Færslur: Laun

Laun hækkuðu um 3,7 prósent í janúar
Launavísitalan hækkaði um 3,7 prósent milli mánaða í janúar, samkvæmt Hagstofu Íslands. Hækkunina má að langmestu leyti rekja til launahækkana samkvæmt kjarasamningum sem náðu til meirihluta launafólks á íslenskum vinnumarkaði. Algengasta hækkunin var 15.750 króna almenn kauphækkun mánaðarlauna fyrir fullt starf, og kauptaxtahækkun um 24 þúsund krónur.
23.02.2021 - 09:26
Kaupmáttur á góðu róli – ný staða í íslenskri hagsögu
Vísitala neysluverðs hækkaði um 3,5 prósent milli septembermánaðar á þessu ári og 2019. Launavísitalan hækkaði um 6,7 prósent á sama tímabili. Kaupmáttur jókst því um 3,2 prósent á sama tíma og atvinnustigið hríðféll. Í nýrri Hagsjá hagfræðideildar Landsbankans segir að staðan á vinnumarkaði sé algerlega ný í íslenskri hagsögu og að sérstaða Íslands hvað varðar atvinnustig sé á undanhaldi.
27.10.2020 - 10:20