Færslur: Ný smit

Segjast hafa náð tökum á útbreiðslu COVID-19
Stjórnvöld í Norður-Kóreu staðhæfa að tekist hafi að koma böndum á útbreiðslu kórónuveirunnar í landinu. Nýjum smitum sé þegar tekið að fækka. Undanfarinn sólarhring greindust ríflega 134 þúsund ný tilfelli af COVID-19 í Norður-Kóreu.
24.05.2022 - 01:55
Nokkrar tilslakanir í Shanghai
Almenningssamgöngur hófust að hluta til í kínversku borginni Shanghai í morgun. Það er til marks um að lífið þar sé smám saman að færast í fyrra horf eftir nærri tveggja mánaða einangrun vegna útbreiðslu COVID-19.
22.05.2022 - 23:00
Um það bil 1,7 milljón Norður-Kóreumanna með COVID-19
Kim Jong-un, leiðtogi Norður-Kóreu kennir leti og vanrækslu embættismanna um sífellt aukna útbreiðslu kórónuveirunnar í landinu. Nú eru skráð tilfelli COVID-19 komin í 1,7 milljónir.
Tugum jarðlestastöðva lokað í Beijing vegna COVID-19
Borgaryfirvöld kínversku höfuðborgarinnar Beijing tóku til þess ráðs að loka tugum jarðlestastöðva í morgun. Smám saman hefur verið hert á sóttvarnareglum í borginni sem telur 21 milljón íbúa, vegna nýrra kórónuveirusmita.
04.05.2022 - 06:30
Bandaríkjamenn skipa starfsfólki heim frá Shanghai
Öllu starfsfólki sem ekki hefur brýnum skyldum að gegna innan bandarísku ræðismannsskrifstofunnar í kínversku borginni Shanghai hefur verið skipað að yfirgefa borgina. Mikil fjölgun kórónuveirusmita og hörð viðbrögð kínverskra stjórnvalda eru ástæða heimkvaðningarinnar.
12.04.2022 - 03:20
Þýska þingið felldi frumvarp um skyldubólusetningu
Þýska þingið felldi í dag tillögu ríkisstjórnar Olafs Scholz kanslara um skyldubólusetningar gegn COVID-19 fyrir alla sextuga og eldri. Kanslarinn sagði í nóvember að tryggasta leiðin út úr faraldrinum væri bólusetning fyrir alla fullorðna.
07.04.2022 - 23:55
Kínverjar glíma enn við aukna útbreiðslu COVID-19
Stjórnvöld í Kína greina frá því að á fjórtánda þúsund nýrra kórónuveirutilfella hafi greinst í landinu undanfarinn sólarhring. Aldrei hafa greinst fleiri smit í landinu frá því faraldurinn hófst fyrir rúmum tveimur árum.
03.04.2022 - 04:20
Helmingur íbúa Shanghai sætir útgöngubanni
Milljónir íbúa kínversku borgarinnar Shanghai þurfa að halda sig heima við þar sem stjórnvöld fyrirskipuðu útgöngubann í austurhluta hennar. Ástæðan er mesta útbreiðsla kórónuveirusmita frá upphafi faraldurs.
28.03.2022 - 05:05
Slakað á takmörkunum á Nýja-Sjálandi
Slakað verður á ströngum sóttvarnartakmörkunum á Nýja Sjálandi í vikunni. Jacinda Ardern forsætisráðherra segir að faraldurinn hafi náð hámarki og að ónæmi gegn veirunni sé orðið verulegt.
Enn beita Kínverjar útgöngubanni í baráttu við veiruna
Næstum þrjátíu milljónir Kínverja sæta nú útgöngubanni um gjörvallt landið. Mikil fjölgun smita hefur leitt af sér upptöku fjöldasýnataka og sjá má heilbrigðisstarfsfólk í hlífðarbúningum á strætum stórborga.
15.03.2022 - 05:54
Kínverjar glíma við mikla útbreiðslu kórónuveirusmita
Enn fjölgar kórónuveirutilfellum í Kína en heilbrigðisyfirvöld þar í landi greindu frá því að 3.393 ný tilfelli hefðu greinst þar í gær. Það er tvöfalt meira en daginn áður og stjórnvöld óttast að versta bylgja faraldursins sé í uppsiglingu.
13.03.2022 - 04:06
Fjöldaskimunum frestað í Hong Kong
Carrie Lam, æðsti embættismaður Hong Kong, segir ekki lengur forgangsmál að skylda alla íbúa borgarinnar í PCR-próf. Þó stendur ekki til að hætta algerlega við þær fyrirætlanir.
