Færslur: Mannréttindadómstóll Evrópu

Telur Róbert Spanó ekki geta gert annað en sagt af sér
Heimsókn Róberts Spanó, forseta Mannréttindadómstóls Evrópu, til Tyrklands í byrjun mánaðarins olli töluverðum deilum sem enn sér ekki fyrir endann á. Einn helsti sérfræðingur í málefnum Tyrklands og Mannréttindadómstólsins krefst afsagnar Róberts, sem hafi með heimsókn sinni skaðað orðspor dómstólsins varanlega. Hann hafi engan annan kost en að segja af sér.
Morgunútvarpið
Þórhildur Sunna: Tyrklandsheimsókn Róberts réttlætanleg
Það er réttlætanlegt að Róbert Spanó, forseti Mannréttindadómstóls Evrópu, hafi farið í opinbera heimsókn til Tyrklands. Þetta er mat Þórhildar Sunnu Ævarsdóttur mannréttindalögfræðings og þingmanns Pírata sem var gestur Morgunútvarps Rásar tvö í morgun. Fulltrúar dómstólsins verða að vera óhlutdrægir gagnvart sínum aðildarríkjum, hefði Róbert ekki þegið boðið hefði það verið til marks um hið gagnstæða.
Segir Róbert Spanó hafa gert skyldu sína
Róbert Spanó, forseti Mannréttindadómstóls Evrópu, notaði tjáningarfrelsið sem staða hans færir honum, til að veita þeim kjark sem eigi skilið að heyra frjáls og sanngjörn orð. Þetta segir Vladimiro Zagrebelsky, fyrrverandi dómari við Mannréttindadómstól Evrópu, í aðsendri grein í ítalska blaðinu La Stampa í dag. Þar bregst hann við þeirri gagnrýni sem Róbert hefur fengið fyrir að taka við heiðursdoktorsnafnbót í Tyrklandi.
Gagnrýndur fyrir að taka við heiðursdoktorsnafnbót
Róbert Spanó forseti Mannréttindadómstóls Evrópu tók í dag við heiðursdoktorsnafnbót við háskólann í Istanbúl.  Lögmaður prófessors sem var rekinn þaðan telur þetta hafa áhrif á traust skjólstæðinga til mannréttindadómstólsins. Róbert segir nafnbótina byggða á hefð og að hún hafi verið þegin eftir gaumgæfilega athugun dómstólsins.
Myndskeið
„Fólkið sem rak mig veitir þér heiðursgráðu“
Róbert Spanó varð í dag fyrsti forseti Mannréttindadómstóls Evrópu sem fer í opinbera heimsókn til Tyrklands. Heimsóknin hefur sætt talsverðri gagnrýni vegna þess að mannréttindi séu þar fótum troðin og tugþúsundir mála tengd mannréttindabrotum hafa verið send Mannréttindadómstólnum.
Myndskeið
Talaði um brot gegn dómurum í ræðu í Tyrklandi
Róbert Spanó, forseti Mannréttindadómstóls Evrópu, lagði áherslu á sjálfstæði dómstóla þegar hann flutti ávarp hjá tyrkneskri réttarfarsstofnun sem þjálfar dómara í dag. Hann er í opinberri heimsókn í Tyrklandi. Róbert tiltók sérstaklega að Mannréttindadómstóllinn hefði réttað í málum dómara sem kærðu ólöglega brottrekstra úr embætti í heimalandinu. Hann vísaði einnig til þess að tyrkneskir dómarar hefðu leitað til dómstólsins eftir handtökur í Tyrklandi og sagði að þau mál yrðu skoðuð vandlega.
Liechtenstein vill tífalda stærð sína og leitar til MDE
Stjórnvöld í Liechtenstein hafa leitað til Mannréttindadómstóls Evrópu með það fyrir augum að endurheimta landsvæði sem nú telst til Tékklands. Deilurnar hafa staðið yfir í áratugi.
Kæra Rússa til Mannréttindadómstólsins
Stjórnvöld í Hollandi hafa ákveðið að kæra Rússa til Mannréttindadómstóls Evrópu fyrir þátt þeirra í að malasísk farþegaþota var skotin niður yfir austurhluta Úkraínu í júlí 2014. Með henni fórust hátt í þrjú hundruð manns.
MDE fjallar um mál Magnúsar Guðmundssonar
Mannréttindadómstóll Evrópu tekur mál Magnúsar Guðmundssonar, fyrrverandi bankastjóra Kaupþings í Lúxemborg, til efnislegrar meðferðar. Hann lagði fram kæru vegna mögulegs vanhæfis tveggja dómara sem dæmdu í markaðsmisnotkunarmálinu svokallaða árið 2016.
Mannréttindadómstóllinn vísaði máli Carls Jóhanns frá
Mannréttindadómstóll Evrópu hefur úrskurðað að mál Carls Jóhanns Lilliendahl, sem dæmdur var fyrir hatursorðræðu í Hæstarétti Íslands fyrir þremur árum, sé ekki tækt til efnismeðferðar. Málinu var því vísað frá.
„Mjög umhugsunarvert fyrir Hæstarétt Íslands“
Íslenska ríkið hefur viðurkennt brot gegn sex fyrrverandi starfsmönnum Byko og Húsasmiðjunnar. Þeir voru dæmdir í Hæstarétti 2016 fyrir verðsamráð, en töldu málsmeðferðina ólögmæta þar sem engar vitnaleiðslur fóru fram og því var engin bein sönnunarfærsla fyrir Hæstarétti. Sátt um bótagreiðslur náðist fyrir Mannréttindadómstól Evrópu í morgun. Lögmaður eins þeirra býst við að allir íhugi að sækja frekari skaðabætur.
