Færslur: Lífeyrissjóðir

Skoða þyrfti sjálfstæði stjórnarmanna lífeyrissjóðanna
Gera þyrfti úttekt á sjálfstæði stjórnarmanna í lífeyrissjóðunum. Þetta er mat Þóreyjar S. Þórðardóttur, framkvæmdastjóra Landssambands lífeyrissjóða. Almenningur þarf að geta treyst því að stjórnir lífeyrissjóðanna gæti eingöngu hagsmuna sjóðsfélaga.
Myndskeið
Deilur innan LIVE vegna hlutafjárútboðs Icelandair
Ágreiningur er innan stjórnar lífeyrissjóðs verzlunarmanna út af þeirri ákvörðun að taka ekki þátt í hlutafjárútboði Icelandair. Formaður VR lýsti í dag yfir vantrausti á varaformann stjórnar sjóðsins. Fjármálaeftirlit Seðlabankans ætlar að skoða aðkomu lífeyrissjóðanna að útboðinu.
LIVE og Birta tóku ekki þátt í útboðinu
Lífeyrissjóður verzlunarmanna tók ekki þátt í hlutafjárútboði Icelandair, málið var til umfjöllunar á stjórnarfundi lífeyrissjóðsins á  miðvikudaginn og var niðurstaðan að taka ekki þátt. Lífeyrissjóður verslunarmanna átti tæplega tólf prósenta hlut í félaginu, og var stærsti hluthafinn fyrir útboðið.
18.09.2020 - 13:39
Auðmjúk og stolt með eftirspurnina, segir Bogi Nils
Hluthöfum í Icelandair Group fjölgar um sjö þúsund eftir hlutafjárútboðið sem lauk í gær. Listi yfir 20 stærstu hluthafa verður birtur þegar hlutabréfin verða skráð. Stærsti hluthafinn, Lífeyrissjóður verslunarmanna, tók ekki þátt. Sjö milljarða skráningu Michelle Ballarin var hafnað því ekki voru tryggingar fyrir greiðslu. 
Hlutafjárútboði lokið - Ballarin sögð stefna á 25% hlut
Hlutafjárútboði Icelandair lauk klukkan fjögur í dag. Stefnt var að því að safna allt að 23 milljörðum í útboðinu. Icelandair hefur þegar samið við Íslandsbanka og Landsbanka um kaup á hlutabréfum fyrir sex milljarða sem eru háð þeim skilyrðum að félagið nái að safna 14 milljörðum í útboðinu.
17.09.2020 - 16:30
Mikilvægt að lífeyrissjóðirnir taki þátt í útboðinu
Forstjóri Icelandair vonast til þess að viðsnúningur verði í rekstri félagsins um mitt næsta ár. Hlutafjárútboð hófst í morgun en óvissa ríkir um þátttöku stærstu lífeyrissjóða landsins.
16.09.2020 - 19:25
Framlengja ekki gjaldeyrissamkomulag við Seðlabankann
Lífeyrissjóðirnir ætla ekki að framlengja samkomulag sitt við Seðlabanka Íslands um að standa ekki í erlendum fjárfestingum. Samkomulag um hlé á gjaldeyriskaupum lífeyrissjóða var gert í mars vegna kórónuveirufaraldursins og það framlengt í júlí.
09.09.2020 - 08:14
Viðtal
Hlutafjáreign áhættusamari en ríkisábyrgð lánalínu
Birgir Ármannson, þingflokksformaður Sjálfstæðisflokksins, segir að það væri mun meiri áhætta fyrir ríkið að eignast hlutafé í Icelandair en að veita ríkisábyrgð á lánalínu. Þórhildur Sunna Ævarsdóttir, varaformaður Pírata, telur að gengið sé út frá því að lífeyrissjóðir taki áhættu og fjárfesti ríkulega í félaginu. Rætt var við þau í Kastljósi í kvöld.
08.09.2020 - 20:59
Segir djarft skref að fjárfesta í flugfélagi
Gylfi Magnússon prófessor og forseti viðskiptafræðideildar Háskóla Íslands, segir að gríðarleg áhætta sé fólgin í fjárfestingu i flugfélagi um þessar mundir og að það yrði erfitt skref fyrir lífeyrissjóðina að leggja fram verulegt fjármagn. Slík fjárfesting krefjist aðila sem hafi meira tapsþol og betri tengingu við fluggeirann. Slíkur aðili sé ekki til á Íslandi og jafnvel ekki erlendis þessa stundina.
07.09.2020 - 20:32
Segir ríkisstjórnina ekki ganga hreint til verks
Alþingi samþykkti í gærkvöld þrjú frumvörp sem öll sneru að því að veita Icelandair ríkisábyrgð. Formaður Viðreisnar segir ábyrgðina geta falið í sér áhættu fyrir lífeyrissjóði. Ríkisstjórnin hafi ekki gengið hreint til verka við veitingu ríkisábyrgðarinnar.
05.09.2020 - 12:39
Seðlabankastjóri vill tryggja sjálfstæði stjórnarmanna
Seðlabankinn mun beita sér fyrir því að sjálfstæði stjórnarmanna lífeyrissjóða verði tryggt til frambúðar og eyða öllum grunsemdum um skuggastjórnun.
Viðtal
Segir mikilvægt að Icelandair fái fé frá ríkinu
Staðan í ferðaþjónustunni er mjög óraunveruleg og óvissan meiri en nokkru sinni áður, segir Jón Karl Ólafsson, fyrrverandi forstjóri Icelandair og núverandi stjórnarformaður Heimsferða. Hann segir mikilvægt að ríkið og lífeyrissjóðir komi Icelandair til bjargar.
