Færslur: Morgunútvarpið

Rafrettunotkun hætt að aukast
Konur nota rafrettur nú í meira mæli en karlar sem hafa dregið úr notkuninni. Sjö prósent kvenna og fimm prósent karla veipa og hefur notkunin í fyrsta sinn ekki aukist milli ára. Fleiri nota munntóbak.
28.08.2019 - 09:46
Viðtal
Jafnöruggt fyrir hraustar konur að fæða heima
Ár hvert kjósa um áttatíu konur að fæða börnin sín heima. Konur sem kvíða fæðingunni kjósa það gjarnan fram yfir að fæða á Landspítalanum hjá ljósmóður sem þær hafa ekki áður hitt.
12.08.2019 - 09:27
Viðtal
Undirliggjandi rekstur að batna
Rekstur Icelandair hefur batnað á milli ára, ef horft er framhjá því tjóni sem félagið hefur orðið fyrir vegna kyrrsetningar Max 8 véla félagsins. Þetta segir sérfræðingur hjá greiningardeild Arion banka. Nýbirt uppgjör félagsins sé mjög merkilegt.
06.08.2019 - 10:08
Viðtal
Fasteignaverð á Akureyri 75% af verði í RVK
Fasteignaverð á Akureyri er nú um 75 prósent af því sem það er á höfuðborgarsvæðinu, um 70 prósent á Akranesi og Í Reykjanesbæ og um 65 prósent í Árborg, samkvæmt mati hagfræðideildar Landsbankans.
11.07.2019 - 09:10
Mikil tækifæri fólgin í flugvallarborg
Fjármálaráðherra og fulltrúar Reykjanesbæjar, Suðurnesjabæjar og Isavia undirrituðu í dag viljayfirlýsingu um samstarf um skipulag og þróun lands í nágrenni Keflavíkurflugvallar, sem er í höndum þróunarfélagsins Kadeco.
26.06.2019 - 21:57
Viðtal
Bólusetning við hlaupabólu hefst 2020
Til stendur að hefja almenna bólusetningu við hlaupabólu á næsta ári. Þetta kom fram í viðtali við Þórólf Guðnason sóttvarnarlækni í Morgunútvarpinu á Rás 2 í morgun. Undirbúningur undir bólusetninguna er hafin hjá sóttvarnarlækni.
07.06.2019 - 12:10
Viðtal
Viðbragðstími nýja skipsins mun styttri
Nýtt björgunarskip Ísafjarðar var vígt um helgina. Gauti Geirsson, formaður Björgunarbátasjóðs Landsbjargar á Ísafirði, segir nýja skipið ganga 26 sjómílur í stað 16 til 17. Viðbraðgstíminn verði því mun styttri en áður.
03.06.2019 - 10:15
Viðtal
Björgólfur Thor rétti Skúla hjálparhönd
Félag í eigu Björgólfs Thor Björgólfssonar lagði til um 420 milljónir króna eða þrjár milljónir evra í skuldafjárútboði WOW air í haust. Þetta er meðal þess sem kemur fram í nýrri bók Stefáns Einars Stefánssonar, viðskiptafréttastjóra Morgunblaðsins.
28.05.2019 - 09:57
Segir Miðflokkinn hluta af „Bannon-væðingu“
„Ég hef ákveðnar áhyggjur af því að ákveðin aðferðafræði sé að ná tökum á okkar samfélagi. Ég hef kallað þetta Bannon-væðingu. Við erum að upplifa það að íslenskir Steven Bannonar eru að spretta upp hér þar sem er beinlínis og markvisst verið að afvegaleiða umræðuna. Það er verið að halda fram rangfærslum nógu lengi til að sá efasemdarfræjum hjá fólki á grunni ótta,“ segir Þorgerður Katrín Gunnarsdóttir, formaður Viðreisnar.
