Færslur: Mannréttindadómstóll Evrópu

Tyrklandsstjórn undirbýr brottrekstur tíu sendiherra
Recep Tayyip Erdogan Tyrklandsforseti fyrirskipaði brottrekstur sendiherra tíu ríkja þeirra á meðal Frakklands og Bandaríkjanna. Sendiherrarnir séu óvelkomnir í Tyrklandi, „persona non grata“ eftir að þeir kröfðust þess að stjórnarandstöðuleiðtoginn Osman Kavala yrði umsvifalaust leystur úr haldi.
Segja bann við kaupum á kynlífi mannréttindabrot
Mannréttindadómstóll Evrópu úrskurðar á næstunni hvort frönsk lög, sem banna kynlífsvinnu, standist mannréttindasáttmála Evrópu. Úrskurðurinn gæti haft áhrif á Íslandi og víðar.
MDE telur ríkið hafa brotið gegn mannréttindasáttmála
Mannréttindadómstóll Evrópu komst að þeirri niðurstöðu í morgun í máli sem Bragi Guðmundur Kristjánsson höfðaði, að íslenska ríkið hafi brotið gegn ákvæði í mannréttindasáttmála Evrópu um bann við tvöfaldri refsimeðferð og tvöfaldri refsingu vegna sama atviks.
Uppljóstrarar í plastbarkamálinu kæra sænska ríkið
Vísindamennirnir þrír sem tilkynntu ítalska skurðlækninn Paolo Macchiarinis til stjórnenda Karólínska sjúkrahússins, og lentu sjálfir í vandræðum vegna þess, hafa kært meðferð sænska ríkisins til Mannréttindadómstóls Evrópu.
Sjónvarpsfrétt
Enn ein blauta tuskan í andlitið frá ríkinu
María Sjöfn Árnadóttir, ein fjögurra kvenna sem er með ofbeldismál fyrir Mannréttindadómstóli Evrópu fékk alvarlegt taugaáfall, ekki vegna heimilisofbeldis, heldur vegna þess að mál hennar fyrndist hjá lögreglu. Viðbótarfrestur ríkisins til að leita sátta við hana rann út um mánaðamótin. Ofbeldismál kvennanna eru fyrir dómstólnum því að þau voru felld niður hér heima.
Mál Magnúsar fellt niður hjá MDE eftir dómsátt
Mál Magnúsar Guðmundssonar, fyrrverandi bankastjóra Kaupþings í Lúxemborg, sem verið hefur til umfjöllunar hjá Mannréttindadómstól Evrópu, hefur verið fellt niður. Er það gert þar sem hann og íslenska ríkið hafa náð dómsátt vegna málsins, sem meðal annars kveður á um 2,2 milljón króna bætur honum til handa. Fréttablaðið greinir frá.
Sjónvarpsfrétt
MDE krefst svara frá ríkinu um málsmeðferð 4 kvenna
Mannréttindadómstóll Evrópu krefur íslenska ríkið svara um hvers vegna kærur fjögurra kvenna vegna kynferðisbrota voru felldar niður og hvort það samræmist mannréttindasáttmálanum. Lögmaður kvennanna segir að í öllum málanna séu sönnunargögn sem hefðu átt að leiða til þess að þau færu fyrir dóm. Ríkislögmaður hefur frest þar til í haust til að svara.
10.06.2021 - 19:25
MDE: Sóttvarnarreglur jafngilda ekki stofufangelsi
Mannréttindadómstóll Evrópu hafnaði í gær einróma máli Cristian Terhes, þingmanni Rúmena á Evrópuþinginu, um að útgöngubann vegna COVID-19 í heimalandi hans hafi jafngilt stofufangelsi. Útgöngubannið var í gildi í sjö vikur.
MDE segir Ísland ekki hafa brotið mannréttindasáttmála
Mannréttindadómstóll Evrópu hefur komist að þeirri niðurstöðu að Þjóðskrá beri ekki að skrá íslenskar konur, sem eignuðust dreng með hjálp staðgöngumóður, gjafaeggs og -sæðis, sem foreldra hans. Úrskurðurinn var birtur í dag á vefsíðu dómstólsins.
Kærir sýknudóm Landsréttar til Mannréttindadómstóls
Fatlaður maður sem fór í mál við föður sinn vegna kynferðisbrota þegar hann var barn, undirbýr nú kæru til Mannréttindadómstóls Evrópu. Faðinn var dæmdur en Landsréttur sneri dómnum og sýknaði hann. Lögmaður mannsins segir að Landsréttur hafi ekki litið til fötlunar hans þegar dómstóllinn mat framburð hans. 
Engin sátt í tylft mála hjá Mannréttindadómstól Evrópu
Engin sátt hefur náðst í tólf af átján málum gegn íslenska ríkinu sem til umfjöllunar eru hjá Mannréttindadómstóli Evrópu og byggð eru á sömu málsástæðum og Landsréttarmálið svonefnda og því líklegt að þau verði tekin til efnislegrar meðferðar við dómstólinn.
Tékkum heimilt að skylda börn í bólusetningu
Mannréttindadómstóll Evrópu kvað upp þann úrskurð í dag að yfirvöldum í Tékklandi væri heimilt að skylda ung, börn í bólusetningu við ýmsum sjúkdómum. Málið höfðuðu fjölskyldur sem höfðu hlotið sekt fyrir að neita að mæta með börn sín til bólusetningar. 
Átján mál fyrir MDE með vísun í Landsréttarmálið
Embætti ríkislögmanns hefur átján mál til meðferðar fyrir Mannréttindadómstól Evrópu sem byggja á sama grunni og Landsréttarmálið, og þrjár beiðnir eru til meðferðar hjá Endurupptökudómi þar sem vísað er til dóms Mannréttindadómstólsins í Landsréttarmálinu. Þetta kemur fram í svörum Endurupptökudóms og embætti ríkislögmanns við fyrirspurnum fréttastofu. Ríkið hefur frest til 16. mars til að semja um sátt í málunum.
Skerðingar brot á stjórnarskrá og mannréttindasáttmála
Héraðsdómur Reykjavíkur hafnaði því á þriðjudag að máli þriggja félaga Gráa hersins gegn Tryggingastofnun og íslenska ríkinu verði vísað frá dómi. Ríkið hélt uppi þeim rökum að þau skorti lögvarða hagsmuni í málinu. 
Myndskeið
Nýjung í dómaframkvæmd segir lögmaður Jóns
Eiríkur Jónsson og Jón Höskuldsson höfðu fullan sigur í landsréttarmálinu í Hæstarétti í dag. Ríkið var bæði dæmt skaðabótaskylt og til að greiða þeim bætur fyrir að gengið hafi verið fram hjá þeim við skipun í landsrétt.
Ólafur afturkallar kæru til Mannréttindadómstólsins
Ólafur Ólafsson, iðulega kenndur við Samskip og fyrrverandi hluthafi í Kaupþingi, hefur dregið kæru sína til Mannréttindadómstóls Evrópu til baka. Dómstóllinn hefur fellt mál hans niður.
Yfirdeild MDE: Ríkið braut ekki gegn Gesti og Ragnari
Íslenska ríkið braut ekki gegn lögmönnunum Gesti Jónssyni og Ragnari Hall þegar þeir voru sektaðir um eina milljón króna hvor fyrir að segja sig frá málsvörn í Al Thani-málinu fyrir rúmum sjö árum. Yfirdeild Mannréttindadómstóls Evrópu staðfesti í morgun dóm Mannréttindadómstólsins sem féll í október árið 2018.
Réttað yfir tyrkneskum stjórnarandstöðuleiðtoga
Tyrkneski stjórnarandstöðuleiðtoginn Osman Kavala kemur fyrir rétt í Istanbúl í dag. Mannréttindasamtök segja ákærur á hendur honum vera hluta af tilraunum Receps Tayyip Erdogan forseta til að þagga niður andóf í landinu.
Verðum að geta treyst á ópólitíska dómara
Það áhugaverðasta við dóm yfirdeildar Mannréttindadómstóls Evrópu í Landsréttarmálinu er hversu vel dómurinn undirstrikar mikilvægi aðgreiningu framkvæmdavalds og dómsvalds. Þetta segir héraðsdómari og lektor. Borgarar landsins verði að geta treyst því að þeir fái úr sínum málum skorið fyrir dómurum sem séu ekki pólitískt skipaðir eða fylgi tilmælum ráðherra eða framkvæmdavalds.
Dómstólasýslan fjallar um mál Jóns Finnbjörnssonar
Sigurður Tómas Magnússon, hæstarréttardómari og formaður dómstólasýslunnar, segir stöðu Landsréttardómarans Jóns Finnbjörnssonar verða tekna til skoðunar á næsta fundi dómstólasýslunnar, að því marki sem úrlausn þess snúi að hlutverki hennar. 
Mikilvægt að vernda sjálfstæði dómstóla
Formaður Dómarafélags Íslands segir að niðurstaða Mannréttindadómstólsins í Landsréttarmálinu feli í sér skýr skilaboð um mikilvægi þess að vernda sjálfstæði dómstóla. Þetta kunni að hafa áhrif til framtíðar þegar upp komi vafamál varðandi skipan dómara.
„Okkur ber að taka þetta alvarlega“
Formaður Lögmannafélags Íslands segir viðbúið að niðurstaða Mannréttindadómstóls Evrópu leiði til þess að krafist verði endurupptöku í málum sem komið hafa fyrir Landsrétt. Slæmt sé fyrir lýðræðisríki að fá á sig áfellisdóm af þessu tagi.
Alþingi taki niðurstöðu MDE alvarlega
Forseti Alþingis segir að Alþingi hljóti að taka alvarlega til sín þá gagnrýni sem kemur fram í niðurstöðu Mannréttindadómstóls Evrópu um hvernig staðið var að atkvæðagreiðslunni um skipan dómara í Landsrétt á sínum tíma.
Viðtal
Tólf sambærileg mál bíða Mannréttindadómstólsins
Dómur yfirdeildar Mannréttindadómstólsins í máli gegn íslenska ríkinu er tímamótadómur, segir lögmaður manns sem höfðaði málið. Dómstóllinn hafi slegið skjaldborg um sjálfstætt dómsvald í Evrópu. Ráðamenn Evrópuþjóða hljóti nú að hugsa sig um tvisvar áður en þeir vegi að sjálfstæði dómstóla. Tólf sambærileg mál bíða afgreiðslu dómstólsins.
Viðtal
Óþarfi að bregðast við dómi yfirdeildar
Ekki er þörf á að bregðast við dómi yfirdeildar Mannréttindadómstóls Evrópu í Landsréttarmálinu segir dómsmálaráðherra. Landsréttur sé löglega skipaður samkvæmt íslenskum lögum. Dómar Mannréttindadómstólsins séu ekki lagalega bindandi hér á landi. Dómurinn sé tekinn alvarlega en Landsréttur muni starfa áfram og ólíklegt að taka þurfi mál upp að nýju, segir Áslaug Arna Sigurbjörnsdóttir dómsmálaráðherra.