Færslur: Hrunið

Spegillinn
Áratugur sem einkennst hefur af vantrausti
Stjórnmálafræðiprófessor segir að þessi áratugur hafi einkennst af mjög miklu vantrausti. Algjör umpólun hafi orðið í íslenskum stjórnmálum sem hafi litast af því að menn séu að vinna sig út úr hruninu.
27.12.2019 - 17:00
 · Innlent · Stjórnmál · Hrunið
Viðtal
Varð óglatt við lestur á skýrslu um Landsbankann
Svein Harald Øygard, fyrrverandi Seðlabankastjóri, segir að honum hafi orðið svo flökurt þegar hann las skýrslu um starfsemi innan Landsbankans að hann hafi þurft að fara afsíðis. Hann segir að meira hefði mátt gera til að eltast við fjármagn sem komið hafi verið undan úr landi eftir hrun.
24.11.2019 - 16:43
Bótamáli gegn Ólafi og Hreiðari vísað frá dómi
Héraðsdómur Reykjavíkur vísaði í dag frá dómi tveimur skaðabótamálum sem Samtök sparifjáreigenda höfðuðu vegna hruns Kaupþings og mála sem því tengjast. Samtökin kröfðu þá Hreiðar Má Sigurðsson, fyrrverandi forstjóra bankans, og Ólaf Ólafsson, einn aðaleiganda Kaupþings, um rúmar 900 milljónir hvoran um sig. Samtökin töldu að með lögbrotum sínum á mánuðunum fyrir hrun hefðu Ólafur og Hreiðar Már skaðað hagsmuni hluthafa í bankanum.
18.10.2019 - 15:12
Fær að dæma í markaðsmisnotkunarmáli
Sérfróður meðdómsmaður í markaðsmisnotkunarmáli Glitnis þarf ekki að víkja sæti þrátt fyrir að hafa um fimm ára skeið unnið fyrir slitastjórn bankans. Héraðssaksóknari vildi að Hreggviður Ingason viki sæti sem meðdómsmaður þegar málið verður tekið fyrir í Landsrétti. Ákæruvaldið vísaði meðal annars til dóms Mannréttindadómstóls Evrópu sem taldi að draga mætti í efa að hæstaréttardómari væri óvilhallur vegna starfa sonar síns hjá Kaupþingi fyrir hrun og slitastjórn bankans eftir hrun.
Vilja kanna stöðu barna tíu árum eftir hrun
 Þingsályktun hefur verið lögð fram á Alþingi um að skipaður verði starfshópur til að meta stöðu barna hér á landi tíu árum eftir hrun. Rósa Björk Brynjólfsdóttir, þingmaður Vinstri grænna er fyrsti flutningsmaður en að tillögunni standa þingmenn úr öllum flokkum. Þetta er í annað sinn sem tillagan er lögð fram.
08.10.2019 - 21:47
CLN-málið: „Ég held að þetta sé komið nóg“
Hörður Felix Harðarson, lögmaður Hreiðars Más Sigurðssonar, fyrrverandi forstjóra Kaupþings, segir ánægjulegt að sjá að héraðsdómur meti sem svo að enginn ásetningur hafi verið hjá þremenningunum í CLN-málinu svokallaða.
04.07.2019 - 12:57
Seldi syninum Lyf og heilsu á eina milljón
Skiptastjóri þrotabús Karls Wernerssonar hefur höfðað fimm riftunarmál til að reyna að endurheimta eignir sem voru fluttar af hans nafni fyrir gjaldþrotið, meðal annars Lyf og heilsu sem sonur hans keypti á eina milljón. Heildarkröfur í búið nema um tólf milljörðum.
22.12.2018 - 12:24
Hætt við mál gegn bankaráði – samið um kostnað
Gamli Landsbankinn, LBI ehf., hefur fallið frá tugmilljarða skaðabótamáli á hendur fjórum fyrrverandi bankaráðsmönnum. Greint var frá þessu í réttarhöldunum á mánudag og upplýst að LBI og bankaráðsfólkið hefði samið um málskostnaðinn. Þá var upplýst að gerður hefði verið samningur við nokkur tryggingafélög um greiðslu milljarða. Máli gegn fjórum fyrrverandi stjórnendum bankans er enn haldið til streitu.
15.11.2018 - 11:12
Hringlið heldur áfram: CLN-málið aftur í hérað
Héraðsdómi Reykjavíkur ber að taka eitt stærsta hrunsakamálið, svokallað CLN-mál, til efnismeðferðar, þvert á fyrri niðurstöðu dómsins, sem vísaði því frá. Landsréttur hefur fellt frávísunina úr gildi og segir að ákveði saksóknari að mál sé nægilega rannsakað til útgáfu ákæru og efnismeðferðar fyrir dómi sé það ekki dómstóla að endurmeta.
