Færslur: Innlent

Æðrulausir Eyjamenn skemmta sér innan takmarkana
Annað árið í röð var Þjóðhátíð í Vestmannaeyjum aflýst og engin formleg dagskrá. Bæjarstjórinn segir Eyjamenn taka þessu af æðruleysi og reyna að skemmta sér innan marka þeirra takmarkana sem nú eru við lýði.
31.07.2021 - 12:45
Ánægð með uppfærð markmið, en ósátt við slóðana
Hundrað og tíu ríki hafa sent skrifstofu loftslagssamnings Sameinuðu þjóðanna uppfærð landsmarkmið, í aðdraganda 26. Loftslagsþings Sameinuðu þjóðanna sem fer fram í Glasgow í Skotlandi í desember. Fjögur af hverjum tíu ríkjum sem eiga aðild að samningnum trössuðu það hins vegar. „Betur má ef duga skal,“ segir Patricia Espinosa, framkvæmdastjóri Loftslagsskrifstofunnar.
Tjaldsvæði á góðviðrissvæðum vel sótt og sum hótel full
Starfsmaður tjaldsvæðanna í Fjallabyggð hyggst sýna útsjónarsemi um helgina til að halda djammi í skefjum og fjölskyldufólki ánægðu. Tjaldsvæðin á Siglufirði eru vel sótt og öll herbergi á Hótel Sigló uppbókuð. Töluverð aðsókn er líka á tjaldsvæðið í Tungudal á Ísafirði.
30.07.2021 - 16:10
Nábrókin heldur velli og búist við rífandi stemmningu
Smáhátíðin Nábrókin í Trékyllisvík á Ströndum er ein örfárra sem fara fram um verslunarmannahelgina þrátt fyrir veirutakmarkanir. Þau sem mæta á fjárhústónleika í kvöld þurfa að skrá sig í stíu. Skipuleggjandinn býst ekki við holskeflu vestur.
30.07.2021 - 15:49
Viðbúnaður í Vestmannaeyjum og víðar um land
Yfirlögregluþjónn í Vestmannaeyjum á von á því að stórir hópar brottfluttra Eyjamanna flykkist heim um helgina auk gesta. Þó að Þjóðhátíð hafi formlega verið aflýst komi fjölskyldur og vinahópar saman og haldi í hefðina. Aukinn viðbúnaður verður hjá lögreglu um helgina og þrefalt fleiri á vakt en alla jafna. Flestar hátíðir hafa verið blásnar af og víða býst lögregla við rólegri verslunarmannahelgi, viðbúnaður hefur þó verið aukinn á sumum stöðum og bætt í umferðareftirlit.
Telur ferðalanga geta átt rétt á fullri endurgreiðslu
Hárauð lönd, varnaðarorð stjórnvalda og kröfur um sóttkví geta vel réttlætt það að ferðaskrifstofur endurgreiði viðskiptavinum sem vilja hætta við utanlandsferðir að fullu. Þetta segir Breki Karlsson, formaður Neytendasamtakanna. Tómas J. Gestsson, framkvæmdastjóri Heimsferða, er ekki sammála þessari túlkun, en segir að reynt sé að koma til móts við alla farþega. Nokkur fjöldi fólks sem vill slaufa fyrirhuguðum ferðum hefur í vikunni leitað liðsinnis Neytendasamtakanna. 
Landlæknir segir næstu vikur ráða úrslitum
Níutíu og sex greindust með kórónuveiruna innanlands í gær, hið minnsta. Á fimmta þúsund sýni voru tekin og enn ekki búið að greina þau öll. Landlæknir segir aðgerðirnar sem nú eru í gildi til komnar vegna óvissu um hversu illa Delta-afbrigðið eigi eftir að leika samfélagið.
27.07.2021 - 12:17
Stóraukin framlög til flokka og víða vænn kosningaforði
Framlög ríkisins til stjórnmálaflokka hafa stóraukist á síðastliðnum árum. Sjálfstæðisflokkurinn er sá stjórnmálaflokkur sem stóð sterkast að vígi fjárhagslega í árslok 2019 og er líklega með besta kosningaforðann nú. Næstbest stóð Samfylkingin en minnst var í veski Sósíalistaflokksins. 
