Færslur: MeToo

Sjötta ásökunin gegn Cuomo birtist í gær
Alvarlegasta ásökunin til þessa í garð Andrew Cuomo, ríkisstjóra New York í Bandaríkjunum, birtist í blaðinu The Times Union of Albany í gær. Haft er eftir konu, sem vill ekki láta nafns síns getið, að Cuomo hafi lokað að þeim, fært hendur sínar inn undir bolinn hennar og byrjað að fitla við hana. Þetta er sjötta konan sem ásakar Cuomo um kynferðislega áreitni.
11.03.2021 - 06:45
Þriðja konan sakar Cuomo um kynferðislega áreitni
Þriðja konan gaf sig fram í gær og greindi frá kynferðislegri áreitni Andrew Cuomo, ríkisstjóra New York, gegn sér. Anna Ruch segist hafa hitt Cuomo í brúðkaupsveislu haustið 2019. Þar snerti Cuomo bert mjóbak hennar og bað um að fá að kyssa hana. Ruch segist hafa ýtt ríkisstjóranum frá sér.
02.03.2021 - 16:27
Önnur kona sakar Cuomo um kynferðislega áreitni
Charlotte Bennett kom fram í bandarískum fjölmiðlum í gær og greindi frá kynferðislegri áreitni Andrew Cuomo, ríkisstjóra New York, í hennar garð. Bennett var aðstoðarkona Cuomos. Hún segir hann hafa áreitt sig í fyrravor.
28.02.2021 - 04:18
Borgarstjóri krefst rannsóknar á ríkisstjóra
Bill de Blasio, borgarstjóri New York, bættist í hóp þeirra sem krefjast ítarlegrar rannsóknar á ásökunum í garð ríkisstjórans Andrew Cuomo um kynferðislega áreitni. Lindsey Boylan, fyrrverandi aðstoðarkona Cuomos, sakar hann um fjölda brota á meðan hún vann fyrir hann frá árinu 2015 til 2018.
26.02.2021 - 07:02
Spegillinn
Ungum konum í Danmörku er nóg boðið
Síðsumars og í haust hefur Metoo-bylgja skollið á Danmörku, ekki síst velkist ríkisstjórnarflokkurinn, Jafnaðarmannaflokkurinn í brimróti hennar. Í byrjun vikunnar sagði Frank Jensen, varaformaður Jafnaðarmanna og borgarstjóri Kaupmannahafnar til tíu ára af sér embætti og stutt er síðan Morten Östergaard vék sem leiðtogi Radikale venstre eftir að hafa gengist við að hann hefði áreitt flokkssystur sína.
Heimskviður
Ræðan sem ýtti af stað annarri #metoo-bylgju
Önnur #metoo-bylgja ríður nú yfir Danmörku. Á annað þúsund konur í fjölmiðlum þar í landi lýsa yfir stuningi við nýlega frásögn Sofie Linde af áreitni og misrétti í starfi sínu. Allir virðast sammála um að kynbundið misrétti og áreitni eigi ekki að viðgangast í Danmörku en það virðist hægara sagt en gert að uppræta það.
22.09.2020 - 07:00
Segir Weinstein hafa níðst á varnarlausum konum
Saksóknarar lýstu kvikmyndaframleiðandanum Harvey Weistein sem skepnu og nauðgara sem misbeitti valdi sínu sem stórlax í kvikmyndabransanum til að níðast á ungum leikkonum. Þetta sögðu þeir í opnunarræðum sínum í réttarhöldunum yfir Weinstein í dag.
22.01.2020 - 20:59