06.11.2018 - 11:55
Sigurjón sakar gamla Landsbankann um óbilgirni
Sigurjón Þ. Árnason sakar forsvarsmenn gamla Landsbankans um ósanngirni og óbilgirni með 72 milljarða skaðabótamálum á hendur honum og sjö öðrum stjórnendum bankans fyrir hrun. Sigurjóni varð heitt í hamsi þegar hann lýsti óánægju sinni með málshöfðunina fyrir dómi í morgun, sem varð til þess að Skúli Magnússon héraðsdómari minnti hann á að láta dóma og lýsingarorð, sérstaklega í garð lögmanna, eiga sig.
29.10.2018 - 13:21
„Ég var bara heima hjá mér“
Fátt annað en tíu ára afmæli hrunsins hefur komist í umræðuna síðastliðna daga og keppst er um að rifja upp þennan merkilega tíma í Íslandssögunni.
12.10.2018 - 14:10
Aðalmeðferð á morgun í síðasta hrunmálinu
Aðalmeðferð hefst í Héraðsdómi Reykjavíkur á morgun í máli ákæruvaldsins gegn Hreiðari Má Sigurðssyni og Guðnýju Örnu Sveinsdóttur fyrir umboðs- og innherjasvik. Þetta er síðasta hrunmálið sem fer fyrir dómstóla og fimmta málið gegn Hreiðari. Í dag eru tíu ár síðan íslenska ríkið tók yfir Kaupþing banka.
09.10.2018 - 08:01
Tchenguiz sakar Jóhannes um samsæri gegn sér
Breski auðjöfurinn Robert Tchenguiz sakar lögmanninn Jóhannes Rúnar Jóhannsson um samsæri gegn sér þegar sá síðarnefndi starfaði fyrir slitastjórn Kaupþings. Jóhannes hafi, ásamt endurskoðunarskrifstofunni Grant Thornton, blekkt bresku efnahagsbrotalögregluna, Serious Fraud Office (SFO), til að hefja árið 2011 rannsókn á viðskiptum hans og Vincents bróður hans við Kaupþing, og beitt embætti Sérstaks saksóknara fyrir sig í þeim leiðangri sínum.
08.10.2018 - 20:29
Tíu ár frá hruni
Dæmd til einnar aldar í fangelsi
Samanlagðar refsingar þeirra sem hafa verið sakfelld fyrir efnahagsbrot í aðdraganda hrunsins fylla heila öld. Tíu árum eftir hrun er síðustu dómsmálunum ekki enn lokið. Alls hafa 40 verið dæmd til fangelsisrefsingar vegna brota sem þau frömdu í rekstri fjármálastofnana og fyrirtækja á árunum fyrir hrun. Þeirra á meðal eru eigendur og æðstu stjórnendur bankanna en einnig lægra sett starfsfólk.
10 ár frá hruni
Óttuðust að neyðarlögin færu gegn stjórnarskrá
Setning neyðarlaganna var grundvallaratriði í því að bjarga íslenku efnahagslífi þegar bankarnir féllu. Þetta segir Jóhannes Karl Sveinsson, lögmaður og einn þeirra sem komu að því að semja lögin fyrir nákvæmlega tíu árum. Hann segir að þeir sem tóku þátt í að skrifa neyðarlögin hafi haft mjög miklar áhyggjur af því hvort þau stæðust stjórnarskrá.
05.10.2018 - 19:57
Viðtal
Flestar sjálfsvígstilraunir á toppi góðærisins
Sjálfsvígum og sjálfsvígstilraunum fjölgaði ekki eftir bankahrun, samkvæmt nýrri rannsókn, ólíkt því sem gerst hefur erlendis í svipuðum aðstæðum. Sjálfsvígstilraunir ungra manna voru algengastar á hátindi síðasta góðæris. Rannsakandi segir niðurstöðurnar koma á óvart.
04.10.2018 - 18:03
Viðtal
Lærdómur hrunsins hafi gleymst í átökum
Icesave-málið og Landsdómsmálið stóðu því fyrir þrifum að íslensk stjórnvöld drægju nægilegan lærdóm af efnahagshruninu. Þetta segir Vilhjálmur Árnason heimspekiprófessor, sem fór fyrir teyminu sem ritaði siðfræðihluta rannsóknarskýrslu Alþingis sem kom út 2010. Deilurnar um þessi tvö mál kæfðu að sumu leyti umræðuna um hvað mætti læra af hruninu. Hann segir að stjórnmálamenn hafi í fyrstu lýst miklum vilja til umbóta, sem síðan gleymdust í átökunum um Landsdómsmálið og Icesave. 
