Færslur: LGBT

Mark Rutte vill reka Ungverja úr ESB
Mark Rutte, forsætisráðherra Hollands, telur að Ungverjar eigi ekki heima í Evrópusambandinu vegna nýrra laga sem banna fræðslu um hinsegin fólk í skólum landsins. Hann lýsti þessu yfir við fréttamenn þegar hann kom til leiðtogafundar ESB-ríkjanna í Brussel í dag. Rutte bætti því við að hann einn gæti ekki ákveðið að vísa Ungverjum úr Evrópusambandinu. Hinir leiðtogarnir tuttugu og sex yrðu að vera sama sinnis. Málið yrði að leysa skref fyrir skref.
24.06.2021 - 14:23
Einn dáinn eftir að bíl var ekið á gleðigöngu í Flórída
Að minnsta kosti einn er látinn og annar illa slasaður eftir að litlum vörubíl var ekið á hóp fólks við upphaf gleðigöngu í Florida á laugardagskvöldið. Ökumaðuirnn er í haldi lögreglu.
20.06.2021 - 06:41
Stjórnarandstaðan í regnbogalitum við embættistöku Duda
Hópur pólskra þingmanna í stjórnarandstöðu klæddist regnbogalitum til stuðnings hinsegin fólks við innsetningarathöfn Andrzej Duda forseta landsins í morgun. Þingmenn stjórnarflokksins Laga og réttlætis fögnuðu forsetanum ákaft.
06.08.2020 - 12:07
Ólöglegt að reka fólk vegna kynhneigðar
Hæstiréttur Bandaríkjanna úrskurðaði í dag að það stríddi gegn alríkislögum um mannréttindi að reka fólk úr starfi vegna kynhneigðar. Að sögn bandarískra fjölmiðla markar niðurstaðan tímamót og veitir milljónum samkynhneigðra, tvíkynhneigðra og transfólks vernd.
15.06.2020 - 16:27
Hjónabönd samkynhneigðra aftur lögleg
Hæstiréttur Bermúda felldi í gær löggjöf sem bannaði hjónabönd samkynhneigðra. Var úrskurður réttarins á þeim grundvelli að slíkt bann væri í andstöðu við stjórnarskrárbundin réttindi samkynhneigðra til jafnræðis.
07.06.2018 - 00:20
Jóhanna opnar gleðigönguna í Færeyjum
Jóhanna Sigurðardóttir, fyrrum forsætisráðherra og fyrsti opinberlega samkynhneigði þjóðarleiðtogi heims, hefur fengið boð um að opna gleðigöngu hinsegin fólks í Færeyjum þann 27. júlí næstkomandi. Fréttablaðið greinir frá þessu. Er henni boðið til þess að varpa ljósi á þær framfarir sem hafa átt sér stað í réttindabaráttu hinsegin fólks í Færeyjum á síðustu árum.  
20.07.2017 - 06:22
Rödd olnbogabarnsins, þjófsins og hórunnar
Bandaríski listamaðurinn David Wojnarowicz er einn þeirra fjölmörgu sem létust af völdum HIV áður en árangursrík lyf urðu aðgengileg almenningi. Hann er þekktastur fyrir mynd á umslagi smáskífu írsku hljómsveitarinnar U2 við smellinn One, svarthvíta ljósmynd af þremur nautgripum að falla fram af klettabrún, en á seinni árum hafa skrif hans sem vakið mikla athygli.
03.05.2017 - 17:03