Suður-Kóreumenn kjósa forseta í skugga omíkron-bylgju
Forsetakosningar standa nú yfir í Suður-Kóreu og búist er við að valið standi á milli hins frjálslynda Lee Jae-myung og Yoon Suk-yeol, sem álitinn er íhaldssamari. Kórónuveirufaraldurinn fer mikinn í landinu, drifinn áfram af omíkron-afbrigði veirunnar.
09.03.2022 - 01:14
Lýðheilsufræðingur telur 90% Færeyinga smitast af COVID
Færeyskur lýðheilsufræðingur telur líklegt að nærri níu af hverjum tíu eyjarskeggja smitist af COVID-19 áður en faraldurinn gengur yfir. Hann telur ólíklegt að nýjum smitum fækki á næstunni.
Smitum fækkar á Grænlandi nema í tveimur bæjum
Kórónuveirusmitum hefur fjölgað talsvert í Tasiilaq stærsta þéttbýlisstaðnum á Austur-Grænlandi en annars staðar í landinu hefur smitum fækkað nokkuð. Öllum sóttvarnaraðgerðum var aflétt í landinu um miðja vikuna.
12.02.2022 - 01:10
Álag á sjúkrahús í Færeyjum eykst
Álag á sjúkrahús er tekið að aukast í Færeyjum. Allmargt sjúkrahússtarfsfólk er smitað af COVID-19 og kórónuveirusjúklingum fjölgar á sjúkrahúsinu. Forstjóri sjúkrahússins segir að ástandið sé þó enn viðráðanlegt.
10.02.2022 - 00:18
Hálf milljón dauðsfalla af völdum COVID frá í nóvember
Yfir 130 milljónir nýrra kórónuveirutilfella hafa greinst um heim allan frá því að omíkron-afbrigðið skaut upp kollinum í nóvember. Um hálf milljón hefur látist af völdum sjúkdómsins síðan þá.
Grænland
Áfengissölubann í fjórum af fimm sveitarfélögum
Áfengissölubann gildir nú í fjórum af fimm sveitarfélögum á Grænlandi. Lögreglu hefur nú í janúar borist fleiri tilkynningar um heimilisófrið en á sama tíma síðasta ár. Við því segir lögreglustjóri að þurfi að bregðast og segir mánaðamótin nú áhyggjuefni.
Segja sóttvarnareglur valda fjarvistum frekar en COVID
Um það bil 450 þúsund Norðmenn þurfa að halda sig heimavið og taka veikindaleyfi vegna kórónuveirufaraldursins á hverjum tíma að mati Lýðheilsustofnunar Noregs (FHI). Það sé fyrst og fremst vegna sóttvarnatakmarkana en ekki vegna þess að fólk sé mjög veikt.
Svíþjóð
Telja að hylli undir lok kórónuveirufaraldursins
Sænskur smitsjúkdómasérfræðingur telur að með mikilli útbreiðslu omíkron-afbrigðis kórónuveirunnar stefni í nægilega öflugt hjarðónæmi til að faraldurinn gæti fljótlega orðið að baki. Fjöldi nýrra smita dag hvern gæti verið vanmetinn verulega.
Landlæknir Færeyja telur stutt í hámark smitbylgjunnar
Landlæknir Færeyja álítur að hámarki yfirstandandi bylgju kórónuveirufaraldursins verði senn náð. Nú er mánuður í að öllum takmörkunum verði aflétt þar.
Metfjöldi smita en hægjast virðist á útbreiðslu omíkron
Omíkron er nú orðið ráðandi um víða veröld og því metur Alþjóðheilbrigðisstofnunin (WHO) áhættuna af því enn mikla en svo virðist sem hægt hafi á útbreiðslunni. Enn meira smitandi gerð omíkron-afbrigðis kórónuveirunnar hefur orðið vart í meira en 40 löndum.
Grænland
Samkomutakmarkanir auknar og áfengissölubanni komið á
Samkomutakmarkanir voru enn hertar á Grænlandi í gær auk þess sem tímabundið bann var sett við sölu áfengis í þremur sveitarfélögum. Kórónuveirufaraldurinn fer mikinn í landinu.
Metfjöldi kórónuveirusmita í Moskvu
Aldrei hafa fleiri greinst með covid í Moskvu, höfuðborg Rússlands en í gær. Rússar búa sig nú undir nýja bylgju faraldursins þar sem omíkron-afbrigðið verður ráðandi. Smitum á heimsvísu hefur fjölgað mjög frá því omíkron afbrigðisins varð vart.
Kína: Allar erlendar póstsendingar skulu sótthreinsaðar
Póstþjónustan í Kína skipar starfsmönnum að sótthreinsa allar sendingar sem berast frá útlöndum og hvetur almenning til að draga úr vörupöntunum erlendis frá.