30.09.2018 - 15:41
Áratugi tekur að ná trausti á bönkunum
Tíu ár eru í dag síðan fyrsti íslenski bankinn, Glitnir, var yfirtekinn að stórum hluta af ríkinu. Í hönd fóru erfiðustu dagar og mánuðir í efnahagslífi þjóðarinnar. Bankastjóri Íslandsbanka, sem vann hjá Glitni og tók við stjórn hans eftir fallið, segir að erfiðast sé að endurheimta traustið, það taki kynslóðir. 
29.09.2018 - 18:50
10 ár í dag frá falli Glitnis
Tíu ár eru í dag frá því ríkið eignaðist stóran hluta í Glitni og rétt tæp tíu ár síðan Fjármálaeftirlitið tók bankann yfir. Birna Einarsdóttir, bankastjóri Íslandsbanka, segist ekki hafa gert sér grein fyrir hversu vandamálin voru risavaxin þegar hún tók að sér stjórn Glitnis fyrir tæpum tíu árum.
29.09.2018 - 15:25
„Þetta voru gífurlega erfiðir dagar“
Fyrir tíu árum féllu íslensku bankarnir einn af öðrum á nokkrum dögum eins og dómínókubbar. Íslenska ríkið tók yfir rekstur bankanna en enginn sá fyrir hverjar afleiðingarnar yrðu fyrir íslenskt samfélag og sjálfsmynd landsmanna. Í ör-útvarpsþáttunum Nokkrir dagar í frjálsu falli á Rás 1 verða atburðirnir rifjaðir upp. Hér má hlusta á fyrsta þáttinn.
29.09.2018 - 09:00
Viðtal
Vill sýna útlendingum að við séum ekki flón
Íslendingar voru ekki meiri vitleysingar en aðrir en í fjármálakreppunni gerðu allir sér leik að því að sparka í Ísland, við urðum að sumu leyti munaðarlaus. Þetta segir Hannes Hólmsteinn Gissurarson, prófessor í stjórnmálafræði við Háskóla Íslands. Hann afhenti í dag fjármálaráðherra skýrslu sína um erlenda áhrifaþætti bankahrunsins. Megintilgangurinn með skýrslunni er að hans sögn að útskýra fyrir útlendingum að Íslendingar séu ekki flón heldur hefðu orðið fórnarlömb aðstæðna.
25.09.2018 - 17:18
Stjórnandi hjá AGS hrósar Íslandi
Poul Thomsen, núverandi framkvæmdastjóri Evrópudeildar Alþjóðagjaldeyrissjóðsins, sem var yfirmaður Íslandsmála hjá sjóðnum í hruninu hér, segir að strax og hann hafi komið til landsins í október 2008 hafi hann fundið fyrir sterkum vilja þjóðarinnar til þess að koma málunum á réttan kjöl. Hann segir að efnahagsáætlunin sem gerð var hafi skilað miklum árangri.
15.09.2018 - 12:26
Chesterfield-málið fer fyrir Landsrétt
Úrskurður fjölskipaðs héraðsdóms í morgun í svokölluðu Chesterfield-máli gegn þremur fyrrverandi yfirmönnum Kaupþings var kærður til Landsréttar á staðnum, segir Björn Þorvaldsson saksóknari hjá Héraðssaksóknara. Dómurinn komst að þeirri niðurstöðu að málinu skyldi vísa frá og að saksóknari hafi ekki rannsakað málið nægilega vel þrátt fyrir að Hæstiréttur hafi gert kröfu þar um.
11.09.2018 - 15:08
Mál Kaupþingsmanna vanrannsakað og vísað frá
Fjölskipaður Héraðsdómur Reykjavíkur vísaði í dag frá dómi svokölluðu CLN-máli þriggja fyrrverandi yfirmanna Kaupþings. Dómurinn segir að saksóknari hafi ekki rannsakað málið nægilega vel þrátt fyrir að Hæstiréttur hafi gert kröfu þar um og því sé óhjákvæmilegt að vísa því frá.
11.09.2018 - 13:30
Fréttaskýring
„Á heildina litið höfum við lært af hruninu“
Tíu árum eftir hrun eru Íslendingar farnir að kