Færslur: kjaradeila

Myndskeið
Verkfall hjúkrunarfræðinga: „Mjög margt mun bíða“ á LSH
2600 hjúkrunarfræðingar fara að óbreyttu í verkfall eftir rúmar tvær vikur eftir 15 mánaða samningsleysi. Mjög alvarleg tíðindi, segir forstjóri Landspítalans. Margt muni bíða og þjónusta fara úr skorðum. Vonbrigði, segir formaður samninganefndar ríkisins.
Viðtal
„Málstaður okkar ennþá sterkari en hann var áður“
„Þetta er eins afgerandi niðurstaða og hægt er að hugsa sér. En hún kemur á endanum ekki á óvart. Það var alltaf vitað að við myndum þurfa að halda áfram með aðgerðir, baráttuþrekið og hinn einbeitti vilji er bara svona mikill og skýr í þessum hópi.“ Þetta segir Sólveig Anna Jónsdóttir, formaður Eflingar, um boðað verkfall félagsmanna Eflingar í nokkrum sveitarfélögum, sem samþykkt var í dag.
Segir hjúkrunarfræðinga á landsbyggðinni oft gleymast
Hjúkrunarfræðingur segir landsbyggðina oft gleymast í umræðunni um kjaramál. Hún vill leggja stofnanasamninga af og segir alla eiga að sitja við sama borð í samningagerð.
Ekkert fundað í dag - verkfallið heldur áfram
Fundi samninganefnda sveitarfélaga og Eflingar, sem átti að fara fram í dag, var frestað. Þetta var gert að beiðni samninganefndar sveitarfélaganna, að sögn Ingu Rúnar Ólafsdóttur, formanns hennar. Hún segir að nefndin hafi þurft meiri tíma til að vinna sína heimavinnu. Verkfall félagsmanna í Eflingu, sem hófst á mánudag, heldur því áfram.
Verkfall Eflingar heldur áfram á morgun
Ekki náðust samningar á fundi Eflingar og fulltrúa sveitarfélaganna hjá Ríkissáttasemjara í dag. Fundurinn hófst klukkan 14 og stóð í um klukkustund. Boðað hefur verið til fundar eftir hádegi á morgun. Ótímabundið verkfall félaga Eflingar sem starfa hjá nokkrum sveitarfélögum hófst á mánudag og stendur enn.
Myndskeið
Í góðu samræmi við það sem Eflingu var boðið áður
Samninganefnd Eflingar og Reykjavíkurborgar klappaði á táknmáli þegar hún skrifaði undir kjarasamning í nótt. Hjá Ríkissáttasemjara eins og annars staðar er breytt verklag vegna COVID-19 faraldursins. Borgarstjóri segir samninginn í góðu samræmi við það sem borgin hafði boðið Eflingu áður.
10.03.2020 - 10:26
Viðtal
Segir ríkið ekki fara eftir lífskjarasamningi
Samband íslenskra sveitarfélaga og Reykjavíkurborg hafa lýst yfir vilja til að hækka laun í samræmi við lífskjarasamninginn en ríkið hefur aftur á móti ekki séð sér fært að gera það, að sögn Árna Stefáns Jónssonar, formanns Sameykis.
06.03.2020 - 13:31
Myndskeið
Stefna á samninga áður en verkföll skella á
Formaður BSRB og samninganefndar ríkisins stefna að því að semja fyrir mánudag, sóttvarnalæknir hefur sent þeim áskorun þess efnis þar sem verkföll geti haft ófyrirséðar afleiðingar í COVID-19 faraldri. Tveggja klukkustunda fundi Eflingar og Reykjavíkurborgar lauk nú rétt fyrir fréttir og hefur annar fundur verið boðaður klukkan 10 í fyrramálið. 
05.03.2020 - 19:44
Sorphirða í borginni hefst á ný í fyrramálið
Efling hefur samþykkt beiðni Reykjavíkurborgar um undanþágu frá verkfalli vegna sorphirðu af lýðheilsuástæðum vegna COVID-19 veirunnar. Byrjað verður að hirða sorp í Breiðholti í fyrramálið. Verkfallið hefur staðið yfir síðan um miðjan febrúar.
01.03.2020 - 13:25
  •