Færslur: Menntun

Spegillinn
Bresk loforð og vanefndir
Breska stjórnin hefur haft mörg orð um nauðsyn þess að bæta skólakrökkum upp námstíma sem glataðist vegna lokaðra skóla í veirufaraldrinum. Það var ráðinn sérstakur umsjónarmaður aðgerða í þessa veruna en nú, um fjórum mánuðum síðar, hefur hann sagt af sér því stjórnin vilji ekki reiða fram það fé sem þurfi til að aðgerðir skili árangri. Þetta þykir dæmi um vanefndir fyrri loforða, bætist við önnur slík mál sem valda urgi í Íhaldsflokknum.
07.06.2021 - 17:00
Brýnt að bregðast við undirmönnun í heilbrigðiskerfinu
Svandís Svavarsdóttir heilbrigðisráðherra skipaði á dögunum í landsráð í heilbrigðisþjónustu. Ráðinu er ætlað að eiga reglulega fundi um mönnun og menntun í heilbrigðiskerfinu og skila ráðherra tillögum að endurbótum.
BHM: Virði háskólamenntunar einna minnst á Íslandi
Fjárhagsvirði háskólamenntunar er einna minnst á Íslandi í samanburði við önnur Evrópulönd. Þetta er mat aðalfundar Bandalags háskólamanna sem brýnir stjórnvöld til að huga að áhrifum skattkerfisbreytinga á mun ráðstöfunartekna eftir menntastigi.
Þriðjungur stúdenta glímir við alvarlegan fjárhagsvanda
Um þriðjungur íslenskra háskólanema telur sig glíma við alvarlegan eða mjög alvarlegan fjárhagsvanda, samkvæmt nýbirtum niðurstöðum könnunar, sem var gerð árið 2019, á högum háskólanema í 26 Evrópulöndum.
21.05.2021 - 08:51
Nýbygging við FB bylting fyrir nemendur og kennara
Þörf Fjölbrautaskólans í Breiðholti fyrir stærri og betri verknámsaðstöðu verður uppfyllt með 2.100 fermetra nýbyggingu. Lilja Alfreðsdóttir mennta- og menningarmálaráðherra og Dagur B. Eggertsson borgarstjóri skrifuðu undir samning um byggingu hennar í gær. 
Velsældarvísum ætlað að greina lífsgæði Íslendinga
Undanfarin ár hefur jafnvægi milli vinnu og einkalífs aukist á Íslandi. Hlutfall þeirra sem skortir efnis- og félagsleg gæði minnkaði úr 5,8% árið 2014 niður í 2,9% árið 2018 en hlutfall lágra tekna hefur haldist stöðugt um 10% frá 2004 til 2018.
Viðtal
Bil milli kynja í skólakerfinu eykst
Þegar sonur Tryggva Hjaltasonar var að hefja grunnskólagöngu sína, ræddi Tryggvi við kennara og komst að því að þeir voru margir sammála um staða drengja innan skólanna væri ekki nógu góð. Tryggvi starfar hjá CCP, er formaður Hugverkaráðs Samtaka iðnaðarins og tekur þátt í átaki í Eyjum vegna menntunar drengja. Rætt var við hann í Silfrinu í dag en hann hefur bakgrunn við greiningar gagna og hefur rýnt í gögn um stöðu kynja í skólakerfinu.
07.02.2021 - 14:04
Fátækari stúdentar hrökklast frekar úr námi
Meiri líkur eru á að stúdentar sem hafa tekjulágan bakgrunn hverfi frá námi við danska háskóla en þau sem betur eru stæð. Einu gildir þótt einkunnir úr framhaldsskóla séu svipaðar.
07.12.2020 - 02:15
Erlent · Danmörk · Evrópa · háskólar · Fátækt · Menntun
Skilur vel gremju foreldra og nemenda
Formaður Skólameistarafélags Íslands segist vel skilja gremju framhaldskólanema og áhyggjur foreldra þeirra vegna fjarkennslu. Hann bindur vonir við að sóttvarnareglur verði rýmkaðar nú um mánaðamótin. Foreldrar geti ekki beint gremju sinni að skólastjórnendum. Aðrir setji reglurnar sem þeim sé gert að vinna eftir.
