Færslur: Leikskólar

Skólahald með takmörkunum hefst strax eftir páska
Skólahald á öllum skólastigum hefst að nýju strax eftir páska, með ákveðnum takmörkunum í samræmi við tillögur sóttvarnalæknis. Þetta kemur fram í tilkynningu frá heilbrigðisráðuneytinu.
Viðtal
Þreytt og hrædd við veiruna
Starfsfólk í leikskólum er hikandi við að vera stillt upp í framlínunni í COVID-faraldri og þarf meiri og betri upplýsingar um hættuna sem það stendur frammi fyrir, sagði Sigurður Sigurjónsson, formaður Félags stjórnenda leikskóla í Silfrinu. Hann sagðist trúa orðum sóttvarnalæknis þegar hann segi að hættan á smiti sé minni í leikskólum en á öðrum skólastigum. Það verði þó að gera meira til að sannfæra starfsfólk um að það sé rétt mat.
28.03.2021 - 16:05
Viðtal
Vinnuveitendur hvattir til að sýna starfsfólki skilning
UNICEF á Íslandi hvetur vinnuveitendur til að sýna foreldrum skilning í ljósi hertra sóttvarnaraðgerða. Jafnframt að senda skýr skilaboð til starfsmanna um að hægt sé að forgangsraða verkefnum. Hætt sé við að fólk sem vinnur heima hjá sér sinni börnum sínum yfir daginn og öll vinna sitji eftir.
Sumaropnun leikskóla fyrir börn, foreldra og starfsfólk
Meginmarkmið með heilsársopnun leikskóla í Hafnarfirði er að koma til móts við óskir og þarfir foreldra og barna um að geta verið saman í sumarfríi. Þetta segir í bókun meirihluta fræðsluráðs Hafnarfjarðar frá því í gær.
25.03.2021 - 17:07
Harma að starfsemi leikskóla hafi ekki verið takmörkuð
Stjórn Félags stjórnenda leikskóla harmar þá ákvörðun að leikskólum hafi ekki verið lokað, allavega að mestu, líkt og öðrum skólum fram að páskum. Haraldur Freyr Gíslason, formaður Félags leikskólakennara, spyr hvort verið sé að taka óþarfa áhættu með því að hafa leikskólana opna.
Starfsdagur í leikskólum til hádegis á morgun
Leikskólar á höfuðborgarsvæðinu verða opnaðir klukkan 12 á morgun vegna þeirra hertu sóttvarnarráðstafna sem taka gildi á miðnætti.
„Við vorum fyrst frosin svo fóru allir undir borð“
Elstu börnin í leikskólanum Fífuborg í Reykjavík vissu upp á hár hvernig þau ættu að bregðast við þegar jörð tók að skjálfa í morgun. Þau höfðu nýlokið árlegri jarðskjálftaæfingu. Þau voru ekki vitund hrædd. Sumir héldu fyrst að þetta væri vörubíll eða þvottavél.
24.02.2021 - 18:14
Nú eru töluð 109 tungumál í leik- og grunnskólum
Börn í íslenskum leikskólum, grunnskólum og frístundastarfi tala 109 tungumál. Þetta er niðurstaða tungumálaleitar í tilefni Alþjóðadags móðurmálsins 21. febrúar 2021. Þegar tungumálafjöldinn var fyrst skráður árið 2014 nam fjöldinn 91 máli.
Viðtal
Bil milli kynja í skólakerfinu eykst
Þegar sonur Tryggva Hjaltasonar var að hefja grunnskólagöngu sína, ræddi Tryggvi við kennara og komst að því að þeir voru margir sammála um staða drengja innan skólanna væri ekki nógu góð. Tryggvi starfar hjá CCP, er formaður Hugverkaráðs Samtaka iðnaðarins og tekur þátt í átaki í Eyjum vegna menntunar drengja. Rætt var við hann í Silfrinu í dag en hann hefur bakgrunn við greiningar gagna og hefur rýnt í gögn um stöðu kynja í skólakerfinu.
07.02.2021 - 14:04
Ísafjörður semur við Kómedíuleikhúsið til tveggja ára
Ísafjarðarbær og Kómedíuleikhúsið í Haukadal í Dýrafirði hafa gert með sér tveggja ára samning um uppsetningu og sýningu leikverka samkvæmt fyrirfram ákveðinni dagskrá. Elfar Logi Hannesson leikari stofnaði Kómedíuleikhúsið árið 1997 sem hann segir fyrsta og eina atvinnuleikhús Vestfjarða.
Leikskólagjöld lægst í Reykjavík og hæst í Garðabæ
Foreldrar í Reykjavík greiða lægri gjöld fyrir átta tíma leikskóladag en foreldrar annars staðar á landinu og foreldrar í Garðabæ greiða hæstu leikskólagjöldin. Þetta kemur fram í nýrri úttekt verðlagseftirlits ASÍ.
14.01.2021 - 16:52
Hátt í 200 leikskólabörn og 40 starfsmenn í sóttkví
Hátt á annað hundrað börn og um 40 starfmenn á tveimur leikskólum í Njarðvík, Reykjanesbæ eru nú í sóttkví eftir að kórónuveirusmit kom upp hjá barni í öðrum leikskólanum og hjá barni og starfsmanni í hinum.
