Færslur: miðaldahandrit

Viðtal
Alls ekki sönglaus þjóð
„Þetta er hljóðheimur aldanna á Íslandi,“ segir Árni Heimir Ingólfsson, tónlistarfræðingur og höfundur nýrrar bókar um tónlist í íslenskum handritaarfi. Bókin, sem heitir Tónlist liðinna alda - Handrit 1100-1800 er öll hin glæsilegasta. Hún er fyrsta heildstæða sýnisbókin um þennan arf og þar rekur Árni sögu íslenskrar tónlistar frá miðöldum til loka 18. aldar. Hann gerir jafnframt grein fyrir þróun nótnaritunar og söngs í landinu og tæpir á sögu hljóðfæraleiks á Íslandi.
35 milljónir á ári í fimm ár til rannsókna
Ríkisstjórnin veitir 35 milljónum króna á ári næstu fimm ár í rannsóknir á ritmenningu íslenskra miðalda. Viljayfirlýsing þess efnis var undirrituð í Reykholti í Borgarfirði í dag. Undir hana skrifa fulltrúar forsætisráðuneytis, fjármálaráðuneytis, mennta- og menningarmálaráðuneytis, Stofnunar Árna Magnússonar í íslenskum fræðum og Snorrastofu, sem leiðir rannsóknirnar. Skrifað er undir yfirlýsinguna í tilefni 75 ára afmælis lýðveldis á Íslandi.
Eldgamlar teikningar verða að nýjum ljóðum
Ljóðin í nýrri ljóðabók Sigurlínar Bjarneyjar Gísladóttur eru innblásin af teikningum úr sautjándu aldar alfræðibókum. Undrarými heitir þessi bók, sem sýnir okkur inn í tímahylki hugmynda mannsins um sjálfan sig og náttúruna sem og dýr stór og smá í samtali við 21. aldar orð, hugleiðingar um umbreytingar og von.