Færslur: Málefni aldraðra

Sjónvarpsfrétt
Nói,Hlýja,Valli og félagar bæta mannlífið á Hrafnistu
Tíu rafkettir eru til húsa á hjúkrunarheimili Hrafnistu á Sléttuvegi. Deildarstjóri segir að þeir séu góð viðbót á heimilið, þeir gleðji íbúa og veiti mikilvæga nærveru, einkum þeim sem eru með heilabilanir.
Myndskeið
Ísland einna verst þegar kemur að ráðstöfun fjár
Ísland stendur sig einna verst allra landa þegar kemur að því að ráðstafa því fé sem varið er í heilbrigðisþjónustu eldra fólks. Þetta segir kanadískur sérfræðingur. Hann gagnrýnir að eldra fólk sé sett til geymslu inni á hjúkrunarheimilum í stórum stíl. Aðeins brot af þeim fjármunum sem fari í heilbrigðisþjónustu við eldra fólks fari til heimaþjónustu.
Viðtal
Mjög brýnt að efla úrræði fyrir eldra fólk
Það er mjög brýnt að efla úrræði fyrir eldra fólk eins og dagþjálfun, endurhæfingu og heimaþjónustu til að seinka því að fólk þurfi að fara á hjúkrunarheimili. Þetta segir Alma Möller landlæknir. Drög að nýrri stefnu um heilbrigðisþjónustu við eldra fólk var kynnt á heilbrigðisþingi á föstudag. Landlæknir segir að þar sé lagt til að þjónustan verði fjölbreyttari og það sé mikilvægt.  
Viðtal
Líða ekki framkvæmdaleysi í málum eldra fólks
Eldra fólk ætlar ekki að líða framkvæmdaleysi og krefst þess að tillögur sem settar eru fram í drögum að nýrri stefnu um heilbrigðisþjónustu fyrir aldurshópinn verði að veruleika. Þetta segir formaður Landssambands eldri borgara. Nauðsynlegt sé að breyta áherslum þannig að fólk geti búið lengur heima hjá sér og fengið meiri þjónustu þar. 
Myndskeið
Furðar sig á því að fólk sé útskrifað af heimili sínu
Dæmi eru um að fólk með heilabilun sé útskrifað af hjúkrunarheimilum og sent á Landspítalann vegna þess að of lítið er af faglærðu starfsfólki er á hjúkrunarheimilum. Þetta segir yfirlækni heilabilunareiningar Landspítalans. Ástand fólks með heilabilun versni af því að starfsfólk hjúkrunarheimila hafi ekki fagþekkingu. „Hjúkrunarheimili er heimili fólks. Þannig að það sé hægt að útskrifa einhvern af hjúkrunarheimili, af sínu heimili ætti að vera óhugsandi,“ segir yfirlæknir heilabilunareiningar.
Viðtal
Hættulegar aðstæður vegna ölvunar og partístands
Stundum er ástand eldra fólks hættulegt starfsfólki heimahjúkrunar vegna ölvunar og partístands. Svæðisstjóri heimahjúkrunar hjá Heilsugæslu höfuðborgarsvæðisins segir að eldra fólk í þessari stöðu sé gjarnt á að detta og brjóta sig og glími við næringarskort.
Smit hjá starfsmanni hjúkrunarheimilisins Dyngju
Einn starfsmaður á hjúkrunarheimilinu Dyngju á Egilsstöðum hefur greinst með kórónuveiruna. Allir heimilismenn og nær allir starfsmenn voru skimaðir í dag. Þetta staðfestir Arney Eir Einarsdóttir, deildarstjóri Dyngju, við fréttastofu.
06.08.2021 - 20:32
Alls þrír smitaðir heimilismenn á Grund
Einn heimilismaður og einn starfsmaður til viðbótar greindust með kórónuveiruna á hjúkrunarheimilinu Grund á sunnudag. Áður höfðu tveir heimilismenn greinst með COVID-19. Nú eru því alls þrír heimilismenn í einangrun með veiruna. Gísli Páll Pálsson, forstjóri Grundar, segir stöðuna þó vera góða miðað við aðstæður. Allir sem hafa greinst, heimilismenn sem starfsmenn, eru einkennalausir eða með væg einkenni.
