Færslur: Katar

Þriggja vikna barn látið af völdum COVID-19 í Katar
Þriggja vikna gamalt barn er látið af völdum COVID-19 í Persaflóaríkinu Katar. Algengara er að börn veikist af völdum omíkron-afbrigðisins en þeim fyrri. Þetta kemur fram í fréttatilkynningu heilbrigðisráðuneytis landsins.
17.01.2022 - 02:23
Tók á móti kraftaverkabarni í 35 þúsund feta hæð
Kanadískur læknir tók á móti barni í 35 þúsund feta hæð yfir ánni Níl í byrjun desember. Aisha Khatib var um borð í þotu á leiðinni heim til Toronto í Kanada frá Sádi-Arabíu þegar tilkynning barst um kallkerfið að læknisaðstoðar væri óskað.
15.01.2022 - 07:15
22 Afganir væntanlegir til landsins á þriðjudag
Næstkomandi þriðjudag eru 22 Afganir væntanlegir til Íslands en þeir eru hluti þess 120 manna hóps sem ríkisstjórnin ákvað að taka á móti í kjölfar valdatöku Talibana í ágúst.
Fréttamenn NRK handteknir og látnir lausir í Katar
Fréttamaður og ljósmyndari norska ríkisútvarpsins NRK sem handteknir voru í Katar aðfaranótt mánudags voru látnir lausir seint í gærkvöld. Lögreglan í Katar handtók þá Halvor Ekeland og Lokman Ghorbani þar sem þeir voru við fréttaöflun í furstadæminu og hugðust meðal annars taka viðtal við mann sem gagnrýnt hefur stjórnvöld landsins opinberlega. Sá var handtekinn nokkrum klukkustundum áður en Norðmennirnir ætluðu að ræða við hann.
24.11.2021 - 06:42
Erlent · Asía · Evrópa · Fjölmiðlar · Stjórnmál · Noregur · Katar
Viðurkenning ríkis Talibana ekki til umræðu
Fulltrúar Talibana funda nú með sameiginlegri sendinefnd Bandaríkjanna og Evrópusambandsins í Katar. Ný stjórnvöld í Afganistan sækjast eftir viðurkenningu alþjóðasamfélagsins og neyðaraðstoð vegna fátæktar og mikilla þurrka.Fulltrúi Evrópusambandsins segir ekki á dagskrá fundarins að samþykkja ríki Talibana.
Jákvæðar og markvissar viðræður í Katar
Talibanar segja viðræður við bandaríska sendinefnd í Katar um helgina hafa verið jákvæðar. Þetta var fyrsti fundurinn þar sem sendinefndir Bandaríkjanna og talibana sátu saman síðan talibanar tóku völdin í Afganistan, að lokinni tuttugu ára hersetu Bandaríkjahers í landinu.
11.10.2021 - 02:54
Bandaríkin funda með talibönum í Katar
Samninganefnd Bandaríkjanna heldur í dag í fyrsta sinn til fundar við talibana eftir að Bandaríkjaher fór frá Afganistan. Fundurinn verður haldinn í dag og á morgun í Doha, höfuðborg Katar. Talsmaður bandaríska utanríkisráðuneytisins segir Bandaríkjastjórn hafa verið í stöðugu sambandi við talibana eftir að þeir tóku aftur völdin í Afganistan í lok ágúst, um það leyti sem Bandaríkjaher hvarf á braut.
09.10.2021 - 00:49
Íbúar í Katar ganga til kosninga í dag
Íbúar furstadæmisins Katar á Arabíuskaga ganga í fyrsta skipti til þingkosninga í dag. Sérfræðingar álíta kosningarnar fyrst og fremst þjóna táknrænum tilgangi.
02.10.2021 - 06:58
Utanríkisráðherra Katar heimsótti Afganistan
Utanríkisráðherra Katar fór í stutta opinbera heimsókn til Afganistan í dag. Hann er æðsti erlendi ráðamaðurinn sem hefur komið til Afganistan síðan Talibanar tóku völd um miðjan ágúst. Ráðherrann, Sheikh Mohammad bin Abdulrahman Al-Thani, er sagður hafa hitt nokkra ráðherra ríkisstjórnar Talibana en ekki hefur verið greint frá því hvað var rætt.
12.09.2021 - 21:37
Flugvöllurinn í Kabúl opnaður á ný
Flugvöllurinn í Kabúl, höfuðborg Afganistans, hefur verið opnaður aftur. Frá þessu greinir sendiherra Katar í Afganistan. Eins og staðan er nú er flugvöllurinn aðeins opinn fyrir mannúðaraðstoð til borgarinnar en stefnt er að því að farþegaflug hefjist bráðlega.
04.09.2021 - 18:17
Brýnt að veita Afgönum skjóta og trygga neyðaraðstoð
Antonio Guterres aðalframkvæmdastjóri Sameinuðu þjóðanna mun ræða neyðaraðstoð fyrir Afganistan á ráðstefnu í Genf 13. september næstkomandi. Mikil neyð vofir yfir milljónum Afgana.
Afganskar konur mótmæla skorti á kvenkynsráðherrum
Búist er við að greint verði frá samsetningu nýrrar ríkisstjórnar Afganistan eftir síðdegisbænir á morgun, föstudag. Konum er mjög umhugað um skort á kvenkynsráðherrum í væntanlegri ríkisstjórn.
