Færslur: Mannréttindamál

Varað við hungursneyð vegna þurrka og stríðsátaka
Matvælaáætlun Sameinuðu þjóðanna varar við að hungursneyð geti blasað við milljónum Afgana. Þurrkum og stríðsástandi sé fyrst og fremst um að kenna. Áríðandi sé að styðja við íbúa landsins.
Fjöldi ríkja lýsir áhyggjum af örlögum afganskra kvenna
Evrópusambandið, Bandaríkin og 18 önnur ríki lýsa í sameiningu miklum áhyggjum af örlögum afganskra stúlkna og kvenna. Ríkin hvetja stjórn Talibana til að tryggja öryggi kvenna.
Blinken ræðir við indverska ráðamenn í dag
Búist er við að indverskir stjórnmálamenn leggi áherslu á að ræða mögulega landvinninga Talíbana í Afganistan við Antony Blinken, utanríkisráðherra Bandaríkjanna, og krefjast frekari stuðnings í deilum við Kínverja.
Ísraelar lýsa áhyggjum af kjöri Raisi sem forseta
Ísraelsstjórn segir alþjóðasamfélagið þurfa að hafa miklar áhyggjur af nýkjörnum forseta Írans. Ebrahim Raisi sé öfgafyllsti forseti landsins hingað til sem ætli sér að auka umsvif Írans í kjarnorkumálum.
20.06.2021 - 04:13
Hamfarir á mannréttindasviðinu í Mjanmar
Mannréttindastjóri Sameinuðu þjóðanna segir að ofbeldi fari stigvaxandi í Mjanmar. Mannréttindi séu þar fótum troðin og hundruð almennra borgara hafi verið myrt frá því að herforingjastjórnin rændi völdum.
11.06.2021 - 12:49
MDE segir Ísland ekki hafa brotið mannréttindasáttmála
Mannréttindadómstóll Evrópu hefur komist að þeirri niðurstöðu að Þjóðskrá beri ekki að skrá íslenskar konur, sem eignuðust dreng með hjálp staðgöngumóður, gjafaeggs og -sæðis, sem foreldra hans. Úrskurðurinn var birtur í dag á vefsíðu dómstólsins.
Rótin hlaut Mannréttindaverðlaun Reykjavíkurborgar
Rótin, félag um konur, áföll og vímugjafa, hlaut í dag Mannréttindaverðlaun Reykjavíkurborgar. Verðlaunin eru veitt einstaklingum, félagasamtökum eða stofnunum sem valnefnd telur hafa staðið vörð um mannréttindi á eftirtektarverðan hátt. 
Salvini fyrir rétt í september, ákærður fyrir mannrán
Dómari hefur úrskurðað að Matteo Salvini, formaður Norðurbandalagsins og fyrrverandi innanríkisráðherra Ítalíu, verði að mæta fyrir rétt í Palermo á Sikiley hinn 15. september næstkomandi. Hann er ákærður fyrir mannrán þegar hann kom í veg fyrir að um hundraði flótta- og förufólks um borð í björgunarskipinu Open Arms yrði hleypt í land í ágúst í fyrra.
Fimm andófsmenn í Hong Kong dæmdir í fangelsi
Fimm þekktir og áhrifamiklir lýðræðissinnar og andófsmenn í Hong Kong voru í gær dæmdir til fangelsisvistar fyrir aðild sína að hörðum, fjölmennum og langvarandi mótmælum í borginni árið 2019. Fjölmiðlakóngurinn Jimmy Lai er í hópi fimmmenninganna, sem voru sakfelldir fyrr í þessum mánuði ásamt fjórum öðrum, þótt refsing þeirra væri ekki tilkynnt fyrr en í gær. Hann var dæmdur til 14 mánaða fangelsisvistar.
17.04.2021 - 06:34
Tyrkneskur stjórnarandstöðuþingmaður handtekinn
Lögregla í Tyrklandi handtók stjórnarandstöðuþingmanninn Ömer Faruk Gergerlioğlu og færði hann í gæsluvarðhald, eftir að dómstóll dæmdi hann til fangelsisvistar fyrir hryðjuverkastarfsemi. Hryðjuverk þingmannsins fólst í nokkrum færslum á twitter, sem ekki voru ráðandi öflum að skapi. Ríkisstjórn Tyrklands krefst þess að flokkur Gergerlioğlus, Demókrataflokkurinn, verði leystur upp og bannaður.
03.04.2021 - 05:42
Níu þekktar baráttumanneskjur fyrir lýðræði dæmdar
Níu þekktir og þrautreyndir andófsmenn í Hong Kong voru í morgun dæmdir fyrir sinn þátt í að skipuleggja og taka þátt í ólöglegum samkomum, þar á meðal einni fjölmennustu mótmælasamkomu í sögu borgarinnar í ágúst 2019. Í hópnum eru bæði karlar og konur. Sjö þeirra voru sakfelld í réttarsal í morgun en tveir höfðu þegar játað sekt sína. Öll níu eiga yfir höfði sér allt að fimm ára fangelsi.