25.11.2020 - 21:17
Mikil ásókn í framhaldsnám við Háskóla Íslands
Um tvöfalt fleiri umsóknir um framhaldsnám á næsta vormisseri hafa borist Háskóla Íslands nú en var á sama tíma 2019, eða tæplega 1.100. Frestur til að sækja um í framhaldsnámi rann út í lok október.
06.11.2020 - 10:41
Ófaglærð ungmenni vilja mennta sig meira
Spáð hefur verið að þriðjungur starfa á íslenskum vinnumarkaði muni taka miklum breytingum á næstu árum. Jafnframt er búist við töluverðum breytingum á sex af hverjum tíu störfum.
01.10.2020 - 15:30
Víðsjá
Boða stofnun nýs Bauhaus-skóla
Ursula von der Leyen, nýr forseti framkvæmdarstjórnar Evrópusambandsins, tilkynnti nýverið áform um að stofna nýjan evrópskan Bauhaus-skóla. Skólinn er hluti af 750 milljarða evra aðgerðaráætlun sambandsins til að endurreisa hagkerfið eftir kórónuveirufaraldurinn, með menningu og sjálfbærni að leiðarljósi.
Smitsjúkdómalæknir vill afnema nándarmörk í skólum
Fella ætti niður eins metra fjarlægðarreglu í framhalds- og háskólum að mati Bryndísar Sigurðardóttur, smitsjúkdómalæknis á Landspítala. Hún telur ávinninginn af því meiri en af núverandi fyrirkomulagi. Það geti valdið vanlíðan og brotthvarfi nemenda.
05.09.2020 - 17:24
Óttast að börn á flótta flosni úr námi
Helmingur allra barna á flótta stundaði ekki skólanám áður en kórónuveirufaraldurinn skall á. Sameinuðu þjóðirnar vara við að faraldurinn minnki enn líkurnar á að milljónir á flótta öðlist menntun.
Spegillinn
Einkunnir í pólitísku fárviðri
Þegar breskir nemendur gátu ekki, vegna veirufaraldursins, tekið prófið, sem samsvarar íslenska stúdentsprófinu áttu kennaraeinkunnir að ráða. Á síðustu stundu var svo ákveðið að nota reikniformúla. Þegar heildardæmið var reiknað kom í ljós að um 40 prósent nemenda hafði fengið lægri einkunnir en kennaraeinkunnirnar. Þegar betur var að gáð, var lækkun ekki sérlega réttlát, fól í sér félagslega mismunun. Málið er orðið meiriháttar álitshnekkir fyrir ríkisstjórnina.
19.08.2020 - 10:26
 · Erlent · Bretland · Menntun
Færeyskir karlmenn nokkuð fleiri en konur
Nú eru karlmenn í Færeyjum um 15 af hundraði fleiri en konur. Þetta kemur fram í frétt og stuttri heimildamynd á vefsíðunni Local.fo. Færeyingar eru nú um 50 þúsund talsins.
04.08.2020 - 02:22
Sigrún verður aðstoðarrektor Kvikmyndaskólans
Sigrún Sigurðardóttir er nýr aðstoðarrektor Kvikmyndaskóla Íslands. Sigrún hefur gengt stöðu lektors við Háskólann á Akureyri að undanförnu og hefur víðtæka reynslu af kennarastörfum og þróun námskeiða. Aðstoðarrektor er ný staða við Kvikmyndaskólann.
Skólum í Hong Kong gert að hlýða
Skólafólk í Hong Kong óttast að nýju öryggislögin ógni því orðspori afburða og fræðilegs frelsis sem skólakerfið þar hefur aflað sér.
