Færslur: Húsavík
„Engan langar að fara eins og er“
Slökkt var á ofni Kísilverksmiðju PCC á Bakka við Húsavík í dag. Starfsemi í verksmiðjunni er þar með formlega hætt, í bili að minnsta kosti. Rúmenskir feðgar sem misstu vinnuna hjá fyrirtækinu segja mikla óvissu fram undan.
29.07.2020 - 16:00
Jarðskjálfti sem mældist 4,7 stig mældist norð-norðvestur af Gjögurtá laust eftir klukkan þrjú í nótt.
19.07.2020 - 04:43
Enn er unnið við að dæla vatni úr fráveitukerfinu á Siglufirði og miðar vel að sögn Ámunda Gunnarssonar slökkviðliðsstjóra Slökkviliðs Fjallabyggðar.
18.07.2020 - 23:37
Vatn flæddi í kjallara stjórnsýsluhússins á Húsavík í dag og í fleiri kjallara vegna úrkomu. Dýpt vatnsins í stjórnsýslukjallarans var eitt fet, segir slökkviliðsstjórinn. Slökkviliðið hefur nýlokið við að losa úr grindum í Búðará til að varna því að áin flæddi yfir bakkana. Hún hefur þegar flætt yfir göngustíg.
18.07.2020 - 16:15
Vonar að Eurovision-safn á Húsavík verði að veruleika
Heimsóknir á síðu Húsavíkurstofu hafa margfaldast eftir frumsýningu Eurovision-myndar Will Ferrells. Hinrik Wöhler, forstöðumaður Húsavíkurstofu, segir að hann finni fyrir miklum áhuga á kaupstaðnum erlendis frá. Hann segist spenntur fyrir hugmyndum um að reisa Eurovision-safn í bænum. Rætt var við Hinrik í Morgunútvarpi Rásar 2 í morgun.
09.07.2020 - 09:26
Öllum starfsmönnunum 80 sem sagt hefur verið upp störfum hjá Kísilveri PCC á Bakka býðst tímabundin vinna í sláturvertíðinni í haust. Þekkinganet Þingeyinga hyggst greiða götu þeirra sem vilja fara í nám. Sveitarstjóri Norðurþings hefur óskað eftir viðræðum við stjórnvöld um frekari uppbyggingu á Bakka.
07.07.2020 - 18:50
Mikið annríki var hjá lögreglunni á Akureyri í nótt. Tveir gistu fangageymslur og er annar þeirra grunaður um líkamsárás.
28.06.2020 - 08:28
Bjarni Benediktsson, fjármálaráðherra, segir tímabundna lokun kísilvers PCC á Bakka mikið högg fyrir atvinnulíf í Norðurþingi. Starfsemi PCC hafi ásamt ferðaþjónustu stuðlað að mikilli uppbyggingu á svæðinu og því sé það mikið áhyggjuefni að báðar þessar greinar glími við erfiðleika.
26.06.2020 - 16:01
Nýr héraðsfréttamiðill á Norðurlandi hefur göngu sína í næstu viku, en hann verður til með sameiningu tveggja rótgróinna héraðsfréttamiðla, Vikudags og Skarps.
26.06.2020 - 15:46
Ekkert verður af heimsfrumsýningu á Eurovision-mynd Wills Ferrell í íþróttahúsinu á Húsavík eins og til stóð þar sem ekki fékkst tilskilið leyfi hjá Netflix. Þess í stað eru bæjarbúar hvattir til að safnast saman í heimahúsum og horfa saman á myndina.
26.06.2020 - 13:43
Unnið er að því að finna þeim sem missa vinnuna hjá kísilveri PCC á Bakka ný störf á svæðinu. Forstjóri Landsvirkjunar segir ótímabært að tjá sig um áhrif tímabundinnar lokunar verksmiðjunnar.
26.06.2020 - 12:30
Vonir standa til að kvikmyndin Eurovison Song Contest: The Story of Fire Saga verði heimsfrumsýnd í íþróttahöllinni á Húsavík.
23.06.2020 - 16:19
„Við þurfum að halda ró okkar,“ segir Kristján Þór Magnússon, sveitarstjóri Norðurþings, um andlát sem varð á Húsavík í gær. Þá lést ástralskur ferðamaður um fertugt, sem reyndist smitaður af COVID-19 veirunni. Maðurinn lést stuttu eftir að hann kom á Heilbrigðisstofnun Norðurlands á Húsavík, en þangað kom hann vegna alvarlegra veikinda. Dánarorsök liggur ekki fyrir en sjúkdómseinkennin voru ekki dæmigerð fyrir COVID-19, að því er segir í tilkynningu frá almannavörnum.
