Ólafur Þór Gunnarsson, varaformaður velferðarnefndar Alþingis, hefur lagt fram frumvarp um að íbúum hjúkrunarheimila verði heimilað að búa þar með mökum sínum, þar sem það sé á annað borð hægt. Stundum komi aðbúnaður á heimilunum eða veikindi íbúans í veg fyrir þetta, en hins vegar sýni dæmin að það sé vont að ekki sé gert ráð fyrir þessum möguleika.

„Þetta er gamalt kerfi og úrelt og óljóst hvort það mælir það sem það á að mæla.“ Þetta segir framkvæmdastjóri Samtaka fyrirtækja í velferðarþjónustu um það kerfi sem stjórnvöld nota til þess að meta gæði þjónustu sem veitt er á hjúkrunarheimilum. Framkvæmdastjóri Öldrunarheimila Akureyrar segir fjárhagslega hvata í kerfinu óheppilega. SFV vilja ekki framlengja rammasamning ríkisins við hjúkrunarheimili í núverandi mynd og gagnrýna meðal annars ósamræmi í kröfum eftirlitsaðila til þjónustunnar.

Öldruðum á eftir að fjölga mikið á næstu áratugum. Áhersla á heimaþjónustu, heilsueflingu og þjálfun fer vaxandi en dugar það til? Pétur Magnússon, forstjóri Hrafnistu, telur ekki raunhæft að útgjöld til hjúkrunarheimila verði stóraukin á næstu áratugum en hvað þýðir það? Þarf þá að skerða þjónustuna?

Gjaldskrá Sjúkratrygginga Íslands vegna tannlækninga lífeyrisþega hefur verið óbreytt frá árinu 2004 og endurspeglar því á engan hátt raunverulegan tannlækniskostnað þeirra sem greiða samkvæmt gjaldskrá starfandi tannlækna, að því er segir á vef Stjórnarráðsins. Heilbrigðisráðherra hefur skipað starfshóp til að fjalla um aukna greiðsluþátttöku ríkisins í tannlækningum aldraðra og öryrkja. Hópurinn á að skila tillögum sínum til ráðherra 1. apríl næstkomandi.

„Við eigum stundum erfitt með að horfa á hlutina eins og þeir eru,“ segir Sigríður Gunnarsdóttir, framkvæmdastjóri hjúkrunar á Landspítalanum. Brýnt sé að fjölga hjúkrunarrýmum verulega á næstu árum. Það er ekki nýtt að á Landspítala bíði aldrað fólk sem ekki fær inni á hjúkrunarheimili þrátt fyrir að hafa verið metið í þörf fyrir það. Sigríður segist ekki muna eftir öðru, svo virðist sem fyrir þessu hafi skapast hefð og Sigríður segir það slæmt fyrir alla hlutaðeigandi.

Loforð flokkanna um að bæta hag þeirra eldri kosta frá 1,3 milljörðum upp í 35 milljarðar króna. Að hækka lífeyrisgreiðslur og örorkubætur í 300 þúsund gæti aukið útgjöld ríkisins um tugi milljarða. Ellilífeyrisþegar eru um 32 þúsund. 5.500, sem eru komnir á eftirlaunaaldur, hafa aldrei sótt um greiðslur frá Tryggingastofnun.

Óalgengt er að báðir makar séu metnir í þörf fyrir dvöl á hjúkrunarheimili. Þegar annar maki flytur á slíkt heimili felur það því oft í sér aðskilnað. Þegar svo ber undir að báðir eru metnir í þörf fyrir vistun er ekki gefið að þeir komist inn á sama tíma eða fái inni á sama hjúkrunarheimili. Það að sambúðarfólk fái að verða gamalt saman er sem sagt ekki endilega auðsótt þó báðir nái háum aldri.