Færslur: Landsnet

Telja Suðurnesjalínu 2 margbrjóta lög og kæra
Fimm umhverfisverndarsamtök hafa kært framkvæmdaleyfi Landsnets fyrir því að leggja Suðurnesjalínu tvö sem loftlínu. Samtökin telja framkvæmdina lögbrot og ótækt að Landsnet fari ekki eftir mati Skipulagsstofnunar en fyrirtækið valdi þann kost sem stofnunin taldi sístan, að leggja loftlínu samsíða þeirri sem fyrir er. Forsvarsmaður Landsnets segir kæruna vonbrigði sem hugsanlega tefji verkið. Framkvæmdastjóri Landverndar segir tafirnar skrifast á þrjósku Landsnets.
Vopnfirðingar ekki lengur á varaafli
Vopnafirðingar þurfa ekki lengur að nota varaafl því viðgerð lauk á Vopnafjarðarlínu í gær. Línan hafði þá verði úti frá því á aðfaranótt sunnudags. Þegar viðgerðarmenn frá Landsneti freistuðu þess að gera við línuna á sunnudag sluppu þeir naumlega frá snjóflóði. Ekki reyndist unnt að komast á Hellisheiði eystri að biluninni fyrr en í gær þegar unnt var að fljúga með viðgerðarmenn í þyrlu Landhelgisgæslunnar.
18.02.2021 - 07:40
Þrjú sveitarfélög hafa samþykkt Suðurnesjalínu tvö
Bæjarstjórn Reykjanesbæjar samþykkti framkvæmdaleyfi fyrir Suðurnesjalínu 2, milli Hafnarfjarðar og Rauðamels í landi Grindavíkur, í gær. Nú er beðið eftir því að Vogar ljúki umfjöllun sinni en þegar hefur borist samþykki frá bæjarstjórnum Hafnarfjarðar og Grindavíkur.
Flogið með Vopnafjarðarlínuviðgerðamenn í þyrlu
Flogið verður með viðgerðarmenn í þyrlu á Hellisheiði eystri í dag svo unnt verði að gera við bilun í Vopnafjarðarlínu. Samkvæmt upplýsingum frá Landsneti ætti rafmagn að vera komið á að nýju um sexleytið í kvöld. Vopnafjörður hefur verið knúinn með varaafli frá því aðfaranótt sunnudags þegar bilun kom upp í tengilínu.
17.02.2021 - 11:58
Komust ekki til viðgerða á Vopnafjarðarlínu
Ekki reyndist unnt að koma viðgerðarliði á Hellisheiði eystri þar sem skemmdir urðu á Vopnafjarðarlínu á sunnudag. Línumenn Landsnets sluppu naumlega undan snjóflóði á sunnudag þegar þeir voru að gera við slitna festingu. Steinunn Þorsteinsdóttir, upplýsingafulltrúi Landsnets, segir að vegna veðurs hafi ekki verið unnt að fljúga með viðgerðarmenn í þyrlu í gær.
17.02.2021 - 08:14
Aurskriða og snjóflóð á rafmagnslínur Landsnets
Snjóflóð féll á Vopnafjarðarlínu og aurskriða á Hólalínu milli Hóla og Teigahorns og eru báðar línurnar úti. Steinunn Þorsteinsdóttir, upplýsingafulltrúi Landsnets, segir ólíklegt að það þurfi að grípa til skerðinga á rafmagni þar sem línurnar eru á varaafli. 
15.02.2021 - 12:33
Þjóðvegur 1 lokaður vegna háspennulínu sem þverar veg
Hringvegur eitt milli Miðfjarðar og Víðidals er lokaður austan við Línakradal vegna háspennulínu sem þverar veginn. Þetta kemur fram á vef Vegagerðarinnar. Hjáleið er um Síðuveg og Vatnsnesveg sem ekki er ætluð farartækjum með meiri ásþunga en 3,5 tonn. .
15.02.2021 - 07:03
Myndskeið
Rafhlöður sem „breyta heiminum til hins betra“
Íslenska fyrirtækið Alor stefnir að því að breyta heiminum til hins betra. Þetta segir Ragnheiður Elín Árnadóttir, nýr framkvæmdastjóri fyrirtækisins. Til stendur að framleiða umhverfisvænar rafhlöður, sem gætu til dæmis nýst til þess að bjarga heilu byggðarlögunum í rafmagnsleysi.
Myndskeið
Bilunin olli truflunum hjá meira en 15 þúsund notendum
Slitskemmdir í tengivirki ollu rafmagnstruflunum hjá meira en fimmtán þúsund manns á Vesturlandi og í Húnaþingi í gærkvöld. Um fjóra tíma tók að laga bilunina.
04.01.2021 - 23:38
Viðtal í heild
Fylgst reglulega með slitskemmdum í tengivirkjum
Rafmagnslaust varð á Vesturlandi og í Húnaþingi í gærkvöld. Straumlaust var lengst í um fjóra tíma en bilunin varð vegna slitskemmda í tengivirki. Upplýsingafulltrúi Landsnets segir að fylgst sé reglulega með búnaðinum og að nú verði tilvikið skoðað.
04.01.2021 - 13:01
Bilunin var á skálakeðju í tengivirki á Vatnshömrum
Bilun á skálakeðju í Hrútatungulínu 1 við tengivirkið á Vatnshömrum á Vesturlandi orsakaði rafmagnsleysi um nánast allt Vesturland og norður í Húnaþing vestra í gærkvöldi og fram eftir nóttu. Viðgerð lauk á öðrum tímanum í nótt.
04.01.2021 - 07:57
Viðgerð lokið og rafmagn komið á
Viðgerð er lokið vegna bilunar sem olli rafmagnsleysi um nánast allt Vesturland og norður í Húnaþing vestra. Rafmagn er alls staðar komið á að nýju.
03.01.2021 - 23:52
Rafmagnslaust á vestanverðu landinu
Rafmagnslaust er á öllu vestanverðu landinu. Rafmagn er komið á að nýju í Húnaþingi vestra samkvæmt upplýsingum frá Rarik. Háspenna er á landskerfinu, en um leið og dregur úr álagi ætti rafmagn að komast á að nýju.
03.01.2021 - 21:58
Jarðhræringar auka mikilvægi Suðurnesjalínu 2
Landsnet telur að jarðhræringar á Reykjanesi undanfarið undirstriki mikilvægi þess að framkvæmdir við Suðurnesjalínu 2 hefjist sem fyrst. Það hefur sótt um framkvæmdaleyfi til hlutaðeigandi sveitarfélaga á svæðinu, en fyrirhugað er að línan verði milli Hamraness í Hafnarfirði og Rauðamels í Grindavík.
17.12.2020 - 07:22
Gjaldskrá Landsnets hækkar um tæp tíu af hundraði
Gjaldskrá Landsnets til dreifiveitna hækkar um 9,9% frá og með 1. janúar 2021. Frá þessu er greint í tilkynningu frá Landsneti þar sem sagt er að kostnaður heimila og smærri fyrirtækja muni hækka um eitt til 1,5% því kostnaður við flutning til þeirra nemi tíu til 15% af rafmagnsreikningnum.
25.11.2020 - 22:17
Landsnet hækkar gjaldskrá, Landsvirkjun semur um lækkun
Landsnet hefur tilkynnt stórnotendum í hópi viðskiptavina sinna að þeir eigi von á 5,5 prósenta hækkun gjaldskrár frá og með 1. janúar á næsta ári. Á sama tíma berast fregnir af því að Rio Tinto sé að ná fram verulegri lækkun á rafmagnsverði í samningum sínum við Landsvirkjun.
25.11.2020 - 05:23
Kröflulína 3 ekki tilbúin fyrr en í vor
Talsverðar tafir hafa orðið á framkvæmdum við Kröflulínu þrjú, nýja háspennulínu frá Kröflu austur í Fljótsdal, í kórónuveirufaraldrinum. Línan sem átti að vera tilbúin fyrir jól verður ekki tekin í notkun fyrr en í vor.
10.11.2020 - 12:04
Austurland aftengt byggðalínu – hætta á truflunum
Aukin hætta er á rafmagnstruflunum og jafnvel rafmagnsleysi á stórum hluta Austurlands og verður fram á fimmtudagskvöld. Landsnet er miklum framkvæmdum í tengivirki við Egilsstaði. Gul veðurviðvörun tekur gildi á Austfjörðum á morgun.
02.11.2020 - 11:52
Töluvert rask fylgir lagning Hólasandslínu í Eyjafirði
Framkvæmdir við lagningu Hólasandslínu í Eyjafirði koma til með að hafa töluvert rask í för með sér á framkvæmdatíma. Þungi framkvæmda á svæðinu verður á næsta ári en línan mun stórauka raforkuöryggi í Eyjafirði.
16.09.2020 - 14:30
Óvissustig og viðbúnaður vegna veðurspár
Almannavarnadeild ríkislögreglustjóra hefur lýst yfir óvissustigi vegna norðan hríðar sem spáð er að gangi yfir stóran hluta landsins í kvöld. Hjá Vegagerðinni og raforkufyrirtækjunum er fylgst grannt með þróun mála og sérstök vakt til taks ef á þarf að halda.
03.09.2020 - 12:53
Fjórtán mál á borði ríkissáttasemjara
Fjórtán kjaradeilur eru nú á borði ríkissáttasemjara, þrjár bættust við í júlí og boðað hefur verið til fundar í tveimur deilum í vikunni. Fundur verður í deilu Sjúkraliðafélags Íslands og Samtaka fyrirtækja í velferðarþjónustu á morgun, sem einnig fundar með Sameyki á miðvikudaginn.
Myndskeið
Starfsmaður Landsnets gleðst yfir að vera heill heilsu
Starfsmaður Landsnets sem var inni í tengivirkinu á Rangárvöllum þegar skammhlaup varð þar á miðvikudaginn slapp ómeiddur. Hann segist ekki vera reiður þótt mannleg mistök hafi verið gerð, einungis glaður yfir að vera heill.
07.08.2020 - 20:46
Segir ljóst að fyrirtæki hafi orðið fyrir miklu tjóni
Starfsemi Mjólkursamsölunnar á Akureyri er enn skert eftir rafmagnsleysið á svæðinu í gær. Norðlendingar furða sig á að Landsnet hafi ekki flokkað atvikið sem alvarlegt.
06.08.2020 - 16:50
Óháð úttekt á rafmagnsleysi og starfsmanni heilsast vel
Óháð úttekt er hafin á því hvað olli víðtæku rafmagnsleysi í Eyjafirði og nágrenni í gær þegar skammhlaup varð í tengivirki. Tjón virðist vera óverulegt samkvæmt Landsneti og starfsmaður sem var fluttur á sjúkrahús er kominn heim.
06.08.2020 - 14:23
Rafmagnið komið aftur á á Akureyri
Rafmagnið er komið aftur á á Akureyri og unnið ar að því að gera við Dalvíkurlínuna og restina af kerfinu. Ef allt gangi að óskum á rafmagnið að koma á alls staðar innan skamms.
05.08.2020 - 13:35