Færslur: norðurland vestra

Eftir nánari skoðun þótti ekki greinarmunur á hæfni
Eftir viðtöl við umsækjendur og öflun frekari gagna þótti ekki greinarmunur á þeim tveimur umsækjendum um embætti lögreglustjóra á Norðurlandi vestra sem hæfnisnefnd mat hæfastan og næst hæfastan, að sögn Áslaugar Örnu Sigurbjörnsdóttur, dómsmálaráðherra.
Sá hæfasti ekki skipaður og óskar rökstuðnings
Tilkynnt var í gær að dómsmálaráðherra hefði skipað Birgi Jónasson í embætti lögreglustjóra á Norðurlandi vestra. Hæfisnefnd hafði aftur á móti metið Helga Jensson hæfastan umsækjenda. Helgi hefur óskað eftir rökstuðningi frá dómsmálaráðuneyti vegna skipunarinnar.
Birgir Jónasson nýr lögreglustjóri á Norðurlandi vestra
Dómsmálaráðherra hefur skipað Birgi Jónasson í embætti lögreglustjóra á Norðurlandi vestra frá 19. júlí.
Morgunútvarpið
Heyskapur nyrðra seinni af stað en í meðalári
Anna Margrét Jónsdóttir, bóndi á bænum Sölvabakka nærri Blönduósi segist ekki muna eftir jafn hvössu veðri og verið hefur undanfarið á þessum árstíma. Heyskapur er seinna á ferðinni en í meðalári og sláttur  varla byrjaður.
01.07.2021 - 08:35
Aurskriða féll á tvö hús í Varmahlíð
Aurskriða féll úr vegbrún á tvö hús í Varmahlíð í Skagafirði á fjórða tímanum í dag. Talsvert tjón varð á húsunum en enginn slasaðist að sögn Stefáns Vagns Stefánssonar yfirlögregluþjóns hjá lögreglunni á Norðurlandi vestra.
29.06.2021 - 17:52
Skagaströnd og Skagabyggð funda um sameiningu
Sveitarfélögin Skagaströnd og Skagabyggð sem liggja norður af Blönduósi hittast á fundi í kvöld og ræða grundvöll fyrir sameiningu. Þau höfnuðu bæði sameiningu allra sveitarfélaga í Austur-Húnavatnssýslu fyrr í sumar.
„Þetta er ekki dagur til að vera að ferðast“
Fólki ætti ekki að vera á ferðinni í norðvesturhluta landsins í dag, frá Breiðafirði að Norðurlandi eystra. Vonskuveður er við það að skella á. Haraldur Eiríksson, veðurfræðingur á Veðurstofu Íslands, segir að vind lægi ekki fyrr en í fyrramálið. „Þetta er ekki dagur til að vera að ferðast. Þetta er bara vonskuveður. Þetta er ekki góður dagur til ferðalaga og alls ekki til að vera í fjallgöngum,“ segir hann. 
Ekkert smit í Skagafirði í gær — Takmörkunum aflétt
Hertum sóttvarnaaðgerðum í Skagafirði og Akrahreppi var aflétt á miðnætti. Fjórir greindust með veiruna þar um helgina, allir í sóttkví. Alls er nú tuttugu og einn í einangrun í sveitarfélaginu en ekki er vitað til þess að nokkur þeirra sé alvarlega veikur. Ekkert smit greindist á svæðinu í gær.
17.05.2021 - 11:58
Slakað verður á sóttvarnaraðgerðum í Skagafirði
Látið verður af hertum sóttvarnaraðgerðum á miðnætti annað kvöld vegna hópsmits sem kom upp um liðna helgi í sveitarfélaginu Skagafirði og Akrahreppi. Þetta kemur fram í tilkynningu lögreglunnar á Norðurlandi vestra.
Um 200 Skagfirðingar skimaðir í dag
Um tvö hundruð Skagfirðingar voru skimaðir fyrir COVID-19 í dag og hátt í fjögur hundruð eru í sóttkví. Eina skipulagða hópskimun dagsins var í tengslum við leikskóla á Sauðárkróki þar sem smit hafði greinst, en margir fóru sjálfir í skimun vegna einkenna eða til að gæta öryggis. Þetta segir Stefán Vagn Stefánsson, yfirlögregluþjónn á Norðurlandi vestra, í samtali við fréttastofu.
10.05.2021 - 23:19
Þjóðvegur 1 lokaður vegna háspennulínu sem þverar veg
Hringvegur eitt milli Miðfjarðar og Víðidals er lokaður austan við Línakradal vegna háspennulínu sem þverar veginn. Þetta kemur fram á vef Vegagerðarinnar. Hjáleið er um Síðuveg og Vatnsnesveg sem ekki er ætluð farartækjum með meiri ásþunga en 3,5 tonn. .
