Færslur: Mexíkó

Mexíkóar vilja loka landamærunum að Bandaríkjunum
Staðan við landamæri Mexíkó og Bandaríkjanna hefur snúist við síðustu daga. Íbúar mexíkósku borgarinnar Sonora, suður af Arisóna, ætla að koma í veg fyrir ferðir Bandaríkjamanna yfir landamærin til þess að reyna að hefta útbreiðslu kórónaveirufaraldursins í Mexíkó. Innan við 500 tilfelli hafa verið greind í Mexíkó það sem af er, en í Bandaríkjunum nálgast þau 86 þúsund. 
27.03.2020 - 04:55
Annar umhverfisverndarsinni myrtur í Mexíkó
Aðeins nokkrum dögum eftir að stjórnandi verndarsvæðis fyrir kóngafiðrildi í Mexíkó fannst látinn, fannst annar starfsmaður verndarsvæðisins myrtur. Lík Raul Hernandez Romero fannst á sunnudag, með fjölda sára eftir beittan hlut að sögn saksóknara í Michoacan fylki. Hans hafði verið saknað síðan 27. janúar, og sást síðast til hans í bænum Angangueo, í hjarta verndarsvæðis kóngafiðrildanna.
Lík umhverfisverndarsinna finnst í brunni
Lík mexíkóska umhverfisverndarsinnans Homero Gomez fannst ofan í brunni í Mexíkó eftir að hans hafði verið leitað í tvær vikur. Gomez sá um verndarsvæði fyrir fiðrildi í bænum Ocampo í Michoacan fylki. Fylkið er alræmt vegna fjölda glæpagengja sem berjast þar um yfirráð.
Nær 35.000 morð í Mexíkó í fyrra
34.582 morð og manndráp voru framin í Mexíkó árið 2019, eða nær 95 á degi hverjum að meðaltali. Þetta kemur fram í skýrslu mexíkóskra yfirvalda. Svo margir Mexíkóar hafa ekki fallið fyrir morðingja hendi á einu ári frá því að stjórnvöld byrjuðu að taka saman upplýsingar um slíka glæpi með skipulegum hætti árið 1997. Þetta eru 2,5 prósentum fleiri en 2018, þegar 33.743 manneskjur voru drepnar í Mexíkó.
22.01.2020 - 03:09
Hermenn beittu táragasi gegn flóttafólki
Mörg hundruð flóttamenn frá Mið-Ameríku reyndu að ryðja sér leið yfir landamæri Gvatemala að Mexíkó í gær með því að vaða yfir á sem liggur á milli landanna. Mexíkóskir þjóðvarðliðar bægðu fólkinu frá með táragasi. 
21.01.2020 - 05:39
Hermenn hefta för flóttamanna til Mexíkó
Mexíkóskir hermenn héldu aftur af um 1.500 flóttamönnum frá Mið-Ameríku við landamærin að Gvatemala. Einn hermannanna tjáði flóttamönnunum í gegnum gjallarhorn að ferðalag þeirra væri til einskis ef þeir væru ekki með vegabréfsáritun eða önnur gögn til að komast yfir landamærin.
19.01.2020 - 03:30
Átta ára skaut kennara til bana
Nemandi í grunnskóla í borginni Torreon í norðurhluta Mexíkós mætti með byssu í skólann í dag, skaut kennara til bana og særði fimm nemendur áður en hann svipti sig lífi. Lögreglan telur að hann hafi verið á aldrinum átta til tíu ára.
10.01.2020 - 16:53
Mexíkóskir hælisleitendur hugsanlega til Gvatemala
Mexíkómenn sem leita hælis í Bandaríkjunum kunna að verða sendir til Gvatemala samkvæmt umdeildum samningi Bandaríkjanna og Gvatemala. Ráðuneyti heimavarna í Bandaríkjunum greindi frá þessu í morgun.
