Færslur: Málefni barna af erlendum uppruna

„Bæta ber hagsmunamat barna sem hingað koma“
„Rætt hefur verið hvernig við getum bætt hagsmunamat barna sem hingað koma. Við munum gera á þeim ákveðnar úrbætur. Það hefur einnig verið rætt að bæta stöðu fylgdarlausra barna,“ segir Katrín Jakobsdóttir forsætisráðherra í samtali við fréttastofu.
Viðtal
Vanlíðanin mest meðal pólskra og asískra ungmenna
Ungmenni af erlendum uppruna njóta síður stuðnings foreldra, vina og bekkjarfélaga, en ungmenni af íslenskum uppruna. Það skýrir að hluta verri líðan og minni lífsánægju þeirra. Önnur atriði, svo sem bágari efnahagur fjölskyldu, að búa ekki hjá báðum foreldrum eða að foreldrar séu án atvinnu, tengjast einnig verri líðan og minni lífsánægju ungmenna. 
Mikilvægt að heyra íslenskt mál sem mest
Börnum af erlendum uppruna fjölgar stöðugt í grunnskólum borgarinnar og í fyrra voru töluð 63 tungumál í skólunum. Börn sem fæðast hér á landi, en hafa annað móðurmál en íslensku, koma ekki nægilega vel út úr prófi sem mælir færni þeirra í íslensku, segir áheyrnarfulltrúi frá Flokki fólksins. „Það er sláandi hvað mörg börn sem fædd eru á Íslandi og hafa alist upp í leik- og grunnskólakerfinu séu engu að síður svo illa stödd í íslensku.“
Fréttaskýring
Vill að börnin geti valið sér framtíðarstarf
Þegar foreldrar sjá niðurstöður mælinga, raunveruleikann sem blasir við börnunum þeirra í framtíðinni ef ekkert er að gert, þá átta þeir sig. Þetta segir talmeinafræðingur sem unnið hefur með börnum í leikskólanum Ösp í Breiðholti. Börnin sem útskrifuðust þaðan stóðu áður mörg mjög illa þegar kom að læsi og málskilningi. Nú virðist þetta vera að breytast þökk sé markvissu málörvunarstarfi innan skólans og virkri þátttöku foreldra heima fyrir.
Fréttaskýring
Fjölmenning: Frá þjóðfánum til kósíkvölda
Flestum krökkum finnst gaman að hafa kósíkvöld heima. Þetta var meðal þess sem fjölmenningarverkefni barna í leikskóla nokkrum í Reykjavík leiddi í ljós. Fjölmenningarstarf í leikskólum hefur tekið breytingum í áranna rás og áhersla á þjóðmenningu og þjóðfána hefur vikið fyrir áherslu á persónulega menningu hvers barns, menningu sem ekki tengist endilega uppruna fjölskyldunnar.