Háttsettur bandarískur embættismaður segir að samningaviðræður við Írani um kjarnorkuáætlun þeirra sé að renna út í sandinn. Hann hvetur írönsk stjórnvöld að efna til beinna viðræðna við Bandaríkjamenn svo hægt verði að komast að samkomulagi.

Utanríkisráðherrar Bandaríkjanna og Kína, þeir Antony Blinken og Wang Yi. hyggjast nota tækifærið og halda fund í Róm í dag, sunnudag. Þar eru þeir báðir staddir á leiðtogafundi G20-ríkjanna. Bandaríska utanríkisráðuneytið gaf út tilkynningu þessa efnis í kvöld. Þetta verður annar fundur utanríkisráðherra stórveldanna eftir valdatöku Joes Bidens.

Viðskiptasamningur við Evrópusambandið í kjölfar útgöngu Breta verður að vera tilbúinn eigi síðar en fimmtánda október. Þessu lýsti Boris Johnson forsætisráðherra Bretlands yfir í dag.

Yfirvöld í Sádí-Arabíu ætla sér ekki að koma á diplómatískum tengslum við Ísrael fyrr en stjórnvöld þar hafa friðmælst við Palestínumenn.