07.01.2020 - 09:15
Yfir 60 þúsund horfið í stríðinu gegn fíkniefnum
Mexíkósk yfirvöld greindu frá því í gær að nærri 62 þúsund manns hafi horfið eftir að stríð ríkisins gegn fíkniefnum hófst árið 2006. Verkefni stjórnvalda er því eftir sem áður ærið.
07.01.2020 - 05:55
Tugir saka mexíkóska presta um ofbeldi
Ný rannsókn í Mexíkó greinir frá umfangsmiklu ofbeldi kaþólskra presta í kirkju Hermanna Krists, sem Marcial Maciel stofnaði árið 1941. Alls eru 33 prestar sakaðir um að hafa níðst á 175 börnum frá stofnun kirkjunnar, þar af saka yfir 60 börn Maciel sjálfan um ofbeldi.
23.12.2019 - 03:26
Eiturlyfjagengi ekki á hryðjuverkalista í bráð
Svo virðist sem Andres Manuel Lopez Obrador, forseta Mexíkó, hafi tekist að tala Bandaríkjaforseta af því að setja mexíkósk glæpagengi á hryðjuverkalista. Donald Trump kallaði eftir stríði gegn eiturlyfjagengjum í Mexíkó eftir að þrjár konur og sex börn úr samfélagi mormóna voru myrt af glæpagengi í landinu.
07.12.2019 - 07:07
Á þriðja tug rænt af meðferðarheimili
Vopnaðir menn rændu 23 einstaklingum af meðferðarheimili fyrir vímuefnafíkla í Mexíkó í fyrradag. 13 þeirra var sleppt úr haldi nokkru síðar, hefur AFP fréttastofan eftir lögreglu.
06.12.2019 - 06:27
Tíu árásarmenn handsamaðir í Mexíkó
Tíu voru handteknir í Mexíkó í dag, grunaðir um að eiga þátt í árás eiturlyfjagengis í og við bæinn Villa Union nærri landamærunum að Bandaríkjunum. Tveir almennir borgarar, fjórir lögreglumenn og 17 árásarmenn létu lífið í árásinni. 
04.12.2019 - 00:52
Obrador segir Morales „fórnarlamb valdaráns“
Andres Manuel Lopez Obrador, forseti Mexíkós, sagði í gær að Evo Morales, fyrrverandi forseti Bólivíu, væri „fórnarlamb valdaráns." Forsetinn ávarpaði stuðningsfólk sitt í höfuðborginni í gær og fór þar meðal annars yfir þá ákvörðun sína og ríkisstjórnarinnar að veita Morales pólitískt hæli eftir að hann hrökklaðist úr embætti.
02.12.2019 - 05:40
Mexíkó
21 fallinn í átökum lögreglu og glæpagengja um helgina
Minnst 21 hefur látið lífið í hörðum og blóðugum átökum lögreglu og glæpagengis í og við bæinn Villa Union í norðanverðu Mexíkó um helgina. Lögregla í Coahuilaríki skaut í morgun sjö byssumenn til bana nærri bænum Villa Union, ekki fjarri landamærunum að Texas. Daginn áður féllu tíu glæpamenn og fjórir lögreglumenn í hörðum, ríflega klukkustundar löngum skotbardaga sem upphófst þegar tugir þungvopnaðra glæpamanna óku inn í bæinn á fjölda pallbíla og skutu í allar áttir.
Fjórtán féllu í bardaga lögreglu og glæpagengis
Fjórtán féllu í skotbardaga lögreglu og glæpagengis í norðanverðu Mexikó í gær, fjórir lögreglumenn, sjö glæpamenn og þrír til viðbótar. Í tilkynningu frá yfirvöldum Coahuila-ríkis sló í brýnu milli alríkislögreglu og hóps þungvopnaðra manna á pallbílum í smábænum Villa Union, um 65 kílómetra suðvestur af landamæraborginni Piedras Negras.
Skilgreinir mexíkósk glæpagengi sem hryðjuverkasamtök
Donald Trump, Bandaríkjaforseti, hyggst skilgreina mexíkósk glæpagengi sem hryðjuverkasamtök. Mexíkósk yfirvöld hafa þegar brugðist við yfirlýsingu hans og óskað frekari skýringa. Trump var í viðtali hjá hinum yfirlýsta hægrimanni og stuðningsmanni forsetans, Bill O'Reilly í gær.
