Færslur: Málefni fatlaðs fólks

Sjónvarpsfrétt
Margt fatlað fólk innlyksa dögum saman vegna snjóa
Í þrjár vikur hið minnsta hefur snjór og klaki hulið gangséttir á höfuðborgarsvæðinu. Fatlað fólk hefur margt hætt við læknisheimsóknir og fleira þar sem þau komast vart út úr húsi fyrir fannfergi. Víða er ógjörningur að komast í hjólastól eftir gangstéttum.
Spegillinn
Gengur ekki að þingmenn slái sig til riddara
"Lögð verður áhersla á uppbyggingu sjálfbærra og öflugra sveitarfélaga sem hafa burði til að standa undir þeirri þjónustu sem íbúar hafa rétt á". Svo segir í nýjum stjórnarsáttmála ríkisstjórnar Katrínar Jakobsdóttur. Enn fremur að beitt verði fjárhagslegum hvötum til þess að stuðla að sameiningu sveitarfélaga.
Víðtækt samstarf um rafrænar lausnir
Unnið er að því að koma upp stafrænu umboðsmannakerfi hjá stjórnsýslunni til að tryggja aðgengi aðstandenda að stafrænni þjónustu fyrir hönd þeirra sem geta ekki nýtt hana sjálfir. Um helgina var greint frá því að dæmi séu um að fólk með þroskahömlun hafi ekki aðgang að bankareikningum og frá ungum fötluðum manni sem gat ekki séð niðurstöðu úr COVID-prófi þar sem hann getur ekki fengið rafræn skilríki.
Eiga ekki skilríki og geta ekki farið í heimabankann
Dæmi eru um að fólk með þroskahömlun hafi engan aðgang að bankareikningum sínum vegna þess að það hefur ekki getað sótt um rafræn skilríki. Samtökin Þroskahjálp hafa ítrekað bent stjórnvöldum á að finna þurfi aðra auðkennisleið fyrir þennan hóp, verið sé að brjóta mannréttindi á þeim.
Getur ekki sótt um rafræn skilríki vegna fötlunar
Móðir ungs fatlaðs manns gagnrýnir að hann getur ekki fengið rafræn skilríki vegna kröfu um að hann sæki um þau sjálfur. Maðurinn fór í COVID-próf  en gat ekki sótt niðurstöðuna vegna þess að hann skorti skilríkin. Móðirin segir brýnt að úr sé bætt.
Kallar eftir kröfum um sanngirnisbætur
Sýslumaðurinn á Norðurlandi eystra hefur kallað eftir kröfum um sanngirnisbætur fyrir misgjörðir á opinberum stofnunum fyrir fötluð börn. Ríkisstjórnin samþykkti í lok síðasta árs að leggja fram á Alþingi frumvarp um bæturnar.
Á undan áætlun við að rampa upp Reykjavík
Átakið Römpum upp Reykjavík gengur hraðar en áætlað var. Stefnt var að því að setja upp aðgengisrampa við hundrað fyrirtæki í miðborginni fyrir 10. mars á næsta ári. Haraldur Þorleifsson, stjórnandi hjá Twitter, stofnandi hönnunarfyrirtækisins Ueno, hvatamaður verkefnisins og helsti stuðningsaðili þess, greinir frá því í færslu á Twitter að búið sé að setja upp hundrað rampa og að kostnaður við þá sé töluvert undir áætlun.
Fékk ekki að aðstoða konu sína sem er með Alzheimer
Eiginmaður konu með Alzheimer gagnrýnir að hafa ekki fengið að aðstoða hana við að kjósa og telur að eiginkona sín hafi ekki fengið að njóta kosningaleyndar. Hjónin hyggjast kæra framkvæmdina.
Viðtal
Fatlaðir og foreldrar fatlaðra of aftarlega í röðinni
Bryndís Snæbjörnsdóttir, formaður Þroskahjálpar, segir að fatlað fólk sé of aftarlega í bólusetningarröðinni. Fyrst nú nýlega liggi fyrir listi yfir þá foreldra fatlaðra barna sem fá forgang í bólusetningu. Þroskahjálp, Umhyggja og fleiri félög sem vinna að hagsmunum langveikra barna og fjölskyldna þeirra sendu áskorun til heilbrigðisyfirvalda í febrúar þar sem óskað var eftir forgangi. 
Myndskeið
Fyrsti rampurinn settur upp í gær
Fyrsti rampur í átakinu Römpum upp Reykjavík var settur upp við verslunina Kokku á Laugavegi í gær við hátíðlega athöfn. Rampurinn er ætlaður hreyfihömluðum en getur einnig gagnast ýmsum kerrum og hjólum.
Þingsályktunartillaga um Arnarholt og önnur heimili
Velferðarnefnd Alþingis ætlar að skila Alþingi þingsályktunartillögu um rannsókn á Arnarholti og öðrum sambærilegum heimilum. Formaður nefndarinnar segir að í rannsókninni verði einnig að skoða aðbúnað fólks á hvers kyns vistheimilum nú á dögum. Nefndarmenn hafi fengið ábendingar um slæman aðbúnað fatlaðs fólks og geðfatlaðra í nútímanum.
Óheimilt að binda NPA-samning við fjárframlag ríkisins
Héraðsdómur Reykjavíkur komst í morgun að þeirri niðurstöðu að Mosfellsbæ væri óheimilt að binda samning um notendastýrða persónulega aðstoð (NPA) við fjárframlag frá ríkinu. Bænum er gert að greiða fötluðum manni fébætur og miskabætur vegna málsins auk þess sem framferðið í garð hans er metið saknæmt.
Myndskeið
Hundrað rampar í miðborgina fyrir árslok
Styrkja á verslunar- og veitingahúsaeigendur í miðborg Reykjavíkur til þess að auðvelda þeim að koma upp rampi og þannig gera fólki í hjólastólum kleift að komast inn. „Þegar fólk reynir að komast inn en kemst ekki inn þá er það ótrúlega sárt. Sérstaklega ef þú ert kannski búinn að ákveða að hitti vini eða fjölskyldu og ert kannski búinn að vera spenntur allan daginn,“ segir forsprakki verkefnisins Römpum upp Reykjavík.
Myndskeið
„Þetta er gríðarlega mikilvægt fyrir fatlað fólk“
Nýtt álit Umboðsmanns Alþingis gerir mörg hundruð fötluðum einstaklingum kleift að sækja um styrk fyrir hjálpartækjum. Þetta segir formaður Öryrkjabandalagsins. Maður sem lengi hefur viljað kaupa hjálpartæki ætlar að sækja um styrk strax í næstu viku.
Leggja til heildstæða athugun á starfsemi Arnarholts
Borgarstjórn ætlar að beina því formlega til forsætisráðherra að gerð verði heildstæð athugun á vistheimilinu Arnarholti og öðrum sambærilegum heimilum. Tillaga þess efnis verður lögð fram á fundi borgarstjórnar í dag. Borgarstjóri segir að aðalatriðið sé að málið verði upplýst og að réttar ályktanir verði dregnar.
Hvatningarverðlaun ÖBÍ veitt í fjórtánda sinn
Sunna Dögg Ágústsdóttir hlaut Hvatningarverðlaun Öryrkjabandalags Íslands í flokki einstaklinga þegar þau voru veitt í fyrradag, á Alþjóðadegi fatlaðs fólks. Sunna er ötull talsmaður ungs fólks með þroskahömlun og hefur vakið athygli á því að fatlað fólk sé útsettara fyrir því að verða fyrir áreiti á Netinu.
Myndskeið
Friðrik Sigurðsson handhafi Kærleikskúlunnar 2020
Friðrik Sigurðsson, frumkvöðull í réttindabaráttu fatlaðs fólks hlaut í dag Kærleikskúluna árið 2020. Hann fékk fyrsta eintak kúlunnar afhent fyrir utan vinnustað sinn. Hulunni verður svipt af kúlunni í Vikunni hjá Gísla Marteini í kvöld. Þá verður einnig tilkynnt hver skapaði kúluna í ár.