15.02.2021 - 07:03
Íbúar á Hvammstanga hvattir til að spara kalda vatnið
Undanfarna daga hefur vatnshæðin í kaldavatnstanki fyrir Hvammstanga farið lækkandi. Ástæðan er sú að minna vatn kemur frá Grákollulind auk þess sem kaldavatnsnotkun er óvenju mikil. Fólk er hvatt til að spara kalda vatnið.
29.01.2021 - 13:23
Vilja þiggja eignir frá FISK þrátt fyrir viðhaldsþörf
Oddviti Sveitarfélagsins Skagastrandar vill að sveitarfélagið þiggi eignir sem FISK Seafood hefur boðið þeim að gjöf. Húsin eru í misjöfnu ástandi og þarfnast sum mikils viðhalds.
12.01.2021 - 11:00
Ítreka að ferðast aðeins í brýnni nauðsyn
Aðgerðarstjórn almannavarna á Norðurlandi vestra ítrekar að fólk takmarki ferðalög eins og kostur er. Að íbúar svæðisins fari ekki til höfuðborgarinnar né annara svæða þar sem þau geti verið útsett fyrir smiti. Þá eru höfuðborgarbúar beðnir að halda sig heima.
09.10.2020 - 15:54
Fjögur í einangrun á Akureyri
Fjögur eru í einangrun á Norðurlandi af þeim 72 sem skráðir eru í einangrun samkvæmt upplýsingum frá landlækni.
Skriður féllu víða um helgina 
Skriður féllu á Vestfjörðum og Norðurlandi vestra í óveðrinu um helgina. Veðurstofan og Vegagerðin höfðu varað við hættu á skriðum og grjóthruni á vegum og ráðið vegfarendum frá því að ferðast um tiltekna fjallvegi. 
20.07.2020 - 15:23
13,6 metra langan búrhval rak á land í Kálfshamarsvík
Búrhvalur, sem hafði rekið á land, fannst á fimmtudag í Kálfshamarsvík á Skaga á Norðurlandi vestra. Þetta er annar búrhvalurinn sem fannst í þessum landshluta á árinu og segir Bjarni Jónsson, forstöðumaður Náttúrustofu Norðvesturlands, að það sé athyglisvert að tvö stórhveli reki þar á land á stuttum tíma og að það þurfi að rannsaka.
11.05.2020 - 17:59
Fréttaskýring
Fara í hvert útkall með Covid-19 sér við hlið
Það tók lögregluna nokkra daga að læra á Covid, en nú hafa störfin verið aðlöguð að farsóttinni. Þetta segir aðstoðaryfirlögregluþjónn í Kópavogi. Lögreglustjórinn á Akureyri missti á tímabili fimmtung starfsmanna í sóttkví. Það gengur á ýmsu, fólk sem á að vera í sóttkví gengur berserksgang í miðbænum og of mörg börn safnast saman á fótboltavöllum. Faraldurinn kann að hafa haft áhrif á glæpalandslagið en það er erfitt að átta sig á þeim áhrifum í miðju kófi. 
Þrír fluttir á Landspítala eftir harðan árekstur
Harður árekstur tveggja fólksbíla varð á þjóðvegi 1 við Stóru Giljá í A-Húnavatnssýslu á þriðja tímanum í dag. Fjórir voru í öðrum bílnum og tveir í hinum. Fólkið var allt flutt á Sjúkrahúsið á Blönduósi til aðhlynningar. Lögreglan óskaði eftir aðstoð frá Landhelgisgæslunni og er hefur þyrlu hennar verið lent á flugvellinum á Blönduósi og er gert ráð fyrir að þrír verði fluttir með henni á Landspítalann, að sögn Ásgeirs Erlendssonar, upplýsingafulltrúa Landhelgisgæslunnar.
17.02.2020 - 16:10
Viðtal
Allar rúður á austurhlið bæjar í Vatnsdal sprungu
Töluvert tjón hefur orðið á tveimur bæjum í Húnavatnssýslum, öðrum í Vatnsdal og hinum í Víðidal, í fárviðrinu sem nú gengur yfir landið. Á Norðurlandi hefur bætt töluvert í vindinn á síðustu klukkustund.
14.02.2020 - 12:44
Óvissustig á Holtavörðuheiði frá klukkan 15 í dag
Vegagerðin hefur lýst yfir óvissustigi á Holtavörðuheiði frá klukkan 15:00 í dag vegnar slæmrar veðurspár og er búist við loka þurfi veginum. Nú er hált á Holtavörðuheiði, að því er fram kemur á vef Vegagerðarinnar. Appelsínugular og gular veðurviðvaranir eru í gildi fyrir nær allt landið í dag og þar til á morgun.
13.01.2020 - 11:11
Lögregla biður fólk að halda kyrru fyrir á N-vestra
Lögreglan á Norðurlandi vestra biðlar til fólks að halda kyrru fyrir á morgun vegna veðurs. Búast má við víðtækum vegalokunum í umdæminu strax í fyrramálið. Allt skólahald fellur niður á morgun og á miðvikudag.
09.12.2019 - 22:08