Grunaðir handteknir vegna mormónamorða
Yfirvöld í Mexíkó handtóku fjölda grunaðra vegna morða á níu konum og börnum úr mormónafjölskyldu í síðustu viku. Engar frekari upplýsingar eru gefnar upp um hver hin grunuðu eru, eða hversu mörg. Málið olli mikilli hneykslan bæði í Mexíkó og Bandaríkjunum, en fórnarlömbin voru með ríkisfang í báðum ríkjum. Þrjár konur létu lífið í árásinni og sex börn, þar af átta mánaða gamlir tvíburar. 
12.11.2019 - 06:36
Myndskeið
Um níutíu morð framin á degi hverjum
Rannsókn lögreglunnar í Mexíkó hefur enn ekki leitt í ljós ástæður þess að bandarísk fjölskylda var skotin til bana þar í landi á mánudag. Glæpagengi eru talin bera ábyrgð á morðunum, en að jafnaði eru um níutíu morð framin í landinu dag hvern.
06.11.2019 - 22:16
Mormónum veitt fyrirsát í Mexíkó
Þrjár bandarískar konur og sex börn voru myrt í Mexíkó á mánudag. Grunur leikur á að eiturlyfjagengi hafi setið fyrir þeim. Fórnarlömbin eru öll úr LeBaron mormónafjölskyldunni, sem á ættir að rekja til mormónasamfélags sem settist að í Mexíkó fyrir nokkrum áratugum að sögn BBC.
06.11.2019 - 04:29
Mexíkó
Glæpaforingi látinn laus eftir harða bardaga
Til harðra bardaga kom milli mexíkóskra löggæslusveita og glæpamanna úr Sinaloa-eiturlyfjagenginu í borginni Culiacán í gær, eftir að höfuðpaur gengisins var handtekinn. Svo fór að lokum að yfirvöld sáu sig tilneydd til að láta hann lausan.
18.10.2019 - 06:42
14 lögreglumenn myrtir í fyrirsát
Fjórtán lögreglumenn eru látnir og þrír særðir eftir að þeim var veitt fyrirsát í Michoacan fylki í Mexíkó í gær. Talið er að glæpagengi hafi setið fyrir lögreglunni þar sem hún var á leið í húsleit í bænum El Aguaje. Yfirvöld segja að allt tiltækt lið verði látið rannsaka hverjir voru að verki. Að sögn BBC er sterkur grunur um að glæpagengið nýja kynslóð Jalisco beri ábyrgð á morðunum.
15.10.2019 - 06:43
Rússibanaslys í mexíkóskum skemmtigarði
Banaslys varð í skemmtigarði í Mexíkóborg í gær þegar rússibanavagn fór af sporunum. Yfirvöld segja tvo karla látna og tvær konur hafa slasast. AFP hefur eftir yfirvöldum að líklegast sé að vélarbilun hafi valdið því að vagninn fór af sporinu og féll niður um tíu metra. Talið er að höfuðmeiðsl hafi orðið körlunum að bana. Konurnar voru fluttar á sjúkrahús, önnur þeirra í lífshættulegu ástandi.
29.09.2019 - 07:52
Reyna aftur að hafna neyðarástandi Trumps
Fulltrúadeild Bandaríkjaþings samþykkti í gær öðru sinni frumvarp sem á að koma í veg fyrir fjárveitingu til landamæramúrs forsetans Donalds Trumps.
28.09.2019 - 12:27
Mexíkóskur saksóknari dæmdur í Bandaríkjunum
Fyrrverandi saksóknari í fylkinu Nayarit í Mexíkó var dæmdur í tuttugu ára fangelsi í Bandaríkjunum í gær. Hann var dæmdur fyrir þátt sinn í innflutningi fíkniefna til Bandaríkjanna frá Mexíkó. 
27.09.2019 - 06:16