Ólafur Þór Hauksson héraðssaksóknari segir að rannsókn embættisins á Samherjaskjölunum sé umfangsmikil og kalli á samstarf við erlendar löggæslustofnanir. Rannsóknin er nokkuð stór að umfangi og tekur örugglega þó nokkurn tíma segir Ólafur Þór í viðtali sem birtist í Kveik í kvöld. Hluti þess var spilaður í Morgunútvarpinu á Rás 2 í morgun.

Réttarhöld í Fishrot-málinu svokallaða verða flutt í yfirrétti Namibíu næsta vor. Sakborningarnir verða í fangelsi þangað til, nema þeim verði veitt heimild að losna gegn tryggingu. Málið er á dagskrá 22. apríl 2021. Frá þessu var greint í namibískum fjölmiðlum í morgun. Rannsókn málsins er formlega lokið. Fleiri handtökur eru væntanlegar.

Ólöglegur ávinningur Samherja af milliríkjasamningi namibískra og angólskra yfirvalda, sem nú er til rannsóknar vegna gruns um mútur og spillingu, er metinn á 548 milljónir Namibíudollara, jafnvirði um 4,7 milljarða íslenskra króna. Þetta er á meðal þess sem fram kemur í beiðni sem namibískur saksóknari hefur lagt fram fyrir þarlendum dómstól um kyrrsetningu á eignum fjölmargra félaga vegna rannsóknar á þessum hluta Samherjamálsins, þeirra á meðal sex félaga á vegum Samherja.

Yfirvöld í borginni Swakopmund í Namibíu hafa fengið beiðni um að breyta nafni á götu í borginni. Ástæðan er sú að hún er nú kennd við Bernhard Esau, fyrrverandi sjávarútvegsráðherra Namibíu sem er einn af þeim sem sakaður er um spillingu í tengslum við Samherja-skjölin.

Dótturfyrirtæki Samherja í Namibíu greiddi fyrir kvóta með því að millifæra beint inn á reikning lögmannstofa, að því er namibíski fjölmiðillinn The Namibian greinir frá í dag. Þar segir að þetta hafi verið greiðslur fyrir afmarkaðan hluta kvóta og að þær hafi átt að vera eyrnamerktar til að vinna að félagslegum umbótum í landinu. Það hafi þó ekki orðið raunin og er talið að Swapo-flokkurinn hafi að hluta nýtt þær í kosningabaráttu sinni.

Duard Kesslau, dómari í Windhoek í Namibíu, lýsir meintum brotum Bernhardts Esau, fyrrverandi sjávarútvegsráðherra, og Tamsons Hatukuilipi, tengdasonar hans, sem „ráni um hábjartan dag".

Atvinnuvega- og nýsköpunarráðuneytinu barst nokkrum dögum áður en fjallað var um mál Samherja í fréttaskýringaþættinum Kveik tilkynning um kaup erlends aðila á stórum hlut í Samherja. Þorsteinn Már Baldvinsson, forstjóri Samherja, hafði nokkrum dögum áður hafnað beiðni Kveiks um viðtal. Ekki var hins vegar tilkynnt opinberlega um viðskiptin fyrr en í maí á þessu ári.

Fyrrverandi ráðherrarnir Bernhard Esau og Sacky Shanghala mættu í gær fyrir dóm vegna ákæru um spillingu og fjársvik. Málið varðar 75,6 milljónir namibíudollara sem voru sviknir út úr ríkisfyrirtækinu Fishcor.

Björgólfur Jóhannsson, starfandi forstjóri Samherja, segir mjög líklegt að fyrirtækið fari fram á að kyrrsetningu skipsins Heinaste verði aflétt fyrir dómi.

Namibíska spillingarlögreglan, ACC, hefur ráðlagt stjórnvöldum í Namibíu að leyfa ekki fleiri skipum eða fólki sem með einhverjum hætti tengjast rannsókn yfirvalda á Samherjaskjölunum að yfirgefa landið nema að ACC eða lögreglan verði látin fyrst.

Sjómenn á Sögu, skipi Samherja í Namibíu, hafa áhyggjur af framtíð sinni eftir að skipinu var fyrirvaralaust siglt, án þeirra, til Las Palmas á Kanaríeyjum. Skipið er að sögn á leið þangað í viðgerð en sjómennirnir fengu sms-skilaboð um að þeir þyrftu að sækja eigur sínar um borð án tafar.

Lögreglumaður hefur verið handtekinn í Namibíu í tengslum við rannsókn á Samherjaskjölunum. The Namibian greinir frá og segir að lögreglumaðurinn sé grunaður um að hafa reynt að fá debetkort skáð á James Hatuikulipi og Pius Mwatelulo, sem ákærðir eru í málinu.