Færslur: Menntamálaráðuneyti

Meiri íslenska og náttúrufræði - minna val
Kennsla í íslensku verður efld í grunnskólum og verulega verður bætt við kennslu í náttúrufræði á unglingastigi, nái tillögur mennta- og menningamálaráðherra um breytingar á aðalnámskrá fram að ganga. Tilefni þessa er slakur árangur íslenskra grunnskólanemenda í PISA-rannsókninni og tilgangurinn er að færa kennsluna nær því sem þekkist í nágrannalöndunum.
Nemendur vilja betri lausnir en fjarnám
Heppilegra hefði verið að bíða með hækkun skólagjalda fyrir haustönnina, segir Ástríður Jónsdóttir, myndlistarnemi á lokaári, sem stóð ásamt fleirum að undirskriftasöfnun meðal nema við Listaháskóla Íslands. Þess var meðal annars krafist að skólagjöld yrðu lækkuð vegna skertrar þjónustu við nemendur sem samkomutakmarkanir höfðu í för með sér.
Vilja setja á fót nýtt garðyrkjunám á Íslandi
Fagfólk í garðyrkju hefur tekið sig sama um stofnun félagsins Garðyrkjuskóli Íslands. Það vill ná samningum við menntamálaráðherra um að koma á fót grunnnámi í garðyrkju á framhaldsskólastigi. Þar á að leggja áherslu á starfsmenntanám og samstarf við atvinnulíf.
Segir Fold eina húsið sem standi skil á gjöldunum
Ekki er rétt sem varaformaður SÍM heldur fram að Gallerí Fold sé meðal þeirra sem ekki standi skil á fylgiréttargjöldum. Jóhann Ágúst Hansen, framkvæmdastjóri Gallerís Foldar segir uppboðshúsið þvert á móti vera eina húsið sem standi skil á gjöldunum í dag.
28.07.2020 - 16:13
Dæmi um milljóna skuldir vegna fylgiréttargjalda
Dæmi eru um að fyrirtæki skuldi milljónir í fylgiréttargjöld. Mörg mál eru í gangi hjá Myndstef og nokkuð um kennitöluflakk vegna skuldanna. Þetta staðfestir Aðalheiður Dögg Finnsdóttir Helland, framkvæmdastjóri Myndstefs. Gallerí Fold er eitt þeirra fyrirtækja sem eru treg til að greiða gjaldið segir varaformaður SÍM.
28.07.2020 - 13:48
Auðvelt að svíkjast undan fylgiréttargjöldum
Fara þarf í allsherjar endurskoðun á fylgiréttargjöldum af listaverkum. Aðalheiður Dögg Finnsdóttir Helland, framkvæmdastjóri Myndstefs, segir fylgiréttargjaldið vera sterk og góð réttindi sem þó sé auðvelt að svíkjast undan að greiða.
PISA-könnuninni frestað vegna COVID
PISA-könnuninni, sem leggja átti fyrir 15 ára nemendur víða um heim á næsta vori hefur nú verið frestað um ár, til vorsins 2022. Það er gert vegna útbreiðslu kórónuveirunnar. Þetta þýðir að þeir nemendur sem hefja nám í 10. bekk hér á landi í haust munu ekki taka þátt í könnuninni eins og gert hafði verið ráð fyrir. Það munu aftur á móti þeir skólafélagar þeirra gera sem eru árinu yngri.
Þurfa að höfða mál gegn bæði nefnd og umsækjanda
Verði frumvarp Katrínar Jakobsdóttur forsætisráðherra um stjórnsýslu jafnréttismála að lögum þurfa þau sem ekki sætta sig við úrskurð kærunefndar jafnréttismála að höfða mál gegn bæði nefnd og umsækjanda.
HA samþykkir allt að 400 fleiri umsóknir
Háskólinn á Akureyri ætlar að fjölga samþykktum umsóknum um nám við skólann úr rúmlega 1.000 í allt að 1.400 fyrir komandi skólaár. Þetta er gert vegna stöðunnar í íslensku samfélagi og ákvörðunar stjórnvalda um að auka fjármagn til háskólanna vegna aukinnar aðsóknar.
