Færslur: Ljóðstafur Jóns úr vör

Þórdís hlaut Ljóðstaf Jóns úr Vör fyrir FASASKIPTI
Þórdís Helgadóttir, heimspekingur og rithöfundur, hlaut í gær Ljóðstaf Jóns úr Vör 2021 fyrir ljóð sitt FASASKIPTI. Í umsögn dómnefndar um ljóðið segir meðal annars að Fasaskipti sé „margrætt ljóð um umhverfingar og skil milli heima, yfirborð og himnur, mörk dags og nætur, þunnt skænið sem aðskilur veruleika okkar frá djúpinu. [...] Ljóðið hreyfist og breytist,“ segir dómnefnd, „og virðist nánast iða af göldrum góðrar ljóðlistar.“
Ljóðið er pottur sem fellur fram af svölum
„Það er leyndarmál,“ segir Brynjólfur Þorsteinsson, nýr handhafi Ljóðstafs Jóns úr Vör, spurður um það hver hann sé, en bætir jafnframt við: „Ég er bara einhver náungi út í bæ sem var að klára ritlist og hef verið að skrifa dálítið lengi þó það sé flest ofan í skúffunni góðu.“ Brynjólfur las verðlaunaljóðið sitt, Gormánuð, í Víðsjá og sagði frá sjálfum sér.
Brynjólfur Þorsteinsson hlýtur Ljóðstafinn
Brynjólfur Þorsteinsson hlaut í gær Ljóðstaf Jóns úr Vör fyrir ljóð sitt Gormánuður. Athöfnin fór fram í Salnum í Kópavogi en þetta er í 17. sinn sem Ljóðstafurinn er afhentur. Alls bárust 302 ljóð í keppnina.
Ljóðstafur Jóns úr Vör: Silkileið nr. 17
Ásta Fanney Sigurðardóttir hlaut Ljóðstaf Jóns úr Vör, sem var afhentur um helgina á aldarafmæli skáldsins. Ásta Fanney las upp verðlaunaljóð sitt, Silkileið nr. 17, í Menningunni í Kastljósi.