Ágætur kraftur er kominn í loðnuveiðina og skipin koma hvert af öðru í land með afla. Margir hafa beðið lengi eftir loðnu, það er á meðal Seyðfirðingar sem fengu í morgun fyrstu loðnuna í fjögur ár. Allt hráefnið fer í bræðslu og verður ekkert fryst fyrr en eftir áramót enda eru helstu markaðir í Rússlandi lokaðir íslenskum framleiðendum.

Svandís Svavarsdóttir, sjávarútvegs- og landbúnaðarráðherra, undirritaði í dag reglugerð sem heimilar loðnuveiðar með flotvörpu úti fyrir Norðurlandi. Talsvert af loðnu hefur fundist þar en hún er of djúpt til að hægt sé að veiða hana í nót.

Ekki er víst að mikil loðnuveiði framundan skili þeim tekjum sem vænst hefur verið. Óttast er að kostnaður við gámaflutninga sé orðinn svo mikill að neytendur í Asíu vilji ekki greiða loðnuhrognin svo dýru verði. Framkvæmdastjóri flutningsfyrirtækis segir að vonandi fáist svo gott verð fyrir loðnuna á Asíumarkaði að það vegi upp hækkunina. 

Kristján Þór Júlíusson, sjávarútvegs- og landbúnaðarráðherra, hefur undirritað reglugerð sem heimilar íslenskum skipum veiðar á tæplega 663 þúsund tonnum af loðnu.

Mikil gleði ríkir í útgerðarbæjum vegna ráðlegginga Hafrannsóknastofnunar um veiðar á allt að 904.200 tonnum af loðnu á komandi vertíð. Hagfræðingur spáir auknum hagvexti í kjölfarið.

Forysta Sjómannasambands Íslands telur brýnt að kanna hvernig standi á því ríflega tvöfalt hærra verð hafi verið greitt fyrir loðnu sem landað var úr norskum skipum hér á landi en fyrir loðnu úr íslenskum skipum, sem þó var í hærri gæðaflokki. Þetta segir Valmundur Valmundsson, formaður Sjómannasambandsins, í samtali við Fréttablaðið í dag. Hann segir sjómenn vilja að þetta verði skoðað svo skera megi úr um það, hvort áhafnir íslensku skipanna hafi verið hlunnfarnar.

Grænlenska loðnuskipið Polar Amaroq sigldi yfir mjög stóra loðnutorfu vestur af landinu í gær. Skipstjórinn telur að þar séu nokkur hundruð þúsund tonn á ferðinni. Þá hefur rannsóknaskip Hafrannsóknastofnunar verið sent til loðnumælinga fyrir norðan land.

Reiknað er með að flest íslensku loðnuskipin haldi til veiða á mánudag, í fyrsta skipti í rúm tvö ár. Útgerðarstjóri Skinneyjar Þinganess á Hornafirði segir að loðnuveiðar séu skemmilegasti tíminn í útgerð og nú verði að ná sem mestu út úr þeirri stuttu vertíð sem framundan sé.

Grænlenska uppsjávarskipið Polar Amaroq landaði tæplega 700 tonnum af frystri loðnu á Eskifirði á laugardag. Þetta er fyrsta loðnan sem landað er hér í tæp þrjú ár.