Ólíklegt að konur verði ráðherrar í Afganistan
Háttsettur embættismaður Talibana segir ólíklegt að konur verði meðal æðstu ráðamanna í nýrri ríkisstjórn þeirra í Afganistan. Það segir fréttaskýrandi BBC að sé í mótsögn við orð Talibana fyrir örfáum árum.
Amnesty segir Katar hafa brugðist verkafólki
Mannréttindasamtökin Amnesty International kalla eftir því að Katar efli rannsóknir sínar á dauðsföllum verkamanna við uppbyggingu fyrir heimsmeistaramótið í fótbolta á næsta ári. Amnesty segir mörg dauðsföll óútskýrð.
26.08.2021 - 05:19
Þriðja stærsta borg Afganistan fallin í hendur Talibana
Hersveitir Talibana náðu Herat, þriðju stærstu borg Afganistan, á sitt vald í dag. Hún er höfuðborg samnefnds héraðs í vesturhluta landsins og er því sú ellefta sem Talibanar sölsa undir sig. Borgin er nærri landamærum Írans við hina fornu Silkileið.
Héraðshöfuðborgin Farah fallin í hendur talíbana
Enn ein héraðshöfuðborgin í Afganistan féll í hendur uppreisnarsveita talibana í dag. Bandaríkjastjórn hyggst reyna að fá talibana til að fallast á vopnahlé í landinu.
10.08.2021 - 15:11
Haniyeh endurkjörinn stjórnmálaleiðtogi Hamas
Hamas-samtökin tilkynntu í dag að Ismail Haniyeh hefði verið endurkjörinn stjórnmálaleiðtogi samtakanna. Hann hefur verið leiðtogi samtakanna frá árinu 2017.
Þúsundir verkamanna hafa látist í Katar
Breska dagblaðið Guardian segir að meira en 6500 farandverkamenn hafi dáið í Katar á síðastliðnum áratug eða síðan ákveðið var að heimsmeistarakeppnin í fótbolta 2022 yrði í landinu. Guardian segir að flestir hinna látnu hafi verið frá fimm Asíulöndum, Indlandi, Pakistan, Nepal, Bangladess og Sri Lanka.
23.02.2021 - 12:19
Slaknað hefur á spennu milli Katar og grannríkja
Sættir virðast í sjónmáli í deilum Katar við Sádi-Arabíu, Sameinuðu furstadæmin, Barein og Egyptaland sem staðið hafa í þrjú og hálft ár. Greint var frá þessu á fundi samtaka Persaflóaríkja í Sádi-Arabíu í gær.
06.01.2021 - 09:57
Bjartsýni eykst á að samkomulag náist við Talibana
Afganska ríkisstjórnin getur einbeitt sér að viðureigninni við samtökin sem kenna sig við íslamskt ríki, eða Daesh, gangi friðarviðræður við Talibana eftir. Viðræðurnar hafa staðið yfir í Katar frá því í september.
Pompeo fundar með samninganefndum í Katar
Mike Pompeo utanríkisráðherra Bandaríkjanna hyggst funda með samningamönnum Talibana og afgönsku ríkisstjórnarinnar í dag. Viðræður stríðandi fylkinga Talibana og ríkisstjórnar Afganistan hafa staðið yfir frá 12. september síðastliðnum í Doha í Katar.
Afgönsk stjórnvöld hóflega bjartsýn
Samningamenn afganskra stjórnvalda virtust í dag hóflega bjartsýnir um lausn erfiðra ágreiningsmála í friðarviðræðum við Talíbana. Friðarviðræðurnar hófust í Doha í Katar í gær.
13.09.2020 - 18:18
Eldflaugaárásir Hamas á Ísrael magnast
Ísraelskar herþotur réðust á skotmörk á Gaza síðastliðna nótt. Með atlögunni var brugðist við eldflaugaárás Hamas-liða á bæinn Sderot í suðurhluta Ísraels, rétt handan landamæranna. Eldflaugavarnir Ísraela stöðvuðu sex flaugar en ein sprakk á þaki húss í bænum án þess að manntjón yrði.
21.08.2020 - 17:55
Hefur engar áhyggjur af rannsókn Frakka
Hassan Al Thawadi, formaður skipulagsnefndar Katars vegna HM 2022 í fótbolta, segir að stjórnvöld þar í landi hafi engar áhyggjur af rannsókn Frakka á meintri spillingu við valið. Michel Platini, fyrrverandi forseti Knattspyrnusambands Evrópu, UEFA, var yfirheyrður í nokkrar klukkustundir af frönskum rannsakendum á miðvikudag vegna málsins.
22.06.2019 - 08:17
Emírnum af Katar boðið til Sádi Arabíu
Sheikh Tamim bin Hamad Al Thani, emírinn af Katar, fékk boð frá Salman konungi Sáda um sæti á aukafundi samvinnunefndar Flóaríkja, GCC, 30. maí. Al Jazeera hefur þetta eftir yfirlýsingu frá utanríkisráðuneytinu í Katar. Utanríkisráðherann Sheikh Mohammed bin Abdulrahman Al Thani tók við boðinu af formanni GCC, Abdullatif bin Rashid Al Zayani, í Doha í gær. 
27.05.2019 - 06:27