Færslur: Málefni Arnarholts

Ólíkar skýringar á hvers vegna ekki var svarað
Embætti landlæknis harmar að hafa ekki svarað fyrirspurnum starfshóps um vistheimili ríkisins og segir að mistök hafi verið gerð. Stór sveitarfélög gefa ólíkar skýringar á hvers vegna þau svöruðu ekki starfshópnum.
09.06.2022 - 12:48
Sjónvarpsfrétt
Nærri helmingur sveitarfélaga hunsaði vistheimilahóp
Nærri helmingur sveitarfélaga landsins hunsaði ítrekaðar óskir starfshópsins sem skilaði skýrslu í dag og skoðaði meðferð á fólki með fötlun og geðræn vandamál. Meðal þeirra sveitarfélaga eru bæði fjórðu og fimmtu fjölmennustu sveitarfélög landsins. Framkvæmdastjóri Þroskahjálpar segir vanta betra eftirlit með þessu berskjaldaða fólki. 
Rannsaka meðferð fatlaðra á vistheimilum aftur til 1970
Sterkar vísbendingar eru um að hópur fullorðinna einstaklinga með fötlun eða geðræn vandamál hafi sætt illri meðferð á árum áður. Mikilvægt er að það verði dregið fram í dagsljósið, að mati starfshóps sem leggur til tvískipta rannsókn á aðbúnaði þeirra og meðferð, allt aftur til ársins 1970. 
08.06.2022 - 19:00
Spegillinn
Peningar græða ekki öll sár
Frá því að Breiðavíkurmálið kom upp fyrir 15 árum hafa hátt í fjórir milljarðar verið greiddir í sanngirnisbætur til þeirra sem bjuggu við slæman kost og meðferð á vistheimilum á vegum ríkisins og sveitarfélaga. Um 1.200 manns hafa fengið bætur. Peningar duga þó ekki til að græða sár þeirra sem máttu þola illa meðferð í æsku.
Spegillinn
„Einhvers staðar er ennþá verið að misbeita fólki“
Um þessar mundir eru 15 ár liðin frá því að upp komst um illa meðferð á drengjum í Breiðavík á síðari hluta seinustu aldar. Drengirnir urðu fyrir andlegu, líkamlegu og kynferðislegu ofbeldi, bæði frá eldri drengjum sem dvöldu þar og starfsmönnum heimilisins. Maður sem dvaldi í Breiðavík sem ungur drengur segir að enn sé verið að misbeita fólki einhvers staðar, líkt og viðgekkst á Breiðavíkurheimilinu.
07.02.2022 - 20:22
Rannsókn á vistheimilum fullorðinna undirbúin
Þriggja manna nefnd forsætisráðherra safnar nú ítarlegum upplýsingum um starfsemi vistheimila ríkisins fyrir fullorðið fólk með fötlun eða geðrænan vanda. Nefndinni er ætlað að undirbúa rannsókn á málinu. Aðbúnaður vistmanna á stofnunum fyrir fullorðna hefur ekki áður verið rannsökuð.
21.11.2021 - 16:51
Heimsóttu Klepp vegna frétta af slæmum aðbúnaði
Umboðsmaður Alþingis og starfsfólk hans heimsótti á föstudag réttargeðdeild, öryggisgeðdeild og sérstaka endurhæfingardeild á Kleppi í tengslum við svokallað OPCAT eftirlit með frelsissviptum, sem umboðsmaður sinnir. Tilefni heimsóknarinnar var fyrst og fremst fréttaflutningur síðustu vikna af slæmum aðbúnaði á geðdeildum. Tilgangurinn var einnig að fylgja eftir atriðum í skýrslu umboðsmanns um eftirlit með geðdeildum á Kleppi frá árinu 2019.
Efast um eftirlitsgetu Landlæknis og vilja óháða úttekt
Geðhjálp veltir fyrir sér getu embættis landlæknis til að sinna eftirliti með heilbrigðisstofnunum, og viðrar áhyggjur vegna viðbragða stjórnenda Landspítalans í kjölfar gagnrýnna ábendinga sem settar hafa verið fram um starfsemi réttargeðdeildar spítalans.
Myndskeið
Deildarstjóri á réttargeðdeild í leyfi eftir ábendingar
Deildarstjóri öryggis- og réttargeðdeildarinnar á Landspítala er í ótímabundnu leyfi frá störfum að beiðni stjórnenda spítalans í kjölfar ábendinga núverandi og fyrrverandi starfsmanna um aðbúnað og starfsaðstæður á deildinni.  Málið er til skoðunar hjá Embætti landlæknis.    
Píratar vilja láta rannsaka öll vistheimili
Þingflokkur Pírata hefur lagt fram þingsályktunartillögu um að ráðist verði í alhliða úttekt á starfsemi vist- og meðferðarheimila. Þingmennirnir vilja láta rannsaka öll vist- og meðferðarheimili fyrir börn og fatlaða einstaklinga sem ríki, sveitarfélög, félagasamtök og einkaaðilar hafa starfrækt hér á landi „svo langt aftur sem fyrirliggjandi gögn og upplýsingar gefa tilefni til“.
18.05.2021 - 22:56
Myndskeið
Fyrrverandi starfsmenn ÖRG: „Við vorum bara skammaðar“
Stjórnendur Landspítalans brugðust þeim sem kvörtuðu undan stöðunni á öryggis- og réttargeðdeild spítalans. Þetta segir fyrrverandi starfsmaður á deildunum. Annar fyrrverandi starfsmaður segist ekki óska óvinum sínum að þurfa að dvelja á deildunum. Allt hafi gengið út á hindranir á deildunum, en ekki að gefa fólki tækifæri.
Viðtal
„Það eru engar heimildir fyrir þessum refsingum“
Það er með ólíkindum hvernig komið er fram við skjólstæðinga á öryggis- og réttargeðdeildum Landspítalans. Þetta segir formaður Geðhjálpar um það sem fram kemur í gögnum sem Embætti landlæknis hefur nú til skoðunar. Hann segir að ofbeldið, refsikúltúr og starfsandinn á deildunum sé það alvarlegasta sem fram kemur í gögnunum.
Myndskeið
Sjúklingar lokaðir inni á herbergi svo mánuðum skiptir
Dæmi er um að sjúklingar á Kleppspítala, öryggis- og réttargeðdeildum Landspítalans, hafi verið lokaðir inni á herbergjum sínum svo vikum og mánuðum skiptir. Framkvæmdastjóri Geðhjálpar segir að meðferðarkúltúr í geðlæknisfræðum virðist byggja á því að sýna völd.
12.05.2021 - 20:02
Myndskeið
Lyfjaþvinganir, ofbeldi og ógnarstjórnun
Embætti landlæknis hefur til athugunar alvarlegar ábendingar um slæman aðbúnað á öryggis- og réttargeðdeildum Landspítalans. Þar er meðal annars lýst ofbeldi, lyfjaþvingunum, ógnarstjórnun og miklum samskiptavanda. Ábendingarnar koma frá núverandi og fyrrverandi starfsmönnum. Þær voru meðal annars teknar saman í kjölfar umfjöllunar um vistheimilið Arnarholt. Landlæknisembættið hefur farið í vettvangsheimsóknir vegna málsins og Landspítalinn hefur tekið viðtöl við fjölda starfsmanna.
Þingsályktunartillaga um Arnarholt og önnur heimili
Velferðarnefnd Alþingis ætlar að skila Alþingi þingsályktunartillögu um rannsókn á Arnarholti og öðrum sambærilegum heimilum. Formaður nefndarinnar segir að í rannsókninni verði einnig að skoða aðbúnað fólks á hvers kyns vistheimilum nú á dögum. Nefndarmenn hafi fengið ábendingar um slæman aðbúnað fatlaðs fólks og geðfatlaðra í nútímanum.
Mikilvægt að rannsókn sé vel afmörkuð
Velferðarnefnd Alþingis ætlar að kalla fulltrúa lagaskrifstofu Alþingis og fulltrúa forsætisráðuneytis á sinn fund á næstunni til að fara yfir minnisblað forsætisráðuneytis, síðan í byrjun mánaðar, um rannsókn á vistheimilinu Arnarholti og öðrum sambærilegum heimilum. Helga Vala Helgadóttir, formaður nefndarinnar, segir að ákvörðun um næstu skref verði tekin fljótlega.