Líknardráp og dánaraðstoð lögleidd á Spáni
Löggjöf sem heimilar dánaraðstoð og líknardráp verður að öllu óbreyttu staðfest endanlega á Spánarþingi í dag og tekur gildi í júní. Þar með verður Spánn eitt örfárra ríkja í heiminum sem veitir dauðvona fólki rétt til að fá beina aðstoð heilbrigðisstarfsfólks við binda enda á líf sitt og þjáningar.
18.03.2021 - 05:33
Viðtal
Andspyrna og árásir gegn mannréttindum fara sívaxandi
Mannréttindasamtökin Amnesty International hafa í fyrsta sinn hrundið af stað alþjóðlegri neyðarsöfnun vegna vaxandi andspyrnu gegn mannréttindum á heimsvísu. Stærsti vandinn liggur í að ríki eins og Bretland og Bandaríkin eru farin að virða alþjóðalög að vettugi, segir mannréttindalögfræðingur.
Stofnun innlendrar mannréttindastofnunar enn í bígerð
Ákveðið var á fundi ríkisstjórnarinnar í gærmorgun að skipa starfshóp sem hefði það hlutverk að útfæra hugmyndir og vinna við frumvarp um sjálfstæða innlenda mannréttindastofnun. Hugmyndir þess efnis eiga sér nokkurn aðdraganda.
Þúsundir mótmæla nýjum lögum um þungunarrof
Þúsundir streymdu út á götur í Póllandi í gærkvöld til þess að mótmæla nýjum lögum um þungunarrof sem tóku gildi í gær. Fyrir voru lögin með þeim strangari í Evrópu, en nú er þungunarrof alveg bannað nema þegar konur verða þungaðar eftir nauðgun eða sifjaspell, eða ef líf eða heilsa móður er í hættu.
28.01.2021 - 00:38
Lögmenn Assange vilja hann lausan gegn tryggingu
Lögmenn Julians Assange, stofnanda Wikileaks, krefjast þess að hann verði látinn laus úr fangelsi gegn tryggingu. Sú krafa verður borin upp við dómara síðar í dag.
Tólf mótmælendur ákærðir fyrir að móðga Tælandskonung
Tólf taílenskum aðgerða- og lýðræðissinnum var í morgun stefnt fyrir dóm, þar sem þeim verður gert að svara til saka fyrir brot gegn banni við því að meiða æru og heilagleika konungs. Hvert slíkt brot getur varðað allt að 15 ára fangelsi. Í frétt AFP segir að þetta sé í fyrsta skipti í hartnær þrjú ár, sem ákært er fyrir brot af þessu tagi.
25.11.2020 - 04:26
Boða fyrstu aftöku konu í alríkisfangelsi síðan 1953
Bandarísk yfirvöld hafa mælt fyrir um að framfylgja skuli dauðadómi yfir Lisu Montgomery, 52 ára konu frá Kansas sem dæmd var til dauða fyrir morðið á þungaðri konu í Missouri árið 2004. Þetta kemur fram í tilkynningu frá bandaríska dómsmálaráðuneytinu. Aftakan á að fara fram 8. desember, samkvæmt ákvörðun fangelsisyfirvalda. Gangi það eftir verður þetta fyrsta aftakan á konu í bandarísku alríkisfangelsi í 67 ár.
„Bæta ber hagsmunamat barna sem hingað koma“
„Rætt hefur verið hvernig við getum bætt hagsmunamat barna sem hingað koma. Við munum gera á þeim ákveðnar úrbætur. Það hefur einnig verið rætt að bæta stöðu fylgdarlausra barna,“ segir Katrín Jakobsdóttir forsætisráðherra í samtali við fréttastofu.
Ruth Bader Ginsburg hæstaréttardómari látin
Ruth Ginsburg dómari við Hæstarétt Bandaríkjanna er látin, 87 ára að aldri. Banamein hennar var krabbamein. Bill Clinton Bandaríkjaforseti skipaði hana í embætti árið 1993.
Morgunútvarpið
Þórhildur Sunna: Tyrklandsheimsókn Róberts réttlætanleg
Það er réttlætanlegt að Róbert Spanó, forseti Mannréttindadómstóls Evrópu, hafi farið í opinbera heimsókn til Tyrklands. Þetta er mat Þórhildar Sunnu Ævarsdóttur mannréttindalögfræðings og þingmanns Pírata sem var gestur Morgunútvarps Rásar tvö í morgun. Fulltrúar dómstólsins verða að vera óhlutdrægir gagnvart sínum aðildarríkjum, hefði Róbert ekki þegið boðið hefði það verið til marks um hið gagnstæða.