Leikskólagjöld í Reykjavík hækka um áramót
Þann 1. janúar hækka leikskólagjöld í Reykjavík um 2,4 prósent. Giftir foreldrar, foreldrar í sambúð eða þar sem annað foreldri er í námi borga á mánuði rúmar tíu þúsund krónur fyrir fjögurra tíma leikskóladvöl og rúmar 27 þúsund krónur fyrir 8 tíma dvöl barns á leikskóla.
18.12.2020 - 07:00
Grænt plan samþykkt í borgarstjórn
Frumvarp að fjárhagsáætlun Reykjavíkurborgar fyrir árið 2021 og fimm ára áætlun sem gildir til 2025 var samþykkt í borgarstjórn í kvöld. Í tilkynningu frá Reykjavíkurborg segir að rekstur A-hluta borgarsjóðs verði neikvæður um 11,3 milljarða vegna áhrifa kórónuveirufaraldursins.
Leikskólabörnum haldið inni vegna svifryks
Styrkur svifryks við Grensásveg mældist 148 míkrógrömm á rúmmetra á hádegi í dag. Börnum á leikskólanum Álftaborg við Safamýri var haldið inni í dag vegna mengunar, í fyrsta skipti í vetur.
18.11.2020 - 15:02
Átta tímar á leikskóla kosta 2,8 milljónir á barn á ári
Átta klukkustunda vistun fyrir eitt leikskólabarn kostaði að meðaltali 2,75 milljónir á síðasta ári. Kostnaðurinn er mismunandi á milli leikskóla. Lægstur var hann um 1,4 milljónir og þar sem hann var hæstur var hann tæpar 12,6 milljónir. Á þeim leikskóla var einungis eitt barn.
Starfsdagur í leik- og grunnskólum á mánudag
Sveitarfélögin og almannavarnir á höfuðborgarsvæðinu hafa ákveðið að hafa skipulagsdag í leik- og grunnskólum, tónlistarskólum og frístundastarfi á mánudag vegna hertra sóttvarnareglna stjórnvalda.
Smit í leikskóla á Akureyri
Barn á ungbarnaleikskólanum Árholti á Akureyri er smitað af COVID-19. Börn og starfsmenn leikskólans eru nú í sóttkví.
14.10.2020 - 10:32
900 börn í borginni í sóttkví og smit í 35 skólum
Hátt í 900 börn í leik- og grunnskólum Reykjavíkur eru nú í sóttkví. Sjö leikskólabörn hafa greinst með kórónuveiruna og 34 grunnskólabörn. Smit hafa komið upp í 25 af 44 grunnskólum borgarinnar og í tíu af 88 leikskólum.
13.10.2020 - 14:04
Spyrja sig hvort sóttvarnir í skólum séu nægar
Það þarf að skoða í hverjum skóla fyrir sig hvað hægt er að gera til að takmarka röskun á skólastarfi vegna farsóttarinnar, að mati formanns félags grunnskólakennara. Grunnskólakennarar séu hræddir eins og aðrir landsmenn.
Starfsfólk hvatt til að fara ekki til höfuðborgarinnar
Starfsfólk í leik- og grunnskólum Akureyrar er hvatt til að fara ekki þangað sem nýgengi smita er hátt nema í brýnustu nauðsyn. Sviðsstjóri fræðslusviðs segir þau aðeins vilja hvetja fólk til þess að fara varlega. Ákveðið hefur verið að hætta útleigu á grunnskólum bæjarins tímabundið til 23. október.
02.10.2020 - 16:38
Aldrei fleiri karlmenn starfandi í leikskólum landsins
Aldrei hafa fleiri karlmenn starfað við leikskóla á Íslandi en nú. Leikskólastjóri og deildarstjóri á leikskólum á höfuðborgarsvæðinu sem fréttastofa ræddi við fagna fjölgun karla og segja þá færa nýjan og ferskan anda inn í starfið.
30.09.2020 - 13:00
Kemur á óvart í hvaða hverfum börnum fjölgar í borginni
Dagur B. Eggertsson, borgarstjóri, segir að mönnun leikskóla í borginni hafi ekki gengið eins vel og við var búist miðað við núverandi atvinnuástand. Þá gangi illa veita öllum 18 mánaða börnum leikskólapláss þrátt fyrir átak í fjölgun ungbarnadeilda.
18.09.2020 - 13:11
Leikskóla á Svalbarðseyri lokað vegna sýnatöku
Ákveðið var að loka leikskólanum Álfaborg á Svalbarðseyri á meðan beðið er niðurstöðu úr sýnatöku vegna COVID-19. Þetta hefur ekki áhrif á aðra skólastarfsemi í sveitarfélaginu.
26.08.2020 - 09:44
Fleiri smit greinast á Huldubergi
Nokkrir starfsmenn leikskólans Huldubergs í Mosfellsbæ hafa greinst smitaðir af COVID-19. Greint var frá því á sunnudag að öll börn og allir starfsmenn leikskólans yrðu að fara í 14 daga sóttkví eftir að kórónuveirusmit greindist hjá starfsmanni á leikskólanum. Starfsmaðurinn hafði nýlega verið á Hótel Rangá.
25.08.2020 - 19:15