Tilefni að endurskoða þá leið sem ráðherra nýtir sér
Jafnréttisstofa telur að skoða þurfi nánar hvað þarf til þess að ógilda úrskurð kærunefndar jafnréttismála eins og menntamálaráðherra ákvað að gera í gær, að stefna þurfi einstaklingi til þess að ógilda úrskurð nefndar.
Kallar eftir afstöðu Katrínar til kærumáls Lilju
„Það eru tíðindi að menntamálaráðherra ætli að höfða dómsmál á hendur konu sem gerði athugasemd við embættisfærslu hennar og taldi rétt sinn brotinn. Raunar liggur fyrir úrskurður þess efnis að svo hafi verið, að ráðherrann hafi brotið jafnréttislög gagnvart konunni.“ Þetta skrifar Hanna Katrín Friðriksson, þingmaður Viðreisnar á Facebook-síðu sína. Hanna Katrín segist þar velta fyrir sér afstöðu Katrínar Jakobsdóttur forsætisráðherra til málsins og hvort það hafi verið rætt í ríkisstjórn.
Lilja höfðar mál vegna eigin brots á jafnréttislögum
Menntamálaráðherra ætlar að höfða mál gegn konu sem kærunefnd jafnréttismála taldi að ráðherrann hefði brotið á, þegar gengið var framhjá henni við ráðningu í embætti ráðuneytisstjóra. Með þessu hyggst ráðherrann ógilda úrskurð kærunefndarinnar.
Tryggja aukið fjármagn til framhalds- og háskóla
Framhalds- og háskólum verður tryggt nægt fjármagn til að mæta metaðsókn í skólana, samkvæmt ákvörðun ríkisstjórnarinnar sem greint var frá í dag.
Einar Hugi hefur fengið 15,5 milljónir frá Lilju
Menntamálaráðuneytið hefur á tveggja og hálfs árs starfstíma Lilju Alfreðsdóttur greitt Einari Huga Bjarnasyni fimmtán og hálfa milljón fyrir lögfræðiráðgjöf og nefndarsetu á vegum ráðuneytisins. Einar Hugi fékk eina komma sjö milljónir fyrir að gegna formennsku í hæfnisnefnd um umsækjendur um stöðu ráðuneytisstjóra menntamálaráðuneytisins og rúmar fimm milljónir fyrir aðkomu sína að smíði frumvarps um styrki til fjölmiðla.
Lilja fór gegn tillögu um formann fjölmiðlanefndar
Lilja Alfreðsdóttir menntamálaráðherra fór gegn tillögu sérfræðinga í menntamálaráðuneytinu þegar hún skipaði Einar Huga Bjarnason sem formann fjölmiðlanefndar í nóvember. Samkvæmt minnisblaði til ráðherra var mælt með því að skipa sem formann, konu sem er einn helsti sérfræðingur í fjölmiðlarétti í landinu. Lilja valdi þess í stað karl sem hefur litla sem enga reynslu á sviðinu - en hefur setið í minnst átta nefndum á vegum Framsóknarflokksins. 
Ekki fyrsta skipan Páls sem veldur fjaðrafoki
Kærunefnd jafnréttismála hefur komist að því að Lilja Alfreðsdóttir, mennta- og menningarmálaráðherra, hafi brotið jafnréttislög með skipan Páls Magnússonar, fyrrverandi bæjarritara í Kópavogi, í embætti ráðuneytisstjóra. Þetta er ekki í fyrsta sinn sem skipan Páls veldur fjaðrafoki.
Lilja braut jafnréttislög með ráðningu Páls Magnússonar
Lilja Dögg Alfreðsdóttir menntamálaráðherra braut jafnréttislög með ráðningu Páls Magnússonar í embætti ráðuneytisstjóra menntamálaráðuneytisins. Þetta er niðurstaða kærunefndar jafnréttismála. Menntamálaráðherra vanmat konuna sem kærði, í samaburði við Pál.
