Færslur: Kaþólska kirkjan

Myndskeið
Ómögulegt að alhæfa um 30.000 manna hóp
Sumir hafa áhyggjur af því að umræðan um sóttvarnabrotin í Landakotskirkju liti viðhorf til Pólverja á Íslandi almennt. Þetta segir mannfræðingur. Áhrif sóttvarnareglna á helgihald hafi líka verið til umræðu í Póllandi. 
Myndskeið
„Það er hægt að samræma guðs lög og sóttvarnalög“
Jakob Rolland  kanslari biskupsdæmis kaþólsku kirkjunnar á Íslandi segir sóttvarnareglur nauðsynlegar, en ekki sé ásættanlegt að sömu reglur gildi alls staðar. Hann segir að engin smit hafi verið rakin til messuhalds kirkjunnar, hugsanlega verði gerðar breytingar á messuhaldi á virkum dögum vegna fjöldatakmarkana. Hægt sé að samræma guðs lög og sóttvarnareglur.
Aflýsa opinberum kaþólskum messum
David Tencer biskup kaþólsku kirkjunnar á Íslandi hefur ákveðið að aflýsa öllum  opinberum sunnudagsmessum og vigilmessum á laugardagskvöldum. Ekki sé hægt að fylgja sóttvarnarreglum í messum kirkjunnar. Þetta kemur fram í fréttatilkynningu frá kaþólsku kirkjunni.
Myndskeið
Lögreglan rannsakar meint brot í Landakotskirkju
Lögreglan var með töluvert eftirlit við messu sem hófst klukkan sex í kvöld í Landakotskirkju eftir að meira en fimmtíu kirkjugestir voru við messu þar klukkan eitt. Hún rannsakar nú meint brot á samkomutakmörkunum í kirkjunni.
Rannsaka læk páfa við mynd af fáklæddri konu
Rannsókn er hafin á því hvers vegna opinber Instagram-síða páfans setti hjarta við mynd af fáklæddri brasilískri fyrirsætu. Á myndinni sést ber afturendi fyrirsætunnar Nataliu Garibotto og við myndina er skrifað: „Ég get kennt ykkur eitt og annað. Get ekki beðið eftir að sýna ykkur myndirnar sem teknar voru af mér í október.“ Ekki er ljóst hvenær síða páfa lækaði myndina.
20.11.2020 - 10:32
Krefst handrita og afsökunarbeiðni frá páfa
Forseti Mexíkó krefur páfagarð um afsökunarbeiðni vegna þáttar kaþólsku kirkjunnar í kúgun innfæddra þegar Spánverjar réðust inn í landið fyrir 500 árum. Krafan er lögð fram í tveggja síðna bréfi sem Andres Manuel Lopez Obrador sendi Frans páfa í byrjun mánaðarins. Þar biður hann einnig um að fá handrit að láni sem Spánverjar höfðu með sér og eru geymd í bókasafni Vatíkansins.
11.10.2020 - 07:50
Handtekinn vegna fasteignakaupa Vatíkansins
Lögregla Vatíkansins hefur handtekið ítalskan kaupsýslumann, sem aðstoðaði starfsmenn aðalskrifstofu Vatíkansins við kaup á lúxusfjölbýlishúsi í London.
06.06.2020 - 14:20
Vill láta rannsaka misnotkun innan kaþólsku kirkjunnar
Erkibiskup kaþólsku kirkjunnar í Póllandi hefur kallað eftir því að Vatíkanið rannsaki hvort hylmt hafi verið yfir barnaníð af hendi presta innan kirkjunnar. Þetta gerir hann í kjölfar útgáfu heimildamyndar um málefnið.
17.05.2020 - 16:30
Pell vissi af barnaníði á áttunda áratugnum
Ástralski kardinálinn George Pell vissi af kynferðisofbeldi gegn börnum innan kaþólsku kirkjunnar þegar á áttunda áratug síðustu aldar. Pell var sjálfur sýknaður af barnaníði í síðasta mánuði.
Páfi léttir páfaleynd af ofbeldi gegn börnum
Frans páfi segir sérstaka páfaleynd ekki eiga við um tilkynningar innan kaþólsku kirkjunnar um kynferðisbrot gegn börnum. Vill hann með þessu reyna að auka gegnsæi í slíkum málum. Hingað til hafa málin verið afgreidd innan kirkjunnar, að sögn til þess að vernda friðhelgi einstaklinganna sem brotið er gegn, auk orðspors þess sem sakaður er um brotið.
Kaþólskir prestar níddust á heyrnarlausum börnum
Tveir kaþólskir prestar í Argentínu voru í gær dæmdir fyrir nauðgun og kynferðisafbrot gegn heyrnarlausum börnum í skóla á vegum kirkjunnar. Brotin voru framin á árunum 2004 til 2016.
Biskupar samþykkja greiðslur til fórnarlamba ofbeldis
Franskir biskupar kaþólsku kirkjunnar samþykktu í dag að koma á fót greiðslukerfi fyrir fórnarlömb kynferðisafbrota af hendi presta. Fórnarlömb gagnrýna að ekkert í samþykkt biskupanna segi að kirkja beri á nokkurn hátt ábyrgð á ofbeldinu.
09.11.2019 - 23:50
Páfi setur biskup í bann vegna kynferðisbrota
Frans páfi hefur bannað Michael Bransfield, bandarískum fyrrverandi biskupi, að stjórna helgihaldi. Bransfield hefur verið sakaður um kynferðislega áreitni og fjármálamisferli.
