Færslur: Íslensk erfðagreining

Már kemur að Pfizer-viðræðum sem vísindamaður
Már Kristjánsson, yfirlæknir smitsjúkdómadeildar Landspítalans, verður ásamt Þórólfi Guðnason sóttvarnalækni og Kára Stefánssyni, forstjóra Íslenskrar erfðagreiningar, á fundinum með fulltrúum bandaríska lyfjaframleiðandans Pfizer í dag. Þetta staðfestir aðstoðarmaður forstjóra Landspítalans í samtali við Fréttastofu RÚV. Már kemur að viðræðunum sem vísindamaður á sviði smitsjúkdóma.
Myndskeið
Kári Stefánsson: Aldarfjórðungs æfing fyrir COVID-19
Íslensk erfðagreining hlaut í dag UT-verðlaunin fyrir árið 2021 fyrir framlag sitt til baráttunnar við kórónuveiruna. Verðlaunin voru veitt á UT-messunni sem nú stendur yfir, en hátíðin er stærsti viðburður ársins í tölvugeiranum. Kári Stefánsson, forstjóri Íslenskrar erfðagreiningar, segir að líta megi svo á að það sem fyrirtækið hefur unnið að undanfarin 25 ár, hafi verið æfing til þess að takast á við COVID-19.
48 nýir breytileikar í erfðamengi mannsins
Rannsókn sem gerð var á Íslandi, Danmörku og Bretlandi leiðir í ljós að 62 erfðabreytileikar hafa áhrif á járnefnaskipti í líkamanum. Í fréttatilkynningu frá Íslenskri erfðagreiningu kemur fram að rannsóknin hafi tekið til um 250 þúsund manns og sé sú langstærsta á sínu sviði.
Heimskviður
Mun fleiri smitaðir en staðfestar tölur segja
Í síðustu viku fór tala staðfestra kórónuveirusmita í heiminum yfir hundrað milljónir. Ragnar Bjartur Guðmundsson, markaðssérfræðingur, sem heldur úti ítarlegum gagnagrunni um heimsfaraldurinn, telur að raunveruleg tala smita sé á fimmta hundrað milljóna. Bogi Ágústsson ræddi við hann í Heimskviðum um farsóttina, mismunandi leiðir þjóða til að verjast veirunni, sænsku aðferðina svonefndu og fleira um COVID-19.
Viðtal
Kári:Getum haldið útbreiðslu breska afbrigðis í skefjum
Aðferðir hérlendis til að halda smitum í lágmarki hafa dugað á meðan smit hafa blossað upp annars staðar, segir Kári Stefánsson forstjóri Íslenskrar erfðagreiningar. Hann segir að þótt breska afbrigði veirunnar reynist smitnæmara en önnur þá sé hægt að halda því í skefjum. 
Myndskeið
Veirutækið líklega tekið í notkun í næstu viku
Vonir standa til að hægt verði að greina sýni fyrir kórónuveirunni í nýju veirugreiningartæki í næstu viku á sýkla- og veirufræðideild Landspítalans. Forstjóri Íslenskrar erfðagreiningar segir það ekki hafa gerst með leifturhraða að koma tækinu í notkun. 
Myndskeið
Börn í 5. - 7. bekk mega vera grímulaus
Grímuskylda grunnskólabarna í 5. til 7. bekk verður afnumin frá og með miðvikudegi og tveggja metra reglan líka. Tveir nýir kórónuveirustofnar sem valdið hafa hópsýkingum tengjast Póllandi og Bretlandi.
Viðtal
„Er ekki tími til að þau gangi bara hreint til verks“
Upplýsingafulltrúi Íslenskrar erfðagreiningar furðar sig á því að þeir þingmenn Sjálfstæðisflokksins sem hvað harðast ganga fram í gagnrýni á sóttvarnaaðgerðir, komi ekki fram með aðrar lausnir. 
Kári um nýtt bóluefni: „Lítur alveg gífurlega vel út“
Kári Stefánsson forstjóri Íslenskrar erfðagreiningar telur að bóluefnið sem lyfjafyrirtækin Pfizer og BioNTech kynntu í gær dugi til að stöðva kórónuveirufaraldurinn.
Samfélagið
4% Íslendinga finna enga fiskifýlu
Hæfileikinn til þess að umbera fiskifýlu og þykja hún jafnvel góð er langalgengastur hér á landi. Rósa Gísladóttir er á meðal þeirra sem gerður rannsókn Íslenskrar erfðagreiningar á lyktarskyni. Hún segir að sumir finni ekki ógeðsfýluna sem flestir þekkja af skötu, hákarli eða úldnum fiski og að það séu erfðir sem stjórna því.
26.10.2020 - 11:54
Allir sem hafa fengið COVID-19 boðaðir í stóra rannsókn
Umfangsmikil rannsókn á eftirköstum COVID-19 er hafin hjá Íslenskri erfðagreiningu. Fyrirtækið ætlar að boða alla Íslendinga sem hafa fengið sjúkdóminn í rannsóknir. Tilgangurinn er að kortleggja eftirköst sjúkdómsins. Von er á fyrstu niðurstöðum eftir nokkrar vikur.
Kári: Líkur á að við fáum núna myndarlega bylgju
Herða þarf sóttvarnaaðgerðir eins fljótt og kostur er vegna þess fjölda kórónuveirusmita sem greinst hefur undanfarna daga. Þetta segir Kári Stefánsson forstjóri Íslenskrar erfðagreiningar. Hann segir að líkur séu á fjölda smita á næstunni.