Stúdentseinkunnir lækkuðu eftir styttingu náms
Meðaleinkunnir úr stúdentsprófi hafa lækkað eftir að námstími til stúdentsprófs var styttur. Brotthvarf hefur minnkað og fleiri vinna með skóla. Andlegri heilsu stúlkna í framhaldsskólum hefur hrakað. Þetta kemur fram í skýrslu mennta- og menningarmálaráðherra um árangur af styttingu námstíma til stúdentsprófs.
28.05.2020 - 16:22
Ekkert háskólanám átta árum eftir afgerandi skýrslu
Íslenskir kvikmyndagerðarmenn eru orðnir langeygir eftir því að námi í kvikmyndagerð á háskólastigi verði komið á hér á landi. Átta ár eru síðan stjórnvöld létu vinna skýrslu þar sem lögð var áhersla á að slíku námi yrði komið á og þrjú ár síðan 40 manna hópur sem komið hefur að kvikmyndagerð hér á landi sendi menntamálaráðherra áskorun þess efnis. Samkvæmt upplýsingum frá menntamálaráðuneytinu verður ný kvikmyndastefna kynnt á næstunni, þar sem meðal annars verður fjallað um menntun.
Viðtal
Hefur áhyggjur af stöðu fjölmiðla
Lilja Alfreðsdóttir, menntamálaráðherra, kveðst hafa áhyggjur af stöðu fjölmiðla, hjá þeim, líkt og víðar, sé tekjufall og að stjórnvöld verði að taka tillit til þess. Ekki hafa verið kynntar neinar sértækar aðgerðir sem beinast að stöðu fjölmiðla vegna COVID-19 faraldursins.
Spyr hvort verið sé að velja að fara illa með almannafé
Björn Leví Gunnarsson, þingmaður Pírata, velti því upp í óundirbúnum fyrirspurnum á Alþingi í dag, hvort verið að velja að fara illa með almannafé með því að setja auknar byrðar á Ríkisútvarpið og skylda félagið til að stofna dótturfélag um samkeppnisrekstur þess án þess að nauðsyn bæri til.
28.11.2019 - 12:08
Páll Magnússon nýr ráðuneytisstjóri
Páll Magnússon hefur verið skipaður í embætti ráðuneytisstjóra í mennta- og menningarmálaráðuneytinu til fimm ára. Þrettán sóttu um starfið og mat hæfisnefnd fjóra þeirra mjög hæfa til þess að gegna því. Var það svo mat Lilju Alfreðsdóttur, mennta- og menningarmálaráðherra, að Páll „væri hæfastur umsækjenda til að stýra ráðuneytinu næstu fimm árin og leiða það umbótastarf sem er í farvatninu.“
01.11.2019 - 17:12
35 milljónir á ári í fimm ár til rannsókna
Ríkisstjórnin veitir 35 milljónum króna á ári næstu fimm ár í rannsóknir á ritmenningu íslenskra miðalda. Viljayfirlýsing þess efnis var undirrituð í Reykholti í Borgarfirði í dag. Undir hana skrifa fulltrúar forsætisráðuneytis, fjármálaráðuneytis, mennta- og menningarmálaráðuneytis, Stofnunar Árna Magnússonar í íslenskum fræðum og Snorrastofu, sem leiðir rannsóknirnar. Skrifað er undir yfirlýsinguna í tilefni 75 ára afmælis lýðveldis á Íslandi.
13 vilja stýra menntamálaráðuneytinu
Þrettán umsóknir bárust um stöðu ráðuneytisstjóra mennta- og menningarmálaráðuneytis. Umsóknarfresturinn rann út síðasta mánudag. Fimm konur og átta karlar sóttu um stöðuna, sem áætlað er að skipað verði í frá 1. desember.
11.07.2019 - 10:35
Ráðuneyti harmar framkvæmd samræmdra prófa
Mennta- og menningarmálaráðuneyti harmar að framkvæmd samræmdra prófa í íslensku í 9. bekk hafi mistekist með tilheyrandi óþægindum fyrir nemendur og kennara. Þetta kemur fram í fréttatilkynningu frá ráðuneytinu.