Morgunútvarpið
„Mannréttindi eru ekki eins og tæknileg framþróun“
Réttindagæsla fatlaðs fólk er undirmönnuð og vanfjármögnuð og stjórnvöld fylgdu ekki eftir þeim ábendingum sem fram komu í skýrslu um aðbúnað barna og fullorðinna á Kópavogshæli. Þetta segir Árni Múli Jónasson framkvæmdastjóri Þroskahjálpar. Í kjölfar umfjöllunar um slæman aðbúnað á vistheimilinu Arnarholt hafa samtökin krafið stjórnvöld um að grípa til ráðstafana nú þegar til að koma í veg fyrir að slíkt endurtaki sig.
17.11.2020 - 09:37
Myndskeið
Krefjast óháðrar rannsóknar 80 ár aftur í tímann
Geðhjálp og Landssamtökin Þroskahjálp hafa farið formlega fram á það við Alþingi að fram fari óháð rannsókn á aðbúnaði fatlaðs fólks og fólks með geðrænan vanda síðastliðin 80 ár. Tilefnið er fréttaflutningur af málefnum Arnarholts. Fjöldi fólks hefur haft samband við samtökin í kjölfar umfjöllunarinnar.
Myndskeið
Bannað að heimsækja Arnarholt eftir svarta skýrslu
Sjálfboðaliðahreyfing ungs fólks á sviði geðheilbrigðismála skrifaði svarta skýrslu um aðbúnað í Arnarholti árið 1969. Skýrslan barst stjórnendum í Arnarholti, sem í kjölfarið bönnuðu hópnum að heimsækja vistheimilið. Skýrslan var aldrei gerð opinber.
„Stefna stjórnvalda er enn að svelta fatlað fólk“
„Núverandi stefna stjórnvalda er enn að svelta fatlað fólk til hlýðni. Það er gert með því að skammta nógu naumt fjármagn. Tölum bara hreint út, fatlað fólk er svelt til hlýðni þegar örorkulífeyrir er svo naumt skammtaður að hann dugir ekki fyrir brýnustu nauðsynjum eins og húsaskjóli, mat og lyfjum, nema fram yfir miðjan mánuð, þegar búið er að velta hverri krónu margsinnis fyrir sér,“ segir Þuríður Harpa Sigurðdardóttir, formaður ÖBÍ, í fréttatilkynningu um starfsemi Arnarholts.
Fólk sem bíður eftir félagshúsnæði gæti kært úthlutun
Fólk á biðlista sveitarfélags eftir húsnæði getur átt rétt á að kæra ákvörðun um úthlutun. Þetta kemur fram í áliti umboðsmanns Alþingis á máli fatlaðrar konu sem hafði kært ákvörðun úrskurðarnefndar velferðarmála um að vísa frá kæru hennar um að annar en hún fékk úthlutað sértæku húsnæðisúrræði í Reykjavík. Í álitinu er lagt til að borgin meti hvort endurskoða þurfi verklag í þessum málaflokki.
Rúmir 17 milljarðar í þjónustu við fatlað fólk
Sveitarstjórnarráðherra hefur samþykkt áætluð framlög Jöfnunarsjóðs sveitarfélaga vegna þjónustu við fatlað fólk á næsta ári. Nemur upphæðin 17,2 milljörðum króna.
Myndskeið
Börn með fötlun fá sanngirnisbætur frá ríkinu
Ríkisstjórnin samþykkti á fundi sínum í morgun að leggja fyrir Alþingi frumvarp um sanngirnisbætur til barna með fötlun sem dvöldust á litlum vistheimilum á vegum hins opinbera síðustu áratugi og urðu fyrir misrétti.
09.10.2020 - 16:55
Heimahjúkrun ein forsenda þess að fólk búi lengur heima
Heimahjúkrun er ein forsenda þess stefnumiðs íslenskra stjórnvalda að fólki verði gert mögulegt að búa sem lengst á eigin heimili þótt aldurinn færist yfir.