Fréttaskýring
Óvissa um endurvinnslu á rafbílarafhlöðum hérlendis
Kostnaðurinn við förgun á rafhlöðu úr rafbíl hleypur í dag á hundruðum þúsunda. Ekkert úrvinnslugjald er enn lagt á rafhlöðurnar og óljóst hver skuli ábyrgjast förgunina til framtíðar. Framkvæmdastjóri Brimborgar er vongóður um að málið leysist farsællega en þar á bæ er stefnt að því að geyma úr sér gengnar rafhlöður í gámi þar til málin skýrast.
26.07.2021 - 14:48
Vill að spítalinn geri upp COVID-fórnir í lok faraldurs
Formaður Læknafélags Íslands telur að spítalinn þurfi að bæta starfmönnum upp þær fórnir sem þeir hafi fært í heimsfaraldrinum. Tilmæli um að búa til sumarkúlu og forðast mannamót séu stórt inngrip í einkalíf fólks. Þá eigi læknar margir á hættu að réttur þeirra til símenntunar fyrnist vegna faraldursins. 
22.07.2021 - 16:34
Heimstaden hyggst ekki stórlækka verð að fordæmi Bjargs
Leigufélagið Heimstaden hyggst ekki taka áskorun varaformanns Íbúðafélagsins Bjargs um að stórlækka leiguna. Framkvæmdastjóri Heimstaden á Íslandi segir að félagið hafi ekki kost á að endurfjármagna öll lán sín með sama hætti og Bjarg. Leiguverð ráðist fyrst og fremst af framboði og eftirspurn. 
22.07.2021 - 16:23
Hundrað komast í bólusetningu í höfuðborginni á dag
Ásókn í bólusetningu hjá Heilsugæslunni á höfuðborgarsvæðinu hefur aukist mikið síðustu daga. Framkvæmdastjóri lækninga segir að líklega verði fólki sem fékk Janssen-efnið ekki gefin önnur sprauta fyrr en í ágúst, en heilsugæslan bíði fyrirmæla sóttvarnalæknis. 
Viðtal
„Ef þetta væri inflúensufaraldur væru viðbrögðin eins“
Landspítalinn sinnir nú hátt í 300 COVID-sjúklingum sem langflestir eru bólusettir. Enn sem komið er eru einkenni meginþorra þeirra væg. Runólfur Pálsson, yfirmaður COVID- göngudeildarinnar telur brýnt að grípa til aðgerða til að hefta útbreiðslu. Ekki sé hægt að taka mið af fjölda fólks með alvarleg einkenni því staðan geti breyst hratt. Hann segir ekki hægt að líkja sýkingunni við inflúensu og telur það samfélagslega skyldu að vernda fólk í áhættuhópi.
„Við bara setjum undir okkur hausinn“
Um sjötíu dvelja nú í einangrun í farsóttarhúsum og von á fleirum í kvöld að sögn Gylfa Þórs Þorsteinssonar, umsjónarmanns farsóttarhúsa. Nýju hraðprófin hafa aðeins þyngt róðurinn þar í dag. Gylfi segist vera orðinn leiður á kórónuveirunni en að nú þurfi að setja undir sig hausinn. 
Tjaldsvæði dusta rykið af ársgömlum sóttvarnatilmælum
Forsvarsmenn tjaldsvæða landsins eru sumir farnir að dusta rykið af sóttvarnaleiðbeiningum sem stjórnvöld gáfu út í fyrra. Aðrir láta nægja að fylla á sprittið. Framkvæmdastjóri tjaldsvæðisins á Egilsstöðum batt vonir við að erlendir ferðamenn tækju við af Íslendingum í haust og vetur en segir blikur á lofti vegna bylgjunnar nú. 
21.07.2021 - 14:31
Aukið álag í sýnatöku og erfitt að ráða starfsfólk
Álag á starfsfólk sem sinnir COVID-sýnatöku hefur aukist töluvert síðustu daga og helst þyrfti að fjölga í hópnum. Verkefnastjóri hjá Heilsugæslu höfuðborgarsvæðisins býst við mikilli aðsókn í dag. 
21.07.2021 - 11:38
Sjónvarpsfrétt
Óttast að friðlýsing kippi fótunum undan sjódrekaflugi
Maður sem iðkar sjódrekaflug í Skerjafirði við Álftanes segir áform um að friðlýsa svæðið til þess fallin að kippa fótunum undan íþróttinni, í það minnsta á höfuðborgarsvæðinu. Friðlýsingaráformin byggja á því að fuglalífið á svæðinu hafi alþjóðlegt mikilvægi. 
19.07.2021 - 21:45
Vildu burt en líklega ekki til Íslands
Fjórir laumufarþegar uppgötvuðust á dögunum um borð í skipi sem var á leið til Brasilíu frá Senegal að sækja súrál fyrir álverið í Straumsvík. Þeim var ekki hleypt frá borði í Brasilíu og úr varð að þeir sigldu með skipinu alla leið til Íslands.
13.07.2021 - 13:08
Stefna að þróun græns orkugarðs á Reyðarfirði
Á dögunum undirrituðu Fjarðabyggð, Landsvirkjun og Copenhagen Infrastructure Partners (CIP) viljayfirlýsingu þess efnis að kanna kostina við að þróa grænan orkugarð á Reyðarfirði. Til að byrja með verður skoðað hverjir eru kostir þess að framleiða rafeldsneyti með vetni á Reyðarfirði.
12.07.2021 - 16:53
Strætisvagnaþök verða hleðsluvöggur fyrir flygildi
Strætó og Svarmi, íslenskt fyrirtæki á sviði fjarkönnunar, gegna stóru hlutverki í Evrópuverkefni sem gengur út á að flygildi, eða drónar, noti strætisvagna sem nokkurs konar ferðahleðsluvöggur. Alls eru 30 aðilar frá átta Evrópulöndum, þar á meðal Finnlandi og Austurríki, þátttakendur í verkefninu sem er styrkt af nýsköpunarsjóði Evrópusambandsins, Horizon 2020, en Tækniþróunarsjóður styrkir íslenska hluta verkefnisins.
12.07.2021 - 15:43
Upplýsingakerfi auðveldar ferðalöngum ferðalagið
Íslandi miðar vel áfram í bólusetningum en nú eru rúmlega 80% landsmanna 16 ára og eldri fullbólusett. Næsta víst er að einhverjir stefna á ferðalög út fyrir landsteinana nú þegar ferðatakmörkunum hefur verið aflétt innanlands og margir orðnir fullbólusettir.
12.07.2021 - 11:51
Meðallaunin 794 þúsund krónur á mánuði
Regluleg laun launafólks í fullu starfi á síðasta ári voru að meðaltali 670 þúsund krónur en um helmingur launþega var með regluleg laun á bilinu 480-749 þúsund krónur. Sé litið til heildarlauna var helmingur með laun á bilinu 570-908 þúsund krónur á mánuði, eða að meðaltali 794 þúsund krónur.
12.07.2021 - 11:13
Heildarfjöldi frjókorna á Akureyri sá mesti síðan 2005
Heildarfjöldi frjókorna sem mældist á Akureyri í liðnum júnímánuði er sá mesti frá árinu 2005. Það virðist því ekki hafa komið að sök að kalt væri í veðri á Norðurlandi framan af júnímánuði. Þetta kemur fram í tilkynningu frá Náttúrufræðistofnun Íslands.
Hiti gæti náð 25 gráðum
Veðurstofan gerir ráð fyrir blíðviðri um mest allt landið næstu daga en þó hvergi eins og norðaustantil þar sem hitinn gæti komist í 25 gráður.
28.06.2021 - 07:04
Innlent · Veður · Innlent · veður
Útlendingastofnun tjáir sig ekki um úrskurð kærunefndar
Forsvarsmenn Útlendingastofnunar telja ekki tilefni til að tjá sig um niðurstöðu Kærunefndar útlendingamála í málum tveggja palestínskra hælisleitenda. Nefndin komst í síðustu viku að þeirri niðurstöðu að stofnunin hafi ekki haft lagaheimild til að vísa hópi palestínskra hælisleitanda á götuna og svipta þá fæðispeningum.