03.08.2021 - 17:00
Viðræður um dagdvalarrými aldraðra í Suðurnesjabæ
Heilbrigðisráðherra og Suðurnesjabær munu hefja viðræður um að koma allt að átta almennum dagdvalarrýmum fyrir aldraða á laggirnar í sveitarfélaginu. Í Suðurnesjabæ eru engin dagdvalarrými fyrir en þau næstu eru í Reykjanesbæ og Grindavík eða alls um þrjátíu og þrjú rými. Þetta er liður í aðgerðaáætlun um framkvæmd heilbrigðisstefnu til næstu fimm ára þar sem kveðið er á um fjölgun dagdvalarrýma um rúmlega níutíu. 
29.06.2021 - 14:52
Myndskeið
Neitað allt að 17 sinnum um pláss á hjúkrunarheimili
Dæmi eru um að fólki sem er í sárri þörf fyrir að komast á hjúkrunarheimili sé hafnað margsinnis vegna þess að það er á dýrum lyfjum eða þarf mikla hjúkrun. Gerðar hafa verið athugasemdir við þetta við heilbrigðisyfirvöld. Formaður færni- og heilsumatsnefndar höfuðborgarsvæðisins segir að með þessu séu hjúkrunarheimilin ekki að uppfylla samning sinn við Sjúkratryggingar.
Hafa greitt rúmlega tvo milljarða með hjúkrunarheimilum
Þrjú sveitarfélög hafa greitt samanlagt yfir tvo milljarða króna með hjúkrunarheimilum á undanförnum árum. Þau hafa öll ákveðið að endurnýja ekki samninga við Sjúkratryggingar um áframhaldandi rekstur þeirra. Akureyrarbær hefur greitt hátt í tvo milljarða króna með rekstri hjúkrunarheimila í bænum frá 2012. Bæjarfulltrúi í bænum segir að ekki sé grundvöllur fyrir áframhaldandi rekstri heimilanna.
Spegillinn
Slæm fjárhagsstaða bitnar á öldruðu heimilisfólki
Erfið fjárhagsstaða fjölmargra hjúkrunarheimila bitnar á fólkinu sem þar býr, segir Gísli Páll Pálsson, formaður Samtaka fyrirtækja í velferðarþjónustu. Hann segir að hækka þurfi daggjöld til heimilanna um um það bil tíu prósent til þess að laga ástandið, eða um þrjá til fjóra milljarða króna á ári. Sjúkratryggingar Íslands hafa greitt heimilum aukakostnað í tengslum við faraldurinn, en deilt hefur verið um þann kostnað að undanförnu. Gísli Páll segir að heimilin muni mikið um þann kostnað.
Með 20 milljóna yfirdrátt: „Ég er bara búin á því“
Hjúkrunarheimilið Lundur á Hellu hefur neyðst til að taka 20 milljóna króna yfirdrátt vegna COVID-kostnaðar, launahækkana og vanreiknaðra daggjalda. Hjúkrunarforstjórinn segir að heimilið hafi aldrei verið jafnilla sett fjárhagslega. Hún segir að hún hafi neyðst til þess að segja upp starfsfólki, og að hún sjálf sé „búin á því“.
Ísafjarðarbær selur á þriðja tug þjónustuíbúða
Ísafjarðarbær ætlar að selja 22 af 26 þjónustuíbúðum fyrir aldraða á Hlíf 1. Þær bætast við um hundrað aðrar leiguíbúðir sem eru á sölu. Þetta á að bæta skuldastöðu en líka fjármagna byggingu nýs knattspyrnuhúss á Ísafirði.
09.02.2021 - 12:36
Bíða á göngum eftir að komast í spítalarúm
Undanfarna viku hafa um 20 beðið á hverjum degi á bráðamóttöku Landspítala eftir að komast inn á ýmsar legudeildir spítalans eftir að hafa lokið meðferð á bráðamóttökunni. Alltaf þurfa einhverjir að liggja á göngum og það leiðir til þess að sóttvarnir eru ekki eins og best verður á kosið, að sögn Jóns Magnúsar Kristjánssonar yfirlæknis bráðalækninga á Landspítalanum.
