Færslur: Kína

Kórónuveiran greinst á innfluttum matvælum í Kína
Kórónuveira hefur í tvígang greinst á frosnum matvælum í Kína, sem koma frá Suður-Ameríku. Nýsjálendingar rannsaka nú hvort nýlegt hópsmit þar sé vegna innfluttra matvæla.
13.08.2020 - 11:21
Íranir bjartsýnir á afléttingu vopnasölubanns
Hassan Rouhani Íransforseti kveðst vongóður um að ekkert verði af tillögu Bandaríkjanna í öryggisráði SÞ um framlengingu vopnasölubanns til Írans. Forsetinn varar við afleiðingum stuðnings ráðsins við hugmyndina.
26 bóluefni á lokastigi rannsókna
Alls er verið að gera tilraunir með 26 bóluefni gegn COVID-19 víðsvegar um heim. Alþjóðaheilbrigðisstofnunin greinir frá þessu. Rússlandsstjórn tilkynnti í morgun að þar í landi hefði fyrsta bóluefnið verið skráð.
Bandarískir þingmenn bannaðir af Kínastjórn
Kínastjórn ákvað í dag að setja ótilgreint viðskiptabann á öldungadeildarþingmanninn Marco Rubio og tíu aðra Bandaríkjamenn vegna harðrar andstöðu þeirra við beitingu öryggislaga í Hong Kong.
10.08.2020 - 15:16
Áhrifamaður í stjórnarandstöðu handtekinn í Hong Kong
Jimmy Lai, fjölmiðlamógúll og einn helsti leiðtogi lýðræðis- og sjálfstæðissinna í Hong Kong hefur verið handtekinn, ákærður fyrir ólöglegt samstarf við erlend öfl. Ákæran er gefin út á grundvelli umdeildrar öryggislöggjafar, sem Peking-stjórnin innleiddi í borgríkinu fyrir skemmstu.
10.08.2020 - 02:11
Erlent · Asía · Stjórnmál · Hong Kong · Kína
„Hvað talarðu eiginlega um við taívanska kærastann?“
Alda Elísa og Guðbjörg Ríkey, sem stýra nýjum útvarpsþætti á Rás 1 um kínversk stjórnmál og menningu, segja hugmyndir samlanda sinna um Kína oft litaðar af fordómum. Íslenskur kærasti Guðbjargar sem lærði í Kína var til dæmis spurður hvort það væru til reiknivélar þar ytra og fólk furðar sig á því hvað Alda geti átt sameiginlegt með kærasta frá Taívan.
08.08.2020 - 12:45
Saka Rússa, Kínverja og Írana um afskipti af kosningum
Rússar, Kínverjar og Íranar freista þess allir að hafa áhrif á úrslit bandarísku forsetakosninganna í haust og beita til þess óeðlilegum og ólöglegum meðulum. Þetta er mat forstjóra einnar fjölmargra bandarískra leyniþjónustustofnana, Gagnnjósna- og öryggisstofnunarinnar, sem hefur meðal annars það hlutverk að fylgjast grannt með öllum ógnum sem steðja að forsetakosningunum erlendis frá.
Segja framferði Bandaríkjanna hreint og klárt einelti
Kínversk stjórnvöld segja að framferði þeirra bandarísku, þegar kemur að appinu Tik Tok, sé hreinlega einelti. Þetta kom fram í máli Wang Wenbin, talsmanns kínverska utanríkisráðuneytisins, á upplýsingafundi í dag. Donald Trump, Bandaríkjaforseti, gaf Tik Tok í gær sex vikur til að selja starfsemi sína í Bandaríkjunum til fyrirtækis þar í landi.
04.08.2020 - 09:30
Gríðarlegur samdráttur hjá HSBC bankanum
Hagnaður HSBC bankans, eins stærsta banka heims, hrapaði um 69 af hundraði á fyrri helmingi ársins, eftir skatta. HSBC-bankinn er fjölþjóðlegur banki með höfuðstöðvar í London.
03.08.2020 - 06:13
Trump hyggst banna TikTok
Mögulegt er að smáforritið TikTok verði bannað í Bandaríkjunum. Donald Trump forseti lýsti þessu yfir í gær en bandarísk yfirvöld óttast að Kínverjar noti forritið til njósna.
01.08.2020 - 04:28
Baráttan í Himalajafjöllum
Indversk og kínversk yfirvöld reyna nú að toppa hvort annað í framkvæmdum við umdeild landamæri ríkjanna í Himalaja fjallgarðinum. Vegaframkvæmdir Indverja, sem nýlega luku við að leggja veg sem liggur að herstöð flughersins við landamæri ríkjanna, eru sagðar vera ein helsta kveikja þess að til átaka kom milli kínverska og indverskra hersveita sem kostuðu 20 indverska hermenn hið minnsta lífið.
31.07.2020 - 07:27
Erlent · Himalaja · Kína · Indland
Andspyrnu viðhaldið í Hong Kong
Lýðræðissinnar í Hong Kong ætla sér áfram að spyrna fótum við herferð kínverskra stjórnvalda gegn pólítísku frelsi í borginni.
