóðlegum mútubrotum á Íslandi sé til þess fallinn að skila árangri í baráttunni gegn slíkum brotum og hvort refsing við því að greiða mútur sé mátuleg. Þetta er á meðal þess sem kemur fram í nýrri skýrslu starfshóps OECD um alþjóðleg mútubrot á Íslandi.
Álasa stjórnvöldum fyrir slæleg viðbrögð gegn mútum
Ísland þarf að bæta verulega getu til að greina mútur og merki þess að slík brot eigi sér stað hér á landi. Í nýrri skýrslu OECD segir að þrátt fyrir að Ísland hafi skrifað undir sáttmála OECD gegn mútum og spillingu fyrir meira en tuttugu árum hafi stjórnvöld fyrst nú nýlega hafið rannsókn á mútubrotum. Málefninu hafi ekki verið sinnt með fullnægjandi hætti.
17.12.2020 - 12:09
Óvissa um námslok getur fælt fólk frá iðnnámi
Óvissa um námslok er ein af ástæðum þess að iðnnám freistar ekki eins og bóknám segir Hildur Ingvarsdóttir skólastjóri Tækniskólans. Erfitt getur reynst að komast á samning hjá meistara og kynning á iðnnámi í lok grunnskóla mætti vera betri. 
12.11.2020 - 17:50
Spegillinn
Hætta á að kröfur minnki verði farið að ráðum OECD
Skýrsla OECD, Efnahags og framfarastofnunarinnar, á regluverki ferðaþjónustu og byggingaiðnaðar hér á landi, sem kynnt var í vikunni, hefur vakið blendin viðbrögð hjá Samtökum iðnaðarins. Í skýrslunni er lagt til að endurskoða í heild sinni löggjöf um löggiltar starfsgreinar.
12.11.2020 - 15:32
OECD: Kröfur um aðgengi fyrir alla verði endurskoðaðar
OECD telur að endurskoða þurfi kröfur um aðgengi fyrir alla í byggingaregluverki, til dæmis reglur um að húsnæði með lyftu þurfi að lúta reglum um algilda hönnun. Þetta kemur fram í nýju samkeppnismati OECD á regluverki ferðaþjónustu og byggingariðnaðar á Íslandi.
Viðtal
Gerir ráð fyrir að lögvernduðum starfsheitum fækki
Íslendingar lögvernda flestar starfsgreinar allra Evrópuríkja. Í nýrri skýrslu OECD er lagt til að lögverndun bakara og ljósmyndara verði afnumin. Þórdís Kolbrún R. Gylfadóttir, ferðamála- iðnaðar- og nýsköpunarráðherra segir tilefni til breytinga.
10.11.2020 - 22:30
Bakarar gagnrýna tillögur OECD
Landssamband bakarameistara á Íslandi sendi frá sér tilkynningu í kvöld um að sambandið gerði alvarlegar athugasemdir við ummæli Angel Gurría, framkvæmdastjóra Efnahags- og framfarastofnunarinnar (OECD), þess efnis að bakaraiðn ætti ekki að njóta lögverndar. Þetta sagði framkvæmdastjórinn á kynningarfundi um niðurstöður mats OECD á samkeppnishindrunum í byggingariðnaði og ferðaþjónustu.
10.11.2020 - 19:37
PISA-könnuninni frestað vegna COVID
PISA-könnuninni, sem leggja átti fyrir 15 ára nemendur víða um heim á næsta vori hefur nú verið frestað um ár, til vorsins 2022. Það er gert vegna útbreiðslu kórónuveirunnar. Þetta þýðir að þeir nemendur sem hefja nám í 10. bekk hér á landi í haust munu ekki taka þátt í könnuninni eins og gert hafði verið ráð fyrir. Það munu aftur á móti þeir skólafélagar þeirra gera sem eru árinu yngri.
Atvinnuleysið meira en eftir bankakreppuna
Efnahags- og framfarastofnunin OECD segir að atvinnuástand í heiminum sé mun verra af völdum COVID-19 farsóttarinnar en eftir bankakreppuna 2008. Batinn sem varð eftir hana sé að engu orðinn.
07.07.2020 - 15:53
Myndskeið
Spá mesta efnahagssamdrætti í sögu OECD
Efnahagssamdráttur á heimsvísu á þessu ári verður sá mesti í sextíu ára sögu OECD. Framkvæmdastjóri stofnunarinnar segir hundruð milljóna hafa misst vinnuna og ástandið verði enn verra ef önnur bylgja kórónuveirunnar skellur á.
10.06.2020 - 22:10
Myndskeið
Skammarlegar tölur fyrir okkur
Ísland ver hlutfallslega mun minna fjármagni til heilbrigðisþjónustu en önnur norræn lönd. Íslendingar borga þó minna fyrir þjónustuna úr eigin vasa en aðrir Norðurlandabúar. Formaður velferðarnefndar Alþingis segir tölurnar skammarlega lágar.
Alþingi og ríkisstjórn hunsi vilja þjóðarinnar
Ísland er undir meðaltali OECD-ríkja þegar kemur að heildarútgjöldum til heilbrigðisþjónustu. Forstjóri Íslenskrar erfðagreiningar segir niðurstöðuna dapurlega úttekt á starfi þeirra sem stjórna landinu.
07.12.2019 - 12:43
Horfurnar í heimsviðskiptum versna
Efnahags- og framfarastofnunin OECD lækkaði í dag hagvaxtarspá sína fyrir næsta ár um 0,1 prósentustig. Ástæðan er fyrst og fremst spenna í milliríkjaviðskiptum, einkum milli Bandaríkjanna og Kína.
21.11.2019 - 14:10
Vinnutími sá sjötti stysti á Íslandi
Á Íslandi var sjötti stysti meðalársvinnutími fólks á vinnumarkaði af aðildarríkjum OECD í fyrra. Fólk vann að meðaltali 1.469 vinnustundir á ári hér á landi. Það eru tæpar sex klukkustundir á dag, ef miðað er við 248 virka daga að hátíðisdögum frádregnum.
06.09.2019 - 21:30
Kaupmáttur meðalárslauna mestur á Íslandi
Kaupmáttur meðalárslauna var mestur á Íslandi í fyrra af OECD-ríkjunum. Meðalárslaun voru tæplega átta og hálf milljón króna hér á landi. Þau voru næsthæst í Lúxemborg og Sviss, eða um átta milljónir króna. Meðalárslaun á öðrum Norðurlöndum voru nokkuð lægri, eða tæpar sjö milljónir króna í Danmörku, tæplega sex og hálf í Noregi og um fimm og hálf í Svíþjóð og Finnlandi.
04.09.2019 - 14:24
Vill mæla hagvöxt í sæld frekar en framleiðslu
Kristín Vala Ragnarsdóttir, jarðvísindakona og kennari við Háskóla Íslands, er meðal þeirra sem undanfarin ár hafa talað fyrir því að árangur þjóða verði mældur í öðru en vergri landsframleiðslu. Hún vinnur nú með alþjóðlegum vísindahópi við að þróa hugsun og vísa til að nálgast sældarhagkerfi.
07.08.2018 - 10:17