Færslur:  Landamæraskimun

Fjögur innanlandssmit í gær og tvö við landamærin
Fjögur kórónuveirusmit greindust innanlands í gær, samkvæmt bráðabirgðatölum frá almannavörnum. Þrjú þeirra voru í sóttkví en tvö smit greindust við landmærin. 
Pólverjar líklegri til að greinast smitaðir við komu
Hæst hlutfall smita á landamærum greinist meðal fólks með pólskt ríkisfang. Næsthæsta hlutfallið er hjá Íslendingum.
Með hönd á byssunni en ekki búinn að draga hana upp
Þórólfur Guðnason sóttvarnalæknir kveðst ávallt viðbúinn að grípa til harðari aðgerða í sóttvörnum en öll smit gærdagsins tengjast leikskólanum Jörfa. Yfir fjögurþúsund sýni voru tekin í gær sem er með því mesta sem verið hefur en 21 greindist með COVID-19.   
Þrjú af 21 innanlandssmiti í gær eru utan sóttkvíar
Þrír voru utan sóttkvíar af þeim 21 sem greindust með kórónuveiruna innanlands í gær. Einn greindist með veiruna á landamærununum og bíður sá niðurstöðu mótefnamælingar.
Gæti þurft að endurskoða tillögur um sóttvarnaaðgerðir
Sóttvarnalæknir segir að hann gæti þurft að endurskoða tillögur sínar um sóttvarnaaðgerðir, haldi áfram að greinast kórónuveirusmit utan sóttkvíar. Í gær greindust fjögur smit, þar af þrjú utan sóttkvíar, allt var það fullorðið fólk sem býr á höfuðborgarsvæðinu.  Þrjú börn hafa greinst með COVID-19 við landamærin síðan byrjað var að skima börn þar um mánaðamótin.
Spegillinn
Græni covid-passinn jafnvel í næsta mánuði
Vonir standa til um að Ísland taki þátt í tilraunaverkefni með að nota samræmt covid-bólusetningarvottorð á Evrópska efnahagssvæðinu. Sviðsstjóri hjá Landlækni segir að ekki séu dæmi um að framvísað hafi verið fölsuðum vottorðum á landamærunum. Stefnt er að því að samræmdu vottorðin verði komin í almenna notkun í seinni hluta júní.
Fyrri skimun allra farþega Norrænu reyndist neikvæð
Fjórir farþegar sem komu með Norrænu til Seyðisfjarðar á miðvikudag þáðu gistingu í sóttvarnarhúsi á Hótel Hallormsstað á Egilstöðum. Allir komu frá svokölluðum rauðum svæðum en fimm aðrir frá slíkum svæðum áttu í önnur hús að venda.
Ekkert innanlandssmit í Færeyjum síðan í lok janúar
Ekkert innanlandssmit kórónuveiru hefur greinst í Færeyjum frá 25. janúar síðastliðnum. Tvær vikur eru síðan tilkynnt var um að ekkert virkt smit væri í eyjunum í annað skipti á árinu. Seinasta smitið greindist í ferðamanni um flugvöllinn í Vogum 12. mars samkvæmt upplýsingum þarlendra heilbrigðisyfirvalda.
Viðtal
Segir nýju reglugerðina standast lög
Katrín Jakobsdóttir forsætisráðherra er fullviss um að ný reglugerð um sóttkví standist lög. Hún sagði eftir ríkisstjórnarfund nú rétt fyrir hádegi að með nýju reglugerðinni séu settar strangari reglur um sóttkví, sektir hækkaðar og rík áhersla lögð á að fólk fylgi reglum.
Viðtal
Forsætisráðherra sér ekki fyrir sér að loka landinu
Katrín Jakobsdóttir forsætisráðherra segir að fari svo að Landsréttur staðfesti niðurstöðu Héraðsdóms Reykjavíkur um að lagastoð skorti fyrir reglugerð ráðherra um dvöl fólks frá áhættusvæðum í sóttkvíarhúsi þurfi annað hvort að breyta sóttvarnarlögum eða reglugerðinni þannig að hún rúmist innan laga.
Segir vel hafa gengið á sóttvarnarhóteli fyrsta daginn
Áslaug Ellen G. Yngvdóttir annar umsjónarmanna sóttkvíarhótels Reykjavíkur segir þá farþega sem skikkaðir eru til dvalar þar vera skilningsríka, enginn hafi sýnt mótþróa enda viti fólk að þetta þurfi að gera.
Breytingarnar á landamærunum sem taka gildi 1. apríl
Á morgun 1. apríl gengur í gildi ný reglugerð um sóttkví og einangrun og sýnatöku við landamæri Íslands vegna COVID-19. Margvíslegt nýmæli fylgir reglugerðinni.
Farþegar með bólusetningarvottorð skulu fara í sýnatöku
Þeim farþegum sem koma til landsins frá og með 1. apríl næstkomandi og framvísa bólusetningarvottorði eða vottorði um fyrri sýkingu ber að fara í eina sýnatöku. Þeim ber þó ekki að dvelja í sóttkví en skulu bíða niðurstöðu úr sýnatöku á dvalarstað sínum.
Kastljós
Hátt hlutfall smita vegna fólks sem ferðast vegna bóta
Stór hundraðshluti smita sem greinast á landamærum kemur frá fólki sem þarf að ferðast fram og til baka hingað til lands til að sækja atvinnuleysisbætur. Þetta kom fram í máli Kára Stefánssonar í Kastljósi í kvöld.
Einn á sjúkrahúsi með COVID-19
Þórólfur Guðnason sóttvarnalæknir staðfestir í samtali við fréttastofu að einn hafi verið lagður inn í nótt vegna COVID-19. Hann kveðst ekki vita hvort viðkomandi greindist við landamærin en telur líklegast að svo sé.
Viðtal
Fengu ekki að fara til útlanda vegna mistaka læknis
Sjö manns sem ætluðu fara til útlanda í fyrradag og framvísuðu vottorði um neikvætt kórónuveirupróf reyndust hafa fengið ranga dagsetningu á prófið. Fólkið fékk ekki að fara um borð í flugvél.
Eitt smit á landamærum og ekkert innanlands
Ekkert kórónuveirusmit greindist innanlands í gær en eitt virkt smit greindist í landamæraskimun. Þeim fækkar sem eru í einangrun og eru nú níu og átta eru í sóttkví. Nýgengi innanlandssmita er nú 0,5 og 3,0 á landamærum. Sjö eru á sjúkrahúsi. Alls hafa nú tólf þúsund sex hundruð fjörurtíu og fjórir lokið bólusetningu.
02.03.2021 - 10:50
Nokkrir flugfarþegar gætu átt brottvísun yfir höfði sér
Sigurgeir Sigmundsson, yfirlögregluþjónn flugstöðvardeildar lögreglustjórans á Suðurnesjum, segir mögulegt sé að vísa þurfi um sex flugfarþegum frá landinu á grunni sóttvarnarlaga og ferðatakmarkana þriðja ríkis borgara. Jafnframt sé eitthvað um að farþegar framvísi ekki réttri gerð kórónuveiruprófs.
Um tíundi hver komufarþegi bólusettur
Hátt í einn af hverjum tíu farþegum sem hafa komið til landsins undanfarna daga hafa verið bólusettir við COVID-19 og álíka hátt hlutfall framvísar vottorði um að hafa fengið COVID. Lögreglan á Keflavíkurflugvelli þarf að hafa ítrekuð afskipti af fólki sem sækir þangað farþega. 
Akstur flugrútunnar hefst á ný frá Keflavíkurflugvelli
Reglulegur akstur flugrútu frá Keflavíkurflugvelli til höfuðborgarsvæðisins hefst á ný skömmu eftir miðnætti. Reykjavík Excursions - Kynnisferðir ætla þá að hefja reglulegan akstur á ný. Hann hefur verið gloppóttur síðustu mánuði þar sem farþegar hafa verið sárafáir vegna COVID-faraldursins. Í fyrstu verður aðeins ekið frá flugvellinum og til höfuðborgarsvæðisins. Ekki verða í boði ferðir frá höfuðborgarsvæðinu og á flugvöllinn.
Stjórnvöld íhuga að styðja við rekstur flugrútunnar
Samgöngu- og sveitarstjórnarráðuneytið hefur til skoðunar með hvaða hætti stjórnvöld geti stutt við rekstur flugrútunnar til þess að tryggja rútuferðir milli Keflavíkurflugvallar og höfuðborgarsvæðisins.
23.02.2021 - 10:28
Enn of margir sem sækja komufarþega út á flugvöll
„Það eru enn brögð að því að fólk sæki vini og fjölskyldu á Keflavíkurflugvöll,“ segir Sigurgeir Sigmundsson, yfirlögregluþjónn á Keflavíkurflugvelli. Lögreglan hefur eftirlit með því hvernig fólk kemst heim af flugvellinum en samkvæmt sóttvarnareglum er óheimilt að sækja komufarþega á flugvöllinn, nema sá sem sæki fari líka í sóttkví.
Fjórðungur farþega ekki með PCR-vottorð
Fyrstu farþegarnir sem þurftu að framvísa vottorði um smitleysi komu frá Boston í morgun. Seinlegt var að fara yfir vottorðin. Nærri fjórðungur farþega var ekki með vottorð. Ekki verður sektað fyrr en á mánudag í fyrsta lagi.
Bara má nota skyndigreiningarpróf sem mæla mótefnavaka
Aðeins verður heimilt að nota skyndigreiningarpróf sem mæla mótefnavaka eða antigen samkvæmt fyrirmælum embættis landlæknis sem heilbrigðisráðherra hefur birt í Stjórnartíðindum.
Vænst svara á fundi með Pfizer á morgun
Á fundi síðdegis á morgun verður að líkindum skorið úr um hvort lyfjafyrirtækið Pfizer óski eftir að fram fari rannsókn hérlendis sem felst í að bólusetja tugþúsundir Íslendinga gegn kórónuveirunni.