31.07.2020 - 04:54
Huawei tekur toppsætið af Samsung
Kínverska fjarskipta- og snjalltækjafyrirtækið Huawei hefur nú tekið fram úr Samsung og er orðin stærsti seljandi snjallsíma í heimi.
30.07.2020 - 16:00
Slakað á kröfum um veitingasölu í Hong Kong
Yfirvöld í Hong Kong hafa slakað á takmörkunum varðandi sölu á veitingum - einungis degi eftir að reglur voru hertar á ný vegna fjölgunar kórónuveirusmita.
30.07.2020 - 09:00
Leita ummerkja um líf á Mars
Geimfari á vegum NASA skotið á loft frá Canaveral höfða á Flórída í dag.
30.07.2020 - 02:42
Bandarískir diplómatar kveðja ræðisskrifstofu í Chengdu
Starfsmenn bandarísku ræðisskrifstofunnar í Chengdu í Kína yfirgáfu skrifstofuna í morgun. Þrír sólarhringar voru þá liðnir síðan kínversk yfirvöld fyrirskipuðu að skrifstofunni yrði lokað innan þriggja daga.
Kínversk vísindakona handtekin í Kaliforníu
Kínversk vísindakona sem bandarísk yfirvöld sökuðu um að hafa logið til um tengsl sín við kínverska herinn þegar hún sótti um landvistarleyfi vestanhafs var handtekin og fangelsuð í Sacramento í Kaliforníu í gær. Bandaríska dómsmálaráðuneytið birti nýverið ákærur á hendur Juan Tang, 37 ára líffræðingi, og þremur kínverskum vísindamönnum öðrum fyrir að afla sér landvistarleyfis á fölskum forsendum.
Kínverjar loka ræðisskrifstofu Bandaríkjanna í Chengdu
Kínversk stjórnvöld tilkynntu í morgunsárið að ræðisskrifstofa Bandaríkjanna í borginni Chengdu í Suðvestur-Kína hefði verið svipt starfsleyfi og yrði gert að loka innan skamms. Er þetta svar Kínverja við fyrirmælum Bandaríkjastjórnar um lokun á kínversku ræðisskrifstofunni í Houston í Texas fyrr í vikunni.
24.07.2020 - 04:40
Myndband
Telja kínverskan vísindamann í felum á ræðisskrifstofu
Hnúturinn í samskiptum Bandaríkjanna og Kína virðist herðast dag hvern. Bandaríska alríkislögreglan telur að í ræðisskrifstofu Kína í San Francisco sé kínverskur líffræðingur í felum. Tilkynnt var um lokun ræðisskrifstofu Kína í Houston í Texas í gær.
23.07.2020 - 22:01
Kínversk könnunarflaug lögð af stað til Mars
Fyrsta al-kínverska könnunarfarinu sem rannsaka á plánetuna Mars var skotið á loft í morgunsárið. Mun flugtakið hafa gengið að óskum. Könnunarflaugin er flutt út í geim með kínverskri Chang Zheng-5 eldflaug, sem skotið var upp frá Wenchang-eldflaugastöðinni á eyjunni Hainan í Suður-Kínahafi. Er könnunarfarinu síðan ætlað að halda ferðinni áfram til Mars og skila þangað rannsóknartækjum og tólum sem fara munu um yfirborð plánetunnar rauðu, taka þar sýni og myndir og senda til Jarðar.
23.07.2020 - 05:42
Útilokar ekki lokun fleiri kínverskra ræðisskrifstofa
Bandaríkjaforseti útilokar ekki lokun fleiri kínverskra sendiskrifstofa í Bandaríkjunum og formaður leyniþjónustunefndar öldungadeildarinnar segir skrifstofuna í Houston hafa verið miðstöð kínverskrar njósnastarfsemi í landinu.
23.07.2020 - 02:35
Kína gert að loka skrifstofum í Houston
Bandarísk stjórnvöld hafa fyrirskipað að skrifstofu ræðismanns Kína í Houston í Texas verði lokað. Talsmaður kínverska utanríkisráðuneytisins greindi frá þessu í morgun og sagði stjórnvöld í Peking fordæma þessa ákvörðun stjórnvalda í Washington. 
22.07.2020 - 11:52
Kórónuveirutilfellum fjölgar í Urumqui í Kína
„Stríðstíma ástandi“ hefur verið lýst yfir í kínversku borginni Urumqui eftir að kórónuveirutilfellum tók að fjölga í borginni. Urumqui er höfuðborg Xinjiang héraðs sem hefur verið í fréttum undanfarið vegna aðgerða kínverskra stjórnvalda gegn minnihlutahópi uighur múslima.
18.07.2020 - 22:45
Ráðherra fær heimild til að banna tæki frá Huawei
Samgönguráðherra fær heimild til þess að banna fjarskiptatæki sem framleidd eru utan NATO- eða EES-landa, ef frumvarp um fjarskiptalög verður samþykkt óbreytt. Forsendur bannsins verða ekki feldar undir upplýsingalög.
Sérfræðingar vara við köldu stríði
Spenna magnast dag frá degi milli Bandaríkjanna og Kína. Svo rammt kveður að óeiningunni að sérfræðingar álíta að nýtt kalt stríð geti verið í uppsiglingu.
18.07.2020 - 04:07