22.07.2019 - 01:49
Vatíkanið gefur út kennslurit um kyngervi
Vatíkanið gaf nýverið út skjal þar sem hugmyndum nútímans um kyn og kyngervi er hafnað. Ritið telur 31 blaðsíðu og heitir: „Karl og kona Hann skapaði þau." Þar er talað um að núverandi orðræða um kyngervi stríði gegn náttúrulögmálum og brjóti í bága við hefðbundna fjölskyldumynd. 
11.06.2019 - 03:52
Alltaf fullt hús í kaþólskum messum
Að öllu jöfnu eru haldnar fimm messur um hverja helgi í Landakotskirkju, kirkju kaþólskra, og kirkjan er full í hvert einasta skipti. Þetta segir sr. Jakob Rolland, prestur kaþólskra í Reykjavík.
07.06.2019 - 11:01
Kardináli áfrýjar dómi fyrir barnaníð
Ástralski kardinálinn George Pell, náinn samstarfsmaður Frans páfa, var viðstaddur í dag þegar áfrýjun vegna dóms sem hann hlaut fyrir barnaníð var tekin fyrir. Pell var klæddur í svört jakkaföt og með prestakraga er hann mætti fyrir dóm í dag en hann er fyrrverandi féhirðir Páfagarðs.
05.06.2019 - 02:15
Vilja afhjúpa brotlega kaþólska presta
Fimm Bandaríkjamenn sem beittir voru kynferðisofbeldi af kaþólskum prestum ætla að stefna Vatíkaninu til þess að fá nöfn og aðra upplýsingar um prestana sem brutu gegn þeim. Með stefnunni er miðað að því að knýja Vatíkanið til þess að opna skjalasafn sitt og birta nöfn þeirra þúsunda presta kaþólsku kirkjunnar sem yfirboðarar hennar hafa haldið leyndum.
Ísland heiðursgestur en Harry Potter logar
Ísland var í öndvegi á bókamessunni í Gdansk sem haldin var síðustu helgi - en á meðan íslenskir höfundar kynntu bækur sínar fyrir messugestum, brunnu bækurnar um galdrastrákinn Harry Potter á báli skammt frá.
04.04.2019 - 12:34
Hundruð presta brotið á börnum í Póllandi
Nærri 400 starfsmenn kaþólsku kirkjunnar í Póllandi beittu börn og ungmenni kynferðisofbeldi frá árinu 1990 þar til í fyrra. Þetta kemur fram í innri rannsókn kirkjunnar. Fórnarlömbin voru yfir 600 talsins, þar af nærri 200 yngri en 15 ára gömul.
15.03.2019 - 05:43
Kardináli hlýtur sex ára dóm fyrir barnaníð
Ástralski kardinálinn George Pell var dæmdur í sex ára fangelsi í kvöld fyrir að beita tvo drengi kynferðisofbeldi í dómkirkju í Melbourne árið 1996. Pell er æðsti embættismaður kaþólsku kirkjunnar til að hljóta dóm fyrir barnaníð. Hann gegndi embætti fjármálastjóra í Vatíkaninu og var ráðgjafi Frans páfa. 
13.03.2019 - 00:58
Einn æðsti maður Páfagarðs sekur um barnaníð
Einn af æðstu mönnum kaþólsku kirkjunnar, ástralski kardínálinn George Pell, hefur verið sakfelldur fyrir kynferðisbrot gegn tveimur altarisdrengjum á tíunda áratugnum. Pell er fjármálastjóri Páfagarðs og sem slíkur þriðji maður í virðingarröð kaþólsku kirkjunnar. Hann var ákærður og leiddur fyrir rétt í Ástralíu í maí fyrra og sakfelldur í desember, en dómarinn í máli hans fyrirskipaði fréttabann sem ekki var aflétt fyrr en í dag.
Páfi segir gagnrýnendur kirkjunnar vini kölska
Frans páfi segir þá sem gagnrýna kaþólsku kirkjuna ítrekað vera vini kölska. Þetta sagði hann á fundi með pílagrímum frá suðurhluta Ítalíu. Hann sagði að það ætti að fordæma opinberlega þá sem yfirgefa kirkjuna svo hægt sé að leiðrétta þá. Þeir sem dæmi kirkjuna án ástar, eins og hann kallar það, eru hins vegar tengdir djöflinum.
21.02.2019 - 06:39
Sviptur kjóli og kalli vegna meints barnaníðs
Kardinálinn Theodore McCarrick var í morgun sviptur öllum stjórnarstörfum hjá Vatíkaninu í Róm vegna ásakana um kynferðisbrot gegn börnum. Hann er hæstsetti presturinn sem er sviptur kjóli og kalli innan kaþólsku kirkjunnar í áratugi.
16.02.2019 - 11:12
Ekki bara góð á jólum - margir í pólskri messu
Ekki var bara messað á íslensku í hátíðamessum um landið í dag, jóladag. Til dæmis var messað á pólsku í Landakotskirkju eða Kristskirkju. Kirkjugestur segir að boðskapur prestsins hafi verið að sýna ætti tilfinningar og vera góður allt árið, ekki bara um jólin.
25.12.2018 - 18:15
Nærri 700 prestar sakaðir um kynferðisofbeldi
Rannsókn ríkissaksóknara í Illinois í Bandaríkjunum bendir til þess að nærri 700 prestar kaþólsku kirkjunnar í ríkinu hafi verið sakaðir um kynferðisofbeldi gegn börnum. Samkvæmt rannsókn kirkjunnar sjálfrar beindust trúverðugar ásakanir gegn 185 starfsmönnum prestastéttarinnar.