Hátt í 30 biðu á bráðamóttöku eftir rúmi á Landspítala
Hátt í 30 sjúklingar biðu á bráðamóttöku Landspítala fyrr í dag eftir innlögn á aðrar deildir spítalans, en um 80 aldraðir einstaklingar bíða á ýmsum deildum spítalans eftir að komast á hjúkrunarheimili. Sumir þurftu að liggja á göngum og Jón Magnús Kristjánsson yfirlæknir bráðamóttökunnar segir að það sé engan vegin boðlegt, sér í lagi ekki á meðan kórónuveirufaraldurinn stendur yfir. 
Akureyri framlengir samning um rekstur öldrunarheimila
Samningur Akureyrarbæjar og Sjúkratrygginga um rekstur öldrunarheimila hefur verið framlengdur um fjóra mánuði. Bærinn sagði samningnum upp fyrr á árinu og ríkið átti að óbreyttu að taka við rekstrinum um ármót.
Ætla að fjölga hjúkrunarrýmum um 90 á næsta ári
Auka á framlög til hjúkrunarrýma um rúmlega 1,7 milljarða króna á fjárlögum næsta árs. Stærstur hluti fjármagnsins mun fara í að fjölga hjúkrunarrýmum um allt að 90 á höfuðborgarsvæðinu á næsta ári og þá verður hluta þess varið til að auka rekstrarframlög til hjúkrunarheimila í samræmi við aukna hjúkrunarþyngd íbúa þeirra.
Einn af hverjum sex yfir 90 ára sem smitast er látinn
Sex af þeim 37 sem eru 90 ára og eldri og hafa greinst með kórónuveirusmit hér á landi hafa látist af völdum COVID-19. Þetta eru 16,2%, eða um einn af hverjum sex. Hlutfallið í aldurshópnum 80-89 ára, þar sem 86 smit hafa verið greind, er 14%. Það samsvarar því að einn af hverjum sjö sem hefur greinst með veiruna á þessu aldursbili hafi látist. Hlutfallið er talsvert lægra í yngri aldurshópum.
Myndskeið
Þriggja milljarða heimili með garði í miðjunni
Framkvæmdir við nýtt hjúkrunarheimili á Selfossi eru vel á veg komnar. Húsið verður hringlaga, með garði í miðjunni. Áætlaður kostnaður er þrír milljarðar króna. Fjögur önnur hjúkrunarheimili á landsbyggðinni eru í bígerð.
Myndskeið
Segja óvissuna það versta við bið eftir hjúkrunarrými
Biðlistar eftir hjúkrunarrýmum lengdust um 150% á árunum 2011 til 2019. Hjón á Húsavík segja ósanngjarnt að þurfa að bíða eftir því að komast í hjúkrunarrými en óvissan sé það versta við biðina. Dóttir þeirra segir að biðin geti tekið á aðstandendur.
Hjúkrunarrými of fá og nánast engin fjölgun frá hruni
Hjúkrunarrými eru of fá miðað við þann fjölda sem þarf á þjónustunni að halda, segir Eybjörg G. Hauksdóttir, framkvæmdastjóri Samtaka fyrirtækja í velferðarþjónustu.
Býðst til að taka hótel og reka sem hjúkrunarheimili
Sóltún Öldrunarþjónusta hefur boðið heilbrigðisráðuneytinu það að taka yfir Oddsson hótel sem stendur við Grensásveg, og reka þar hjúkrunarheimili fyrir aldraða.
Staða prests Hrafnistu aflögð - leitað til sóknarpresta
Enginn prestur er lengur í fastri stöðu hjá Hrafnistuheimilunum. Áhyggjufullur aðstandandi roskinnar konu sem býr á einu heimilanna segir hana hafa fundið fyrir miklum andlegum erfiðleikum vegna heimsfaraldurs kórónuveirunnar.
10.10.2020 - 13:32
Heimahjúkrun ein forsenda þess að fólk búi lengur heima
Heimahjúkrun er ein forsenda þess stefnumiðs íslenskra stjórnvalda að fólki verði gert mögulegt að búa sem lengst á eigin heimili þótt aldurinn færist yfir.