Ríkið viðurkennir brot í samráðsmáli fyrir MDE
Íslenska ríkið hefur viðurkennt brot í málum fyrrverandi starfsmanna Byko og Húsasmiðjunnar sem dæmdir voru í Hæstarétti árið 2016 fyrir verðsamráð fyrirtækjanna. Sátt náðist í málinu fyrir Mannréttindadómstól Evrópu sem birti niðurstöður í máli mannanna í morgun.
Dómur MDE ætti að vega þungt í endurupptökumáli
Lögmaður Elínar Sigfúsdóttur segir niðurstöðu Mannréttindadómstóls Evrópu, sem úrskurðaði í morgun að ekki hafi verið gætt að hæfi dómara í máli hennar, auki líkurnar á að mál hennar verði tekið upp að nýju.
Ríkið þarf að greiða Elínu bætur
Mannréttindadómstóll Evrópu dæmdi í morgun íslenska ríkið til að greiða Elínu Sigfúsdóttur, einum af æðstu stjórnendum Landsbankans fyrir hrunið 2008, andvirði 1,7 milljóna króna í bætur.
MDE er ekki hefðbundinn dómstóll
Hæstiréttur Íslands verður áfram æðsti dómstóll landsins burt séð frá niðurstöðu yfirdeildar Mannréttindadómstóls Evrópu, segir Bjarni Benediktsson fjármálaráðherra og formaður Sjálfstæðisflokksins. Hann fullyrðir að niðurstaðan í málinu kennt við Landsrétt hafi ekki bein réttaráhrif á Íslandi.
Viðtal
Einfaldast ef Alþingi setti lög um málin
Þórdís Ingadóttir, dósent við lagadeild Háskólans í Reykjavík, segir óvíst hversu mörg málin yrðu sem farið yrði fram á endurupptöku á færi svo að Ísland tapaði fyrir Mannréttindadómstólnum. Hreinlegast kynni vera að Alþingi setti lög um þessi mál sérstaklega þannig að málin færu beint í málsmeðferð í stað þess að fara fyrir endurupptökunefnd.
Tólf sambærileg mál frá Íslandi bíða meðferðar
Tólf mál frá Íslandi, sambærileg Landsréttarmálinu svokallaða, bíða meðferðar hjá Mannréttindadómstóli Evrópu í Strassborg.
Héraðssaksóknari og skattayfirvöld hugsanlega sameinuð
Í skoðun er að sameina embætti skattrannsóknarstjóra, ríkisskattstjóra og héraðssaksóknara. Þetta er ein af tillögum nefndar um rannsókn og saksókn skattalagabrota sem stofnuð var til að bregðast við gagnrýni í nýlegum dómum Mannréttindadómstóls Evrópu.
04.02.2020 - 13:59
Dómarar í leyfi sækja um dómaraembætti
Ástráður Haraldsson, héraðsdómari og einn umsækjenda um embætti Landsréttardómara, hefur sent dómsmálaráðherra bréf þar sem hann lýsir yfir efasemdum um lögmæti þess að Landsréttardómarar, sem séu í leyfi, geti sótt um embættið. Verði umsóknirnar metnar gildar ætlar Ástráður að láta reyna á þá niðurstöðu, að því er segir í bréfinu.
Stefna Hollandi fyrir Mannréttindadóm vegna Srebrenica
Hópur kvenna sem missti ættingja í fjöldamorðunum í Srebrenica í Bosníustríðinu í júlí 1995, þar sem yfir átta þúsund bosnískir múslimar voru myrtir á þremur dögum, hafa stefnt hollenskum stjórnvöldum fyrir Mannréttindadómstól Evrópu vegna voðaverkanna.
Myndskeið
Í engum sérstökum félagsskap við Pólverja
Dómsmálaráðherra lítur ekki svo á að Ísland sé í félagsskap með pólskum stjórnvöldum þótt þau hafi lýst yfir stuðningi við málstað Íslands í Landsréttarmálinu. Stuðningsyfirlýsingin breyti engu um hvernig Ísland reki málið fyrir Mannréttindadómstól Evrópu.
Myndskeið
Pólverjar styðja íslenska ríkið í Landsréttarmálinu
Pólsk stjórnvöld styðja íslenska ríkið í Landsréttarmálinu fyrir yfirdeild Mannréttindadómstóls Evrópu. Pólverjar liggja undir ámæli fyrir afskipti framkvæmdavaldsins af dómstólum.
Ærumeiðingar verða ekki refsiverðar
Dómsmálaráðherra hefur lagt fram frumvarp á Alþingi um bætur vegna ærumeiðinga. Það felur í sér að ærumeiðingar varða ekki lengur við hegningarlög og verða því ekki refsiverðar.
Hlýtt á málflutning lögmanna í Strassborg
Málflutningur í máli lögmannanna Gests Jónssonar og Ragnars Hall gegn íslenska ríkinu fór fram í Strassborg í dag. Þetta er fyrsta íslenska málið sem tekið er fyrir í nýrri yfirdeild Mannréttindadómstólsins.
Myndskeið
MDE skoðar rannsóknarnefnd
Mannréttindadómstóll Evrópu hefur tekið kæru Ólafs Ólafssonar vegna skýrslu rannsóknarnefndar Alþingis um aðkomu þýska bankans Hauck og Aufhauser að einkavæðingu Búnaðarbankans til skoðunar. Ríkið þarf meðal annars að svara því hvort störf nefndarinnar hafi haft ígildi sakamálarannsóknar og hvort Ólafur hafi notið réttarverndar samkvæmt því.