17.03.2020 - 14:34
Ástralskur ferðamaður á fertugsaldri sem leitaði til Heilbrigðisstofnunar Norðurlands á Húsavík vegna alvarlegra veikinda í gær reyndist smitaður af veirunni sem veldur COVID-19 sjúkdómnum. Þetta kemur fram í tilkynningu frá almannavörnum. Maðurinn lést stuttu eftir komuna á stofnunina. Dánarorsök liggur ekki fyrir en sjúkdómseinkennin voru ekki dæmigerð fyrir COVID-19. Unnið er að því að skera úr um dánarorsökina, að því er fram kemur í tilkynningunni.
17.03.2020 - 13:18
Lögreglan á Norðurlandi eystra hafði í mörg horn að líta í nótt og í gærkvöld. Fólk sat fast með bíla sína á Tjörnesi á áttunda tímanum í gærkvöld þar sem var kolvitlaust veður og segir lögreglan að einhver börn hafi verið í bílunum. Björgunarsveit frá Húsavík kom fólkinu til bjargar.
29.02.2020 - 12:05
„Þegar samkeppnin er hörð, þá verður maður bara að gera eitthvað,“ segir Sigurjón Benediktsson, eigandi og stjórnandi Húsavík Cottages sem býður fría gistingu gegn því að fólk moki sig að bústöðum gistiþjónustunnar.
19.02.2020 - 12:33
Kostnaður við nýja vatnsrennibraut í sundlauginni á Húsavík var um 30 milljónum króna meiri en áætlað var. Í úttekt á verkinu eru gerðar alvarlegar athugasemdir við undirbúning og eftirlit með fjárfestingunni.
26.01.2020 - 09:29
Rafmagn fór af kísilveri PCC á Bakka við Húsavík í gærmorgun og var þar alveg rafmagnslaust til klukkan rúmlega þrjú eftir hádegi. Þá fékk verksmiðjan heimild Landsnets til að taka upp álag og gangsetja annan tveggja ofna sinna á ný. Í færslu á Facebook-síðu PCC Bakka segir að afl hafi farið af ofnum verksmiðjunnar vegna bilunar í spennivirki Landsnets. Neyðarskorsteinar séu því opnir og ofnar að kólna, og því geti fólk orðið vart við lykt.
15.12.2019 - 01:42
Slökkva þurfti á báðum ofnum kísilvers PCC á Bakka í lok síðustu viku eftir að stoðkerfi ofnanna hætti að virka. Framkvæmdastjóri PCC segir enga hættu hafa skapast en töluverðan reyk lagði frá verksmiðjunni.
26.11.2019 - 11:48
Óvenjumargir hvalir eru í Skjálfandaflóa núna en um 30 hnúfubakar hafa sést í ferðum síðustu daga. Tíðin er búin að vera góð í nóvember og hægt var að sigla í blíðskaparverði alla daga mánaðarins.
25.11.2019 - 15:58
Sjóböðin á Húsavík hlutu í gær nýsköpunarverðlaun ferðaþjónustunnar árið 2019. Samtök ferðaþjónustunnar standa að valinu og voru verðlaunin nú veitt í sextánda sinn.
12.11.2019 - 13:10
Náttúrustofa Norðausturlands hefur tekið saman útbreiðslu kerfilstegunda í landi Húsavíkur, allt frá Bakka að Saltvík. Kerfill þekur í það minnsta tæplega 50.000 fermetra, sem er á við sjö fótboltavelli.
15.08.2019 - 12:20
Klukkan hálf átta í kvöld var Björgunarsveitin Garðar á Húsavík kölluð út vegna manns á seglbretti sem lenti í vandræðum á Skjálfanda. Björgunarsveitarfólk fór út á flóann á tveimur björgunarbátum en maðurinn komst í land af sjálfsdáðum.
31.05.2019 - 19:50
Héraðsdómur Norðurlands eystra féllst í dag á kröfu lögreglunnar nyrðra um farbann yfir tveimur starfsmönnum PCC á Bakka við Húsavík, sem grunaðir eru um hættulega líkamsárás hvor á annan. Að sögn varðstjóra hjá lögreglunni á Akureyri voru mennirnir færðir fyrir dómara í Héraðsdómi Norðurlands eystra í kvöld, og úrskurðaði hann tvímenningana í þriggja mánaða farbann. Voru þeir látnir lausir að svo búnu.
04.11.2018 - 23:22
Fulltrúar Framsýnar og Þingiðnar skrifuðu í dag undir sérkjarasamning við kísilver PCC á Bakka. Samningurinn nær til um 70 af þeim 100 starfsmönnum sem munu starfa hjá fyrirtækinu og gildistíminn er til næstu áramóta þegar kjarasamningar renna út á almenna vinnumarkaðnum.
19.03.2018 - 17:20