GAMMA kannar rétt á bótum vegna milljarða taps
Núverandi forsvarsmenn fjárfestingasjóðsins GAMMA ætla að kanna hvort hægt sé að sækja bætur til þeirra sem kunna að eiga sök á rekstrarvandræðum fasteignafélagsins Upphafs á árunum 2015-2019. Sjóðurinn gufaði nánast upp, fór úr því að vera metinn á um fimm milljarða niður í um 40 milljónir.
24.03.2020 - 21:20
Spegillinn
Harðar skerðingar draga úr tiltrú fólks
Framkvæmdastjóri Samtaka lífeyrissjóða segir að miklar skerðingar almannatrygginga dragi úr tiltrú fólks á lífeyrissjóðakerfinu. Samtökin eru ekki aðili að málsókn Gráa hersins gegn ríkinu en styðja málstaðinn.
14.01.2020 - 16:51
Yfir 5.000 milljarðar í lífeyrissjóðum landsmanna
Íslendingar áttu ríflega 5.000 milljarða króna í lífeyrissjóðum sínum í lok þriðja ársfjórðungs og hafa aldrei átt meira í slíkum sjóðum. Þetta kemur fram í yfirliti Fjármálaeftirlitsins um heildareignir samtryggingar- og séreignarsparnaðar íslenskra lífeyrissjóða.
03.12.2019 - 06:12
Geta ekki hlutast til um stjórn Eimskips
Lífeyrissjóðirnir geta ekki sammælst um breytingar í stjórnum fyrirtækja, líkt og formaður VR vill að gert verði í stjórn Eimskips, segja viðmælendur fréttastofu hjá lífeyrissjóðum.
22.11.2019 - 13:13
Galið að Samherji ráði en sjóðir eigi 53% segir Ragnar
Formaður VR gagnrýnir að Samherji stjórni Eimskipi þótt lífeyrissjóðirnir eigi meira en helmingshlut í fyrirtækinu. Þetta sé galin staða, sérstaklega í ljósi þess sem komið hafi fram um meinta vafasama viðskiptahætti Samherja. 
21.11.2019 - 19:56
Sveiflur í ávöxtun lífeyrissjóða eðlilegar
Sveiflur í ávöxtun lífeyrissjóða eru eðlilegar að mati framkvæmdastjóra Landssamtaka lífeyrissjóða. Öllum fjárfestingum fylgi áhætta. Verið sé að auka gagnsæi á fjárfestingum sjóðanna.
30.10.2019 - 22:14
Lífeyrissjóðir í of miklum áhættufjárfestingum
Ávöxtun lífeyrissjóða hefur minnkað mikið síðustu ár og er langt undir því sem var fyrir hrun. Ein skýringin er sú að íslenskt lífeyrisfé er enn mikið notað í áhættufjárfestingar, að sögn verkfræðings sem hefur borið saman ávöxtun lífeyrissjóða.
29.10.2019 - 19:17
Einn á Suðurnesjum fékk sama tilboð og hjá RLS
Aðstoðaryfirlögregluþjónn hjá embætti lögreglunnar á Suðurnesjum fékk sambærilegt launasamkomulag og yfir- og aðstoðaryfirlögregluþjónum stóð til boða.
Viðtal
Tekjutengingar grafa undan tiltrú á kerfinu
Ríkið virðist líta á lífeyrissjóðina sem fyrstu stoð almannatryggingakerfisins og það er miður, að sögn Þóreyjar S. Þórðardóttur, framkvæmdastjóri Landssamtaka lífeyrissjóða. Hún segir nauðsynlegt að hafa tekjutengingu að vissu marki en að nú sé staðan sú að fólk sjái lítinn akk í því að hafa lagt fyrir því tekjutengingar almannatrygginga séu svo harðar. Kerfið hafi verið öðruvísi þegar lífeyrissjóðakerfið var stofnað fyrir fimmtíu árum og því eigi ekki allir fullmótuð réttindi.
21.10.2019 - 09:01
Ekki gæfulegt að taka enga áhættu
Eignir lífeyrissjóðanna jukust um 550 milljarða á fyrstu átta mánuuðum ársins og hafa fjárfestingar þeirra líklega aldrei skilað meiri ávöxtun en í ár. „Þar af er ávöxtun á að giska 480 milljarðar, hitt eru iðgjöld umfrma lífeyrisgreiðslur,“ segir Gylfi Magnússon, dósent í hagfræði. Hann segir fjaðrafok vegna taps lífeyrissjóðanna á sumum fjárfestingum alveg slitið úr samhengi við þá staðreynd að þegar tekin er hátta verður stundum tap og stundum ávinningur.
08.10.2019 - 12:27
Lífeyrissjóðir skoði stofnun íbúðalánabanka
Formaður VR vill að lífeyrissjóðirnir skoði að koma á fót sérstökum íbúðalánabanka. Með því móti væri betur hægt að tryggja að lækkun stýrivaxta skili sér í lækkun vaxta á húsnæðislánum.
Óháð úttekt á sjóðum Gamma
Óháður aðili verður fenginn til að skoða málefni tveggja sjóða Gamma, Novus og Anglia. Lagt hefur verið fram frumvarp á þingi sem herðir eftirlit með sjóðum sem þessum.
04.10.2019 - 19:45
Myndskeið
Segir FME hljóta að rannsaka GAMMA Novus
Sérfræðingur í fjármálamörkuðum segir að Fjármálaeftirlitið hljóti að taka málefni fjárfestingasjóðsins Gamma Novus til skoðunar, ef það er ekki þegar byrjað á því. Forsvarsmenn Gamma vinna að áætlun sem ætlað er að hámarka endurheimtur úr sjóðnum.
03.10.2019 - 19:22