Færslur:  Landamæraskimun

Morgunvaktin
Segir brýnt að halda áfram skimun við landamærin
Með áframhaldandi skimun við landamærin er hægt að komast hjá því að hingað berist skæð og smitandi afbrigði kórónuveirunnar. Þetta segir Ingileif Jónsdóttir, prófessor í ónæmisfræði við Háskóla Íslands.
25 innanlandssmit í gær en eitt á landamærunum
Tuttugu og fimm greindust innanlands með kórónuveirusmit í gær, eitt smit greindist á landamærunum. Þetta kemur fram í upplýsingum frá Hjördísi Guðmundsdóttur, samskiptastjóra almannarvarna. Núverandi sóttvarnatakmarkanir gilda til 17. september næstkomandi
Skimunarskylda aflögð við landamæri Færeyja
Ferðalöngum til Færeyja verður ekki gert skylt að fara í skimun vegna COVID-19 við komuna til landsins frá og með morgundeginum 1. september. Landsstjórnin kynnti þessa ákvörðun í síðustu viku.
Hraðpróf í boði fyrir skimun við heimkomu
Heilsugæsla höfuðborgarsvæðisins býst við að það fjölgi um allt að tvö þúsund manns á dag í sýnatökur í kjölfar nýrra reglna sem tóku gildi á miðnætti. Farþegar með tengsl við Ísland þurfa að fara í sýnatöku innan tveggja sólarhringa frá því að þeir koma til landsins. Þeir sem velja að fara í sýnatöku á vegum heilsugæslu fara þá í hraðpróf. Þeir sem láta taka sýni á Keflavíkurflugvelli fara í PCR-próf.
83 smit í gær og fækkar um tvo á sjúkrahúsi
83 greindust smitaðir af COVID-19 innanlands í gær. Þar af voru 49 utan sóttkvíar eða 59% prósent smitaðra. Þrjátíu manns liggja inni á sjúkrahúsi með veiruna en það er tveimur færri en í gær. Sjö eru á gjörgæsludeild, sem er einum færri en í gær.
Sjónvarpsfrétt
Óvíst hvort og hvaða áhrif rauði liturinn hefur
Alls óvíst er hvort það hefur áhrif að Ísland er nú rautt samkvæmt skilgreiningu Sóttvarnastofnunar Evrópu. Íslendingum á leið til Danmerkur gæti verið meinað að koma til landsins ef Ísland fer á rauðan lista þar.
Undanþágur frá skimunum flugáhafna til skoðunar
Verið er að skoða undanþágur flugáhafna flugfélaganna Play og Icelandair frá reglulegum skimunum. Samkvæmt núgildandi reglugerð þurfa þær ekki að framvísa PCR-prófi nema dvöl þeirra ytra sé lengri en þrír sólarhringar.
Útgöngubann framlengt í Sydney en opnað í öðrum borgum
Lokanir og útgöngubann vara í mánuð til viðbótar í Sydney, fjölmennustu borg Ástralíu. Ekkert verður af fyrirhuguðum afléttingum í lok vikunnar eins og til stóð.
Hertar landamærareglur tóku gildi á miðnætti
Á miðnætti tóku gildi nýjar og hertar reglur á landamærunum sem ríkisstjórnin samþykkti fyrir viku.
Segir yngra fólk veikt og óttast að ný bylgja sé hafin
Gylfi Þór Þorsteinsson, forstöðumaður farsóttarhúsa Rauða krossins, segir greinilegt að nú sé yngra fólk að veikjast af COVID-19. Hann segir hótel vísa smituðum gestum út og starfsfólk hans hafi þurft að sækja þá. 
Alls greindust 44 ný kórónuveirusmit í gær
Alls greindust 44 með COVID-19, 38 smitanna eru innanlands. Níu þeirra smituðu voru í sóttkví við greiningu. Verið er að taka saman hve stór hluti er bólusettur en umfangsmikil smitrakning stendur yfir samkvæmt upplýsingum Hjördísar Guðmundsdóttur samskiptastjóra almannavarna.
Sextán innanlandssmit í gær þar af tíu utan sóttkvíar
Sextán greindust með COVID-19 innanlands í gær, tíu þeirra voru utan sóttkvíar. Þá greindist eitt kórónuveirusmit á landamærunum í gær. Smitrakning stendur yfir en eftir daginn í gær eru 124 í einangrun og 385 í sóttkví.
Viðtal
Nauðsyn að draga úr álaginu frá landamærunum
Sóttvarnalæknir kveðst ætla að halda að sér höndum varðandi nýjar aðgerðir vegna aukningar smita undanfarið. Brýnt sé þó að minnka álagið frá landamærunum.
Tíu innanlandssmit og helmingur utan sóttkvíar
Tíu greindust smitaðir af kórónuveirunni innanlands í gær. Fimm þeirra eru utan sóttkvíar og fullbólusettir samkvæmt upplýsingum frá Almannavörnum. Leita þarf aftur til 28. apríl að tíu innanlandssmit greindust síðast.
Óhjákvæmileg fjölgun smita fylgir fjölgun ferðamanna
Íslensk erfðagreining vinnur að raðgreiningu fimm smita sem greindust í gær. Kári Stefánsson, forstjóri, segir fjöldann sem kemur núna yfir landamærin slíkan að búast megi við talsverðum fjölda smitaðra dag hvern.
Talsvert um að fólki sé snúið við á Keflavíkurflugvelli
Talsvert hefur verið um að fólki sé snúið við á Keflavíkurflugvelli þar sem það hefur ekki viðunandi bólusetningarvottorð eða kemur hingað frá löndum utan EES-svæðisins, að sögn yfirlögregluþjóns. Evrópski COVID-passinn svokallaði er kominn í notkun og hefur gefið góða raun. 
Hefði viljað losna fyrr við tvöfalda skimun og sóttkví
Framkvæmdastjóri Samtaka ferðaþjónustunnar fagnar afléttingu sóttvarna en segist hafa vonast eftir því að kröfur um tvöfalda skimun og sóttkví á landamærunum hefðu ekki verið látnar gilda fram í miðjan ágúst eins og reglugerð hljóðar upp á. 
Allt að tveggja tíma bið í Leifsstöð eftir sýnatöku
Þrjátíu og ein flugvél lendir á Keflavíkurflugvelli á morgun og hafa þær ekki verið fleiri frá því kórónuveirufaraldurinn braust út. Farþegar geta þurft að bíða í allt að tvo tíma eftir því að vottorð þeirra séu skoðuð og þeir sendir í skimun. Aðstoðaryfirlögregluþjónn segir að farþegar sem lagt hafi langa ferð að baki geti orðið pirraðir að þurfa að bíða lengi eftir afgreiðslu.
Óttast að mannskap vanti til að skima á landamærum
Sóttvarnalæknir óttast að ekki sé til nægur mannskapur til að viðhalda óbreyttum aðgerðum á landamærunum. Til greina komi að hætta að skima þá sem koma til landsins með bólusetningarvottorð. Þá segir hann að verslanir og stofnanir standi sig ekki sem skyldi í sýkingavörnum því víða séu sprittbrúsar tómir. Sjötta daginn í röð hefur ekki greinst smit innanlands utan sóttkvíar.
Evrópusambandið afléttir ferðabanni íbúa átta ríkja
Evrópusambandið samþykkti í gær að aflétta ferðabanni sem í gildi hefur verið gagnvart Bandaríkjamönnum. Þeir, ásamt borgurum sjö ríkja og svæða til viðbótar, komast þar með á hvítlista sambandsins sem heimilar ferðalög til ríkja þess að nýju.
Þórólfur vill fara hægt í tilslakanir á landamærum
Sóttvarnaaðgerðir á landamærunum haldast óbreyttar til 1. júlí en þá leggur Þórólfur Guðnason sóttvarnalæknir til að hætt verði að skima bólusetta og þá sem hafa sýkst. Áfram þurfi aðrir að hafa vottorð um PCR-próf við komuna til landsins og fara í tvær skimanir og sóttkví.
Tvö af þremur innanlandssmitum í gær utan sóttkvíar
Þrjú COVID-19 smit greindust innanlands í gær, aðeins eitt þeirra innan sóttkvíar, samkvæmt bráðabirgatölum frá almannavörnum. Ekkert smit greindist á landamærunum.
Hundar greina COVID rétt í 97 prósent tilvika
Greining hunda á COVID-smiti er mun nákvæmari en greining margra svokallaðra hraðprófa, samkvæmt nýlegum niðurstöðum rannsóknar sem gerð var í Frakklandi. Niðurstaða prófa með hundum er jafn áreiðanleg og með PCR-prófum, samkvæmt rannsókninni.
22.05.2021 - 12:19
Alltaf einhverjum vísað til baka við komuna til Íslands
„Það eru alltaf einhverjir sem þurfa að fara til baka,“ segir Arngrímur Guðmundsson, aðstoðaryfirlögregluþjónn í flugstöðvardeild Lögreglustjórans á Suðurnesjum. Bann er í gildi við ónauðsynlegum ferðum hingað til lands frá ákveðnum hááhættusvæðum og það kemur fyrir flesta daga að fólk frá þeim svæðum uppfylli ekki skilyrði um að ferðin sé nauðsynleg.
Atlantic Airways hefur áætlunarflug til Íslands
Færeyska flugfélagið Atlantic Airways hyggst hefja áætlunarflug til Íslands og Skotlands eftir að tilkynning barst í síðustu viku um að Færeyjar yrðu fjarlægðar af rauðum listum beggja landa.