Íslensk stjórnvöld hafa samið við Símann, Mílu og Ardian France S.A. um kvaðir sem fylgja kaupum erlenda fyrirtækisins á fjarskiptanetum Mílu. Mikið hefur verið rætt um viðskiptin og ýmsir lýst áhyggjum af því að þau kynnu að grafa undan öryggi íslenskra innviða. Starfshópur á vegum fjögurra ráðuneyta aflaði sér upplýsinga um franska fyrirtækið og komst að þeirri niðurstöðu að það ógnaði ekki þjóðaröryggi. Það byggir ekki síst á því samkomulagi sem stjórnvöld náðu við erlendu fjárfestana.

Samkeppniseftirlitið telur tilefni til þess að skoða kaup sjóðastýringarfyrirtækisins Ardian á Mílu, dótturfélagi Símans, á grundvelli samrunaákvæða samkeppnislaga. Kallað hefur verið eftir samrunatilkynningu vegna kaupanna. 

Oddný Harðardóttir þingkona Samfylkingarinnar segir það alvarlegt mál ef ganga eigi frá sölu Mílu án þess að Alþingi fjalli um málið. Fjárfestingafélagið Ardian France SA hefur gert tilboð í Mílu og er salan langt komin. Oddný segir söluna þjóðaröryggismál og það skipti máli hvaða ríki tengist þeim eigendum sem standa að baki sjóðnum.

Stjórnarformaður Lífeyrissjóðs verslunarmanna tilkynnti á fundi fulltrúaráðs Lífeyrissjóðs verzlunarmanna í kvöld að hann myndi taka það upp í stjórn sjóðsins hvort fara ætti fram á hluthafafund í Símanum vegna sölunnar á Mílu. Ragnar Þór Ingólfsson, formaður VR, óttast að langtímahagsmunum Símans og viðskiptavinum fyrirtækisins sé fórnað fyrir skammtímahagsmuni hluthafa.

Hrafnkell V. Gíslason, forstjóri Fjarskiptastofu býst ekki við verulegum umskiptum á fjarskiptamarkaði við söluna á Mílu til franska sjóðastýringarfyrirtækisins Ardian. Fjarskiptastofa hefur átt fund með stjórnendum Ardian um kaupin.

Íslensk stjórnvöld hafa gert þá kröfu við söluna á Mílu að tryggt verði að búnaður verði í íslenskri lögsögu og ávallt verði upplýst um raunverulega eigendur. Alþjóðlegt sjóðastýringarfyrirtæki hefur samþykkt að kaupa Mílu fyrir 78 milljarða króna.

Síminn hefur gert samkomulag við alþjóðlega sjóðastýringarfyrirtækið Ardian SA um kaup á öllu hlutafé í dótturfélaginu Mílu. Þetta kemur fram í fréttatilkynningu og að nokkrum lífeyrissjóðum verði gefinn kostur á að fjárfesta í fyrirtækinu.

Stjórnarandstaðan krefst þess að ítarlegri umræða verði um fyrirhugaða sölu á dótturfyrirtæki Símans, Mílu sem rekur ljósleiðarakerfi um allt land. Formaður Viðreisnar hefur óskað eftir að forsætisráðherra hitti formenn allra flokka til að ræða málið. Hún furðar sig á að ríkisstjórnin og þjóðaröryggisráð hafi ekki verið búin að bregðast fyrr við fyrirhugaðri sölu á fyrirtækinu. „Og ég spyr einfaldlega: hvar er Þjóðaröryggisráð búið að vera síðastliðin tvö ár?,“ spyr Þorgerður Katrín.

Farið er hörðum orðum um netöryggissveit Póst- og fjarskiptastofnunar í umsögn Sýnar hf. um nýtt frumvarp sem felur í sér heildarendurskoðun á lögum um stofnunina. Nafni hennar á að breyta í Fjarskiptastofu. Í umsögninni segir að starfsemi netöryggissveitarinnar hafi valdið vonbrigðum en þó hafi rekstrargjald fjarskiptafyrirtækjanna til hennar verið hækkað og framlög til málaflokksins stóraukin. Sveitin starfi hvorki á kvöldin né um helgar - ólíkt netglæpamönnum.

Framkvæmdastjóri Mílu segir nýjan ljósleiðara yfir hálendið skipta miklu máli fyrir fjarskiptaöryggi í landinu. Í lok október ætti Suðurland og Norðurland að vera tengt með ljósleiðara yfir hálendið en ekki einungis í kringum landið eins og nú.

Grundfirðingur, sem vinnur sem hljóðmaður í fjarvinnu, keyrir upp í sveit til þess að tengja sig við ljósleiðara sem er ekki til staðar í bænum sjálfum. Hann segir það fljótlegra en að hala upp og niður heimavið.