15.07.2020 - 04:51
Erlent · Hong Kong · Kína · mótmæli · háskólar · Menntun · Asía
19 stafi þarf til að geta lesið
Ný rannsókn Hermundar Sigmundssonar prófessors í lífeðlislegri sálfræði við Háskólann í Reykjavík og Háskólann í Þrándheimi sýnir að börn þurfa að kunna að minnsta kosti 19 bókstafi til að geta lesið. Hann segir þessar niðurstöður sýna hversu mikilvægt sé að hefja lestrarkennslu á því að kenna bókstafi og hljóð. Hann gagnrýnir að aðferðir, þar sem áherslan sé á aðra þætti, séu notaðar í um helmingi grunnskóla hér á landi. 
24.05.2020 - 14:12
Innlent · Menntun · Börn · Lestur · nám · Grunnskólar · vísindi
Fjarkennsla í Grunnskóla Vestmannaeyja
Kennsla við Grunnskóla Vestmannaeyja verður í formi fjarkennslu frá og með morgundeginum og þar til annað verður tilkynnt. Þetta er meðal þeirra aðgerða sem verið er að grípa til í Eyjum til að hefta útbreiðslu COVID-19. Á vef bæjarfélagsins segir að miðað við reglur um fjöldatakmarkanir sé ekki hægt að manna hefðbundna kennslu. Þar mega ekki fleiri en tíu manns koma saman.
22.03.2020 - 18:39
Jóhann Friðrik ráðinn framkvæmdastjóri Keilis
Jóhann Friðrik Friðriksson hefur verið ráðinn framkvæmdastjóri Keilis, miðstöðvar vísinda, fræða og atvinnulífs á Ásbrú í Reykjanesbæ. Hjálmar Árnason lætur af störfum í sumar eftir 12 ára starf.
20.04.2019 - 11:08
Lægra hlutfall innflytjenda útskrifast
Lægra hlutfall innflytjenda en innfæddra útskrifast úr framhaldsskólum hér á landi, samkvæmt samantekt Hagstofunnar. Skólaárið 2016 til 2017 útskrifuðust 24 prósent fólks á aldrinum 18 til 22 ára með íslenskan bakgrunn. Sé litið til fjölda fólks á þessum aldri sem er fætt erlendis og á eitt erlent foreldri er hlutfall útskrifaðra af mannfjölda 16,5 prósent. Meðal innflytjenda er hlutfallið töluvert lægra, eða 8 prósent.
04.04.2019 - 11:04
Berjast gegn lokun hverfisskóla í Staðahverfi
Foreldrar nemenda í Kelduskóla-Korpu í Staðahverfi í Grafarvogi ætla að berjast gegn hugmyndum borgarinnar um að loka skólanum og hafa safnað á níunda hundrað undirskrifta. Viðmælendur segja að fólk sé orðið langþreytt á óvissu um skólastarf í hverfinu. Fólk vilji miklu frekar að skólinn verði efldur en að láta leggja hann niður.
20.03.2019 - 11:30
Mótmæla mögulegri lokun skóla í Grafarvogi
Rúmlega 800 manns hafa ritað nafn sitt á undirskriftalista gegn tillögum skóla- og frístundaráðs Reykjavíkurborgar um að loka Kelduskóla-Korpu í Grafarvogi. Nemendum þar hefur fækkað mikið undanfarin ár og eru þeir nú 61 og til skoðunar er að færa nemendur í annan skóla. Skúli Helgason, formaður skóla- og frístundaráðs, segir að enn hafi ekkert verið ákveðið varðandi breytingar á skólastarfi í norðanverðum Grafarvogi, starfshópur fari yfir mismunandi valkosti og leggi fram tillögur í lok apríl.
19.03.2019 - 10:41
Undirskriftasöfnun nú alfarið í höndum nemenda
Undirskriftasöfnun nemenda við Hagaskóla, gegn brottvísun afganskrar fjölskyldu til Grikklands, var stöðvuð í síðustu viku vegna formsatriða, að sögn Ingibjargar Jósefsdóttur, skólastjóra. Söfnunin er hafin á ný og segir skólastjórinn framtak nemendanna lofsvert.
18.03.2019 - 11:52