Færslur: Náttúrufræðistofnun Íslands

Gott holdafar vísbending um uppsveiflu rjúpnastofnsins
Holdafar rjúpna er mun betra en í fyrra og með því besta sem mælst hefur frá því farið var að fylgjast með viðgangi rjúpna 2006. Fuglafræðingur segir þetta geta boðað betri tíma fyrir stofninn.
Veit ekki hvað réttlætir fleiri fundi um rjúpnaveiðar
Formaður Skotveiðifélags Íslands segist ekki vita hvað réttlæti fleiri fundi til að ákveða fyrirkomulag rjúpnaveiða í ár. Fulltrúar félagsins hafa verið boðaðir á fund í Umhverfisráðuneytinu á morgun. Hann segir að Umhverfisstofnun hafi lagt til óbreytt fyrirkomulag veiða frá síðasta ári og Náttúrufræðistofnun ekki sett sig upp á móti því.
Ekki óhætt að veiða meira en 20.000 rjúpur í haust
Náttúrufræðistofnun leggur til að aðeins megi veiða 20.000 rjúpur í haust. Aldrei í 16 ára sögu veiðiráðgjafar rjúpu hefur hauststofn verið minni en í ár. Fuglafræðingur segir að rjúpnastofninum hafi hnignað, til lengri tíma litið.
Landinn
Nýr sveppur búinn að nema land
„Við höldum að þetta sél Lactarius fennoscandicus sem er sveppur sem hefur ekki fundist hér á landi áður,“ segir Guðríður Gyða Eyjólfsdóttir, sveppafræðingur hjá Náttúrufræðistofnun Íslands, sem fékk forvitnilegan svepp í pósti á dögunum.
Spegillinn
Einungis um 30 andarungar á Tjörninni í Reykjavík
Milli þrjátíu og fjörutíu andarungar komust á legg við Tjörnina í Reykjavík í sumar. Þetta sýna niðurstöður úr árlegri talningu. Fuglalífi við Tjörnina hefur hnignað á undanförnum árum, segir Ólafur K. Nielsen, fuglafræðingur hjá Náttúrufræðistofnun
Spegillinn
Ungar í einungis 18 fálkahreiðrum á Norðausturlandi
Einungis 18 fálkapör komu upp ungum í ár á Norðausturlandi, þar sem Ólafur K, Nielsen, fuglafræðingur hjá Náttúrufræðistofnun Íslands, hefur verið á hverju sumri síðastliðin fjörutíu ár við rannsóknir. Fimmtíu óðul voru í ábúð á svæðinu í sumar.
Sjónvarpsfrétt
Akurhumla nýr landnemi á Austurlandi
Akurhumla er nýr landnemi sem hefur nú fundist á nokkrum stöðum á Austurlandi. Humlan er smágerðari og kvikari en landsmenn þekkja jafnan úr sínu næsta nágrenni.
Enn mikið hitaútstreymi í Surtsey 54 árum eftir gos
Jarðfræðingar á vegum Náttúrufræðistofnunar Íslands lögðu leið sína til Surtseyjar um miðjan júlí líkt og þeir hafa gert reglulega frá því að Surtseyjargosi lauk 1967. Megintilgangur ferðarinnar er að fylgjast með hitaútstreymi í Surtsey sem og að kanna rof á eynni. Þá voru nýjar borholur teknar í notkun árið 2017 en nú fer fram langtímarannsókn á þeim.
Heildarfjöldi frjókorna á Akureyri sá mesti síðan 2005
Heildarfjöldi frjókorna sem mældist á Akureyri í liðnum júnímánuði er sá mesti frá árinu 2005. Það virðist því ekki hafa komið að sök að kalt væri í veðri á Norðurlandi framan af júnímánuði. Þetta kemur fram í tilkynningu frá Náttúrufræðistofnun Íslands.
Refum fjölgar ekki á Hornströndum þótt friðaðir séu
Refapörum á Hornströndum og í Snæfellsjökulsþjóðgarði hefur ekki fjölgað eftir friðun þótt refum annars staðar á landinu hafi fjölgað umtalsvert á tuttugu árum. 
07.06.2021 - 15:51
Meira en 30 hektarar brunnir í eldunum á Reykjanesskaga
Meira en þrjátíu hektarar lands hafa orðið gróðureldum að bráð í kringum eldsstöðvarnar við Fagradalsfjall. Náttúrufræðistofnun Íslands endurmat nýverið umfang eldanna, sem hafa vaxið töluvert. Hraun þekur nú meira en tvo ferkílómetra og eykst dag frá degi.
Glænýtt þrívíddarlíkan af gossvæðinu
Náttúrufræðistofnun birti í dag nýtt þrívíddarlíkan af gossvæðinu við Fagradalsfjall. Þrívíddarlíkön Náttúrufræðistofnunar byggja á ljósmyndum sem teknar voru úr flugvél og eru unnin af myndmælingateymi stofnunarinnar. Verkefnið er unnið í samstarfi við Almannavarnir, Landmælingar Íslands og Háskóla Íslands. Nýja líkanið byggir á myndum sem voru teknar í dag.