21.05.2019 - 09:43
Sinna heilbrigðum konum en ekki sjúklingum
Einungis brot af þeim 300 sem greinst hafa með BRCA2-genið hafa sóst eftir viðtölum eða ráðgjöf, að sögn Kristjáns Skúla Ásgeirssonar brjóstaskurðlæknis. Hann segir brjóstnám mjög sérstaka þjónustu þar sem verið sé að sinna heilbrigðum konum en ekki sjúklingum. Aðgerðin geti minnkað líkur á brjóstakrabbameini um 95 til 97 prósent.
17.05.2019 - 14:49
Viðtal
45 sinnum tilkynnt um lyfjaskort
Fyrstu fjóra mánuði ársins var 45 sinnum tilkynnt um skort á lyfjum hér á landi. Rúna Hauksdóttir Hvannberg, forstjóri Lyfjastofnunar, sagði í Morgunútvarpinu á Rás 2 í morgun að lyfjaskortur þýddi ekki endilega að lyf væri ekki til á landinu heldur að ákveðið vörunúmer á lyfi væri ekki til. Samheitalyf eða önnur sambærileg lyf gætu verið til. Rúna segir það vera krítískan lyfjaskort þegar ekkert annað lyf sé til en að það hafi ekki gerst nýlega.
16.05.2019 - 10:07
Uppálagt að fara ekki inn á ótryggan vettvang
Ótryggar aðstæður á slysavettvangi geta valdið því að sjúkraflutningamenn þurfi að halda sig til hlés þar til lögregla kemur á staðinn. Þetta sagði Birkir Árnason, formaður fagdeildar sjúkraflutninga, í Morgunútvarpinu á Rás 2 í morgun. Hann segir að sjúkraflutningamenn þurfi oft að vinna við óþægilegar aðstæður og það verði að meta hættu sem getur verið til staðar í hverju tilfelli fyrir sig.
Mikilvægt að grípa snemma inn í
Mikilvægt er að hefja snemma þjónustu við ung börn með röskun í taugaþroska. Solveig Sigurðardóttir læknir segir að börn mótist af umhverfi sínu og rannsóknir síðustu áratugi sýni að hægt sé að hafa óbein áhrif á starfsemi taugakerfisins með því að örva þau með markvissum leiðum.
08.05.2019 - 15:37
Viðtal
Verði nóg að annar aðilinn vilji skilnað
Þingmenn Viðreisnar hyggjast leggja fram frumvarp sem styttir tímann sem tekur að fá lögskilnað. Jón Steindór Valdimarsson, þingmaður flokksins, sagði í Morgunútvarpinu á rás 2 í morgun að frumvarpið verði lagt fyrir þingið á næstu dögum.
08.05.2019 - 09:55
Viðtal
Klökkur eftir blaðamannafund og magnaða æfingu
Fyrsta æfing Hatara úti í Tel Aviv er nú afstaðin og blaðamannafundur einnig, þar sem Hatari lét heldur betur finna fyrir sér eins og þau höfðu gefið loforð um. Felix Bergsson á ekki orð yfir sínu fólki en segist ætla að koma Hatara alla leið.
Hvetja fólk hugsanlega til sniðgöngu á vörum
Drífa Snædal, forseti ASÍ, útilokar ekki að almenningur verði hvattur til sniðgöngu á vörum frá fyrirtækjum sem hækka vöruverð í framhaldi af undirritun kjarasamninga. Heildsölufyrirtækið Íslensk Ameríska sem á Mylluna, Frón, Kexsmiðjuna og Ora, og flytur inn mörg af þekktustu vörumerkjum heims boðaði í um helgina 3,9 prósenta hækkun á öllum vörum fyrirtækjanna.
23.04.2019 - 09:08
Viðtal
Hver vill eignast gamlan kött?
Fólk í kisuleit hefur verið að reka sig á það upp á síðkastið að kettlingar eru orðnir illfáanlegir. Víða eru hins vegar ljúfar kisur á besta aldri í heimilisleit.
13.04.2019 - 11:00
Viðtal
Aðeins góðar aðstæður í 61 klukkustund
Aðeins hafa verið góðar aðstæður til að dýpka í Landeyjahöfn í 61 klukkustund það sem af er þessu ári samanborið við 336 stundir á sama tíma í fyrra. Þetta segir G. Pétur Matthíasson, upplýsingafulltrúi Vegagerðarinnar. Enn hefur ekki tekist að opna höfnina eftir veturinn og hefur Írís Róbertsdóttir, bæjarstjóri í Vestmannaeyjum, óskað eftir óháð úttekt verði gerð á Landeyjahöfn. Hún segir ófremdarástand á höfninni.
10.04.2019 - 08:54
Telur viðræður vera lokatilraun í björgun WOW
Stefnt er að því að niðurstöður viðræðna um kaup Icelandair Group á WOW liggi fyrir á mánudaginn. Tilkynnt var í gær að viðræður um kaup bandaríska fjárfestingafélagsins Indigo Partners á WOW hefðu runnið út í sandinn.
22.03.2019 - 08:24
Vandræði Breta styrkja Guðlaug í afstöðu sinni
Vandræðagangur Breta við að ná samningum við Evrópusambandið um Brexit hefur sannfært Guðlaug Þór Þórðarson utanríkisráðherra enn frekar um mikilvægi þess að standa utan við Evrópusambandið. Þetta sagði Guðlaugur Þór í Morgunútvarpinu á Rás 2 í morgun.
19.03.2019 - 11:00
Ríkur vilji til að ná lengri samningum
Ísland hefur náð skammtímasamningum við Bretland um viðskipti eftir Brexit. Tilkynnt var um samningana í gær. Guðlaugur Þór Þórðarson utanríkisráðherra segir að það sé ríkur vilji bæði íslenskra stjórnvalda og breskra að ná samningum til lengri tíma. Guðlaugur sagði í samtali við Morgunútvarpið markmiðið vera að halda samskiptunum eins og þau hafi verið hingað til.
19.03.2019 - 09:04
Varar við því að dómur MDE sé oftúlkaður
Það er algjörlega yfirdrifin lýsing á ástandi Landsréttar að halda því fram að öll þau mál sem dómararnir fjórir dæmdu, sem ráðherra skipaði í andstöðu við niðurstöðu hæfnisnefndar, séu í uppnámi. Þetta segir Björg Thorarensen, professor í lögfræði við Háskóla Íslands. Í Morgunútvarpinu á Rás 2 sagði hún dóm Mannréttindadómstólsins mikilvægan en varar við því að hann sé oftúlkaður. 
14.03.2019 - 09:17
Verkfall rætt á stærstu ferðakaupstefnu heims
Verkfall hótelþerna hefst klukkan tíu í dag. Á sama tíma fer fram stærsta ferðakaupstefna í heimi í Berlín. Kristófer Oliversson, forstjóri Centerhótela segir verkfallið á Íslandi vera eitt aðalumræðuefnið á dagskrá.
08.03.2019 - 06:54
Mesta fækkun síðan Eyjafjallajökull gaus
Kæmi til gjaldþrots WOW hefði það gífurleg áhrif á ferðaþjónustu, einkum til skamms tíma. Þetta sagði Steinn Logi Björnsson í Morgunútvarpinu í morgun. Áhrifin til lengri tíma yrðu ef til vill minni.
07.03.2019 - 09:31
Viðtal
Geir og Guðni tókust á í morgunútvarpinu
Guðni Bergsson, núverandi formaður KSÍ, og Geir Þorsteinsson, sem sinnti formennsku um árabil, eru í framboði til formanns KSÍ á ársþingi sambandsins sem fram fer á laugardag. Geir og Guðni tókust á í morgunútvarpinu á Rás 2 í morgun.
06.02.2019 - 09:29