16.02.2021 - 14:10
Umfang rannsóknar „gæti orðið gríðarlega mikið“
Umfang rannsóknar á vistheimilinu Arnarholti og öðrum sambærilegum heimilum gæti orðið gríðarlega mikið. Þetta segir í greinargerð forsætisráðuneytisins sem afhent var velferðarnefnd Alþingis í vikunni. Forsætisráðuneytið tekur ekki afstöðu til þess, hvort skipa skuli rannsóknarnefnd á vegum Alþingis eða stjórnsýslunefnd á vegum forsætisráðuneytis, til þess að rannsaka aðbúnað í Arnarholti og á öðrum sambærilegum vistheimilum.
07.02.2021 - 12:45
Skila greinargerð um Arnarholt fyrir mánaðarmót
Forsætisráðuneytið ætlar að skila velferðarnefnd Alþingis greinargerð um væntanlega rannsókn á vistheimilinu Arnarholti og öðrum vistheimilum fyrir 1. febrúar næstkomandi. Þetta kemur fram í svari ráðuneytisins við fyrirspurn fréttastofu.
Borgarstjórn samþykkir tillögu um Arnarholt
Borgarstjórn samþykkti nú á áttunda tímanum einróma tillögu um að ráðast í heildstæða athugun á starfsemi vistheimilisins Arnarholts.
Leggja til heildstæða athugun á starfsemi Arnarholts
Borgarstjórn ætlar að beina því formlega til forsætisráðherra að gerð verði heildstæð athugun á vistheimilinu Arnarholti og öðrum sambærilegum heimilum. Tillaga þess efnis verður lögð fram á fundi borgarstjórnar í dag. Borgarstjóri segir að aðalatriðið sé að málið verði upplýst og að réttar ályktanir verði dregnar.
Trúnaðarherbergi útbúið með gögnum um Arnarholt
Borgarskjalasafnið hefur lagt til við borgarráð að sett verði upp trúnaðarherbergi í húsnæði safnsins við Tryggvagötu þar sem borgarfulltrúum gefst kostur á að kynna sér þau skjöl um Arnarholt sem varðveitt eru hjá safninu. Borgarfulltrúar verða að undirrita sérstaka trúnaðaryfirlýsingu um að þeir megi ekki birta, afhenda eða nota upplýsingarnar.
Myndskeið
Ábendingum um þvinganir og frelsissviptingu fjölgar
Alvarlegum ábendingum til Geðhjálpar um þvinganir og frelsissviptingu hefur fjölgað að undanförnu. Starfsfólk á stofnunum er meðal þeirra sem benda á misbresti. Framkvæmdastjóri Geðhjálpar segir líklegt að einhver mál verði send til rannsóknar hjá embætti Landlæknis.
Spegillinn
Breyta þarf lögum um sanngirnisbætur
Halldór Þormar Halldórsson, umsjónarmaður sanngirnisbóta sem greiddar hafa verið um 1.200 manns vegna þess hvernig farið var með þá sem börn á heimilum á vegum hins opinbera, telur að endurskoða þurfi lög um sanngirnisbætur og horfa til þess að fólk, sem vistað var á heimilum á borð við Arnarholt, réði í fæstum tilvikum sínum dvalarstað þó að það væri fullorðið. 
25.11.2020 - 09:25
Þurfa að ákveða fjölda heimila og fjölda ára í rannsókn
Ákveða þarf hversu mörg vistheimili á að skoða og yfir hversu langan tíma slík rannsókn myndi ná, segir formaður velferðarnefndar Alþingis. Nefndin ætlar að kalla eftir upplýsingum frá forsætisráðuneytinu áður en ákvörðun verður tekin.
Myndskeið
„Mér fannst það mjög kuldalegt og nöturlegt“
Það var bæði nöturlegt og kuldalegt að sjá fólk læst inni í einangrun í Arnarholti, segir fyrrverandi starfsmaður þar. Hún segir að málefni heimilisins brenni enn þann dag í dag á þeim starfsmönnum sem þar unnu. Þeir hafi reynt að vekja athygli á slæmum aðbúnaði á heimilinu á sínum tíma, án árangurs.