Spegillinn
Þrengir að tegundum með hlýnandi loftslagi
Þorkell Lindberg Þórarinsson, nýr forstjóri Náttúrufræðistofnunar Íslands, segir að auka þurfa vöktun og kortlagningu á náttúru Íslands. Það verði eitt meginverkefni stofnunarinnar hér eftir sem hingað til. Þorkell Lindberg tók við sem forstjóri Náttúrufræðistofnunar um síðustu áramót.  Jón Gunnar Ottósson lét þá af störfum, en hann var forstjóri stofnunarinnar í 27 ár.
Nokkrir foreldrar hafa tekið börn sín úr Fossvogsskóla
Foreldrar barna við Fossvogsskóla furða sig á að skýrsla Verkís um stofu 8 í skólanum skuli ekki enn hafa verið birt. Þar koma fram upplýsingar frá Náttúrufræðistofnun Íslands þess efnis að sveppinn kúlustrýnebba sé þar að finna í meira umfangi en búist var við.
12.03.2021 - 13:40
Foreldrar krefjast tafarlausra úrbóta í Fossvogsskóla
Foreldrar barna, sem hafa fundið fyrir veikindum vegna mygluvanda í Fossvogsskóla, telja mjög alvarlegt að foreldrum hafi ekki verið greint frá því tafarlaust að skaðlegar sveppategundir finnast víða í skólanum. Borgin hljóti að íhuga að rýma skólann þar til lausn er fundin.
Hreindýr hlaupa fyrir bíla á Norðfjarðarvegi
Óhöpp hafa hlotist af því að hreindýr hlaupa í veg fyrir bíla sem fara um Norðfjarðarveg við álverið í Reyðarfirði. Allstór hreindýrahjörð hefur haldið sig á þessum slóðum um nokkra hríð. Lögreglan á Austurlandi hvetur því ökumenn sem þarna eiga leið um til árverkni sérstakrar árverkni. 
Leggja til að Rjúkandi og Hvalá verði friðuð
Náttúrufræðistofnun leggur til að friðun 26 fossa og selalátra verði sett á framkvæmdaáætlun Náttúruminjaskrár. Þar á meðal er er vatnasviðið sem fyrirhugað er að nýta í Hvalárvirkjun í Árneshreppi á Ströndum.
Rýmingu bæjanna undir Hleiðargarðsfjalli aflétt
Ákveðið hefur verið að aflétta rýmingu sem gilti fyrir bæina Gilsá 1 og 2 í Eyjafirði og sumarbústað við þann síðarnefnda.
Spegillinn
5 rjúpur á mann
Náttúrufræðistofnun metur að rjúpnastofninn þoli að veiddar verði 25 þúsund rjúpur í haust. Í fyrra hljóðaði ráðgjöfin upp á rúmlega 70 þúsund fugla. Ef þessi ráðgjöf gengur eftir þýðir hún að ráðlögð veiði nemi fimm fuglum á hvern veiðimann.
Fundu COVID-hanska og nýjar tegundir í Surtsey
Gróska í Surtsey er góð samkvæmt niðurstöðum árlegrar vísindaferðar út í eyjuna og var mikið af blómstrandi plöntum. Kórónuveiran minnti þó á sig þar líkt og annars staðar.
Ekki eins hátt hlutfall grenja í fimm ár
Í nýafstaðinni vettvangsferð Náttúrufræðistofnunar Íslands á Hornstrandir kom í ljós að ábúð og tímgun refa á Hornströndum er með besta móti, eða 40%. Flest óðul hafa stækkað og fæðuskilyrði eru góð.
17.07.2020 - 14:13
Grasfrjó flest í Garðabæ og mest af birkifrjóum nyrðra
Svipaður fjöldi frjókorna mældist í lofti á Akureyri í júnímánuði og í sama mánuði undanfarin ár. Í Garðabæ mældust aftur á móti um tvöfalt fleiri frjókorn en að meðaltali í júní. Á Akureyri voru birkifrjó sú tegund frjókorna sem mældist mest af en í Garðabæ mældist mest af grasfrjóum. 
Einungis 15 fálkapör komu upp ungum í ár
Afkoma og frjósemi fálka er mjög lítil í ár. Hún hefur einungis einu sinni áður verið minni frá því að farið var að fylgjast með fálkanum fyrir fjörutíu árum. Fimmtán af 55 pörum komu upp ungum á Norðausturlandi, segir Ólafur K Nielsen, fuglafræðingur hjá Náttúrufræðistofnun Íslands. 
01.07.2020 - 13:00
„Enginn okkar er sérfróður um lúsmýið“
Erling Ólafsson, skordýrafræðingur á Náttúrufræðistofnun Íslands, hefur litla trú á auglýsingum manna sem taka að sér að eyða lúsmýi. Til að verjast lúsmýi mælir hann með fínriðnu neti fyrir opnanlega glugga, og viftu til að halda lofti í svefnherbergi á hreyfingu. Þetta kemur fram í nýrri færslu hans á Facebook-síðu hans, Heimur smádýranna.
30.06.2020 - 18:56
Rjúpum fjölgar í flestum landshlutum
Rjúpum hefur fækkað á Norðurlandi en fjölgað í öðrum landshlutum. Þetta leiðir rjúpnatalning Náttúrufræðistofnunar Íslands vorið 2020 í ljós. Í fyrra fækkaði rjúpum víðast hvar, nema í lágsveitum á Norðausturlandi.