17.09.2020 - 12:31
Enginn starfsmaður Íslenskrar erfðagreiningar smitaður
Enginn starfsmaður Íslenskrar erfðageiningar sem skimaðir voru í gær fyrir COVID-19 er smitaður af kórónuveirunni. Allir starfsmenn fyrirtækisins sem störfuðu á sömu hæð og smitaður starfsnemi voru skimaðir.
17.09.2020 - 09:56
Skima allt starfsfólk ÍE vegna smits
Íslensk erfðagreining skimar allt starfsfólk sitt í dag eftir að smit kom upp hjá starfsnema úr Háskólanum í Reykjavík sem vann að verkefni í húsnæði Íslenskrar erfðagreiningar. Allir sem unnu á sömu hæð og starfsneminn voru skimaðir í gær og sendir í sóttkví.
16.09.2020 - 14:04
Viðtal
Kári rukkar ekki íslenska ríkið fyrir skimun
Kári Stefánsson, forstjóri Íslenskrar erfðagreiningar, á ekki von á því að rukka íslenska ríkið fyrir útlagðan kostnað fyrirtækisins vegna skimunar á landamærum. Hann segir fráleitt að hann ætli að setja á fót farsóttarstofnun fyrir íslenska ríkið, en það sé brýnt að stjórnvöld geri það.
Sinfóníuhljómsveitin í sýnatöku í dag 
Allir hljóðfæraleikarar Sinfóníuhljómsveitar Íslands fara í sýnatöku í dag. Fyrsta tónleikavika starfsársins hefst á mánudag og Íslensk erfðagreining hefur fallist á að skima hljóðfæraleikara og annað starfsfólk hljómsveitarinnar í sóttvarnarskyni. Lára Sóley Jóhannsdóttir framkvæmdastjóri Sinfóníuhljómsveitarinnar segir í samtali við fréttastofu að í framhaldinu verði skoðað hvort starfsfólk verður skimað reglulega.  
Niðurstöður seinni sýnatöku neikvæðar en ekkert mótefni
Íbúi á Hlíf, íbúðakjarna fyrir aldraða á Ísafirði, sem greindist með kórónuveiruna eftir sýnatöku á laugardaginn, greindist ekki með veiruna í annarri sýnatöku. Niðurstöður mælinga fyrir mótefni gegn veirunni reyndust einnig neikvæðar hjá viðkomandi. Gylfi Ólafsson, forstjóri Heilbrigðisstofnunar Vestfjarða, staðfesti þetta við fréttastofu. Hann fagnar því að ekkert smit hefur komið upp á Vestfjörðum síðan.
Myndskeið
Greina sýni langt fram á kvöld í Vatnsmýri
Formlegt samstarf Landspítalans og Íslenskrar erfðagreiningar við greiningu sýna hófst í morgun og eru flest þeirra nú greind hjá ÍE. Síðustu fjórar vikur hefur langmest verið greint hjá veirufræðideild Landspítalans. Fjögur innanlandssmit voru staðfest í gær. 
Myndskeið
Verðum að taka okkur á, segir landlæknir
Aðeins þrjú smit greindust innanlands í gær. Tveir liggja nú á sjúkrahúsi. Sóttvarnalæknir segir fyrst og fremst áskorun að fá fólk til að fara að reglunum. Við verðum að taka okkur á, segir landlæknir.
Enn að meta hvað hann leggur til við ráðherra
Þórólfur Guðnason sóttvarnalæknir segist enn vera að meta hvað hann leggur til við Svandísi Svavarsdóttur heilbrigðisráðherra, en hann vill ekki íþyngjandi aðgerðir. Honum líst ekki á fregnir frá í gærkvöldi um alltof þéttsetna veitinga- og skemmtistaði í miðbæ Reykjavíkur.
Íslensk erfðagreining skimar fólk í sóttkví
Skimun fólks í sóttkví hófst í bílakjallara við hús Íslenskrar erfðagreiningar í Vatnsmýrinni í morgun. 600 voru kallaðir í sýnatöku, þar af er áformað að skima 400 í dag.
05.08.2020 - 13:26
Níu ný smit innanlands
Níu ný smit greindust innanlands í gær, öll á sýkla- og veirufræðideild Landspítalans, en þar voru skimaðir 436. Enn er óvíst hversu margir þeirra smituðu voru í sóttkví.
Viðtal
9% þeirra sem greindust með COVID-19 ekki með mótefni
Kári Stefánsson, forstjóri Íslenskrar erfðagreiningar, segir engin merki um að mótefni gegn COVID-19 minnki fljótt eftir að fólki batnar. Níu prósent þeirra sem greindust smituð eru ekki með mótefni.
05.08.2020 - 07:00
Enginn smitaður í 612 manna úrtakinu á Akranesi
Enginn reyndist smitaður af COVID-19 í skimun Íslenskrar erfðagreiningar á slembiúrtaki íbúa Akraness. Alls voru 612 íbúar skimaðir í dag, tæplega tíu prósent Skagamanna. Kári Stefánsson, forstjóri Íslenskrar erfðagreiningar, greindi frá þessu við fréttastofu.
02.08.2020 - 22:14
Kári segir stöðuna alvarlegri en í vor
„Þegar faraldurinn barst til Íslands í byrjun mars var veiran að lauma sér hingað frá mörgum löndum. Þá gátum við gripið fólk og sett það í sóttkví. Nú eru að greinast hér samfélagssmit. Það er miklu verra, því þá er þetta bara að breiðast út í okkar samfélagi,“ segir Kári Stefánsson, forstjóri Íslenskrar erfðagreiningar, í samtali við fréttastofu. Hann segir að á morgun muni hann fara yfir stöðuna á fundi með Þórólfi Guðnasyni sóttvarnalækni og Ölmu Möller landlækni.