Færslur: Landakotsspítali

Smitlaust á Landakoti og starfsemi í eðlilegt horf á ný
Starfsemi á Landakoti er að færast í eðlilegt horf eftir að starfsmaður þar greindist með COVID-19 á dögunum. Allir sjúklingar á deildinni þar sem smitið kom upp fóru tvisvar í sýnatöku og enginn reyndist hafa smitast.
27.08.2021 - 15:23
Öll sýni neikvæð á Landakoti
Öll sýni á öldrunar- og endurhæfingardeild Landakots hafa reynst neikvæð eftir að starfsmaður greindist með kórónuveiruna um helgina. Þetta staðfestir Hildur Helgadóttir, verkefnastjóri farsóttarnefndar Landspítala, við fréttastofu. Allir sjúklingar og allt starfsfólk var skimað á laugardag og aftur í gær og hafa öll sýni reynst neikvæð.
24.08.2021 - 15:44
Margt breyst á Landakoti frá hópsýkingunni
Starfsmaður á öldrunar- og endurhæfingardeild Landakots greindist smitaður af kórónuveirunni á föstudag. Hildur Helgadóttir, verkefnastjóri farsóttarnefndar Landspítala, segir mikið hafa verið gert til að forðast að smit eins og þetta leiði til hópsýkingar líkt og raunin varð í fyrra.
23.08.2021 - 16:00
Smit á Landakoti og lokað fyrir innlagnir
Starfsmaður á Landakoti greindist með COVID-19 um helgina. Hann hafði verið við störf í vikunni á undan. Deildin er lokuð fyrir innlagnir og ekki verða flutningar á aðrar stofnanir fyrr en allri sóttkví hefur verið aflétt.
23.08.2021 - 13:19
Sjúklingar Landakots og Vífilsstaða skimaðir vikulega
Allir inniliggjandi sjúklingar á Landakoti og Vífilsstöðum verða skimaðir vikulega, óháð bólusetningarstöðu þeirra. Farsóttarnefnd Landspítala hefur ákveðið það í ljósi fjölgunar kórónuveirusmita í samfélaginu síðustu daga.
20.07.2021 - 11:16
Hópsýking á Landakoti
Hefði hugsanlega mátt koma í veg fyrir hluta smitanna
Skýrsla embættis landlæknis um hópsýkinguna á Landakoti í haust dregur upp dökka mynd af aðdraganda og fyrstu dögum sýkingarinnar sem leiddi fimmtán manns til dauða. Skjótari og markvissari viðbrögð í upphafi hefðu mögulega getað komið í veg fyrir hluta smitanna. Læknar sem komu á vettvang þegar starfsfólk veiktist og fór í sóttkví lýstu ringulreið og upplausnarástandi, þeir sögðu það hafa verið átakanlegt að vinna við þær aðstæður.
15.06.2021 - 15:24
Sautján andlát eru rakin til hópsmitsins á Landakoti
Sautján andlát eru nú rakin til hópsmitsins á Landakoti. Flestir sem létust vegna þess létust á Landspítala, en einnig eru andlát á Suðurlandi rakin til smitsins.
Myndskeið
Þrettán andlát eru rakin til Landakots
Sjúklingur lést síðastliðinn sólarhring af völdum COVID-19. Tuttugu og sex hafa því látist hér á landi, þar af 13 sem rekja má til hópsýkingarinnar á Landakoti. 
18.11.2020 - 20:11
Ekki eiginlegt loftræstikerfi í fjórum byggingum LSH
Auk Landakots er ekki eiginlegt loftræstikerfi í þremur spítalabyggingum Landspítala, meðal annars á Vífilsstöðum þar sem fólk bíður eftir að komast á hjúkrunarheimili.
17.11.2020 - 18:39
Segir engar reglur hafa verið brotnar
Grunur var kominn upp um kórónuveirusmit á Landakoti þegar sjúklingur þar var sendur með sjúkrabíl í Stykkishólm. Maðurinn reyndist síðar smitaður af COVID-19. Yfirlæknir segir að hvorki hafi reglur um sóttkví né gæðareglur spítalans verið brotnar.
14.11.2020 - 12:38
Viðtal
Páll: Alvarlegasta atvikið í starfstíð minni
Páll Matthíasson, forstjóri Landspítala, segir að hópsýkingin sem upp kom á Landakotsspítala í október hafi verið alvarlegasta atvikið í sögu spítalans í hans starfstíð. Í skýrslu spítalans um málið sem kynnt var í dag segir að aðstæður og aðbúnaður á Landakoti hafi verið til þess fallið að auka líkur á dreifingu kórónuveirunnar. Ekki stendur til að taka húsnæðið úr notkun.
Dreifingin var „gríðarlega mikil“
Dreifing kórónuveirusmitsins, sem kom upp á Landakotsspítala var gríðarlega mikil. Á einni deild spítalans smituðust allir sjúklingar á deildinni, á annarri var smithlutfallið rúm 93%. Ekki er hægt að nefna eina orsök fyrir hópsýkingunni en meðal þess sem orsakaði hana var ófullnægjandi húsnæði og óviðunandi aðbúnaður sjúklinga og að starfsmenn fóru á milli deilda. Engin loftræsting er á Landakoti og það jók enn á útbreiðsluna.
13.11.2020 - 15:00
Níu rúma COVID-deild opnuð á Landakoti
COVID-deild með níu einbýlum var opnuð á Landakoti á laugardaginn. Henni er ætlað að bregðast við mikilli þörf fyrir innlagnir fólks með sjúkdóminn.
02.11.2020 - 15:07
COVID-smit hjá starfsmönnum og sjúklingi á Landakoti
COVID-19 smit greindist hjá nokkrum starfsmönnum og einum sjúklingi á öldrunarlækningadeildinni á Landakoti undir kvöld í gær. Deildinni hefur verið lokað fyrir utanaðkomandi umferð. Skimanir og smitrakning standa nú yfir.
Spegillinn
Tilfinningin sem situr eftir er aðalatriðið
Í setustofu á deild L4, lokaðri endurhæfingardeildar Landakotsspítala fyrir sjúklinga með heilabilun, situr fólk í hring og syngur undir stjórn Jónu Þórsdóttur, músíkþerapista. Á deildinni eru fimmtán sjúklingar sem þurfa mikla aðstoð. Öll glíma þau við atferlisraskanir af völdum heilabilunarsjúkdóma eða heilablæðingar; má þar nefna verkstol, málstol, ranghugmyndir og ofskynjanir. Sjúklingahópurinn er breiður, þarna er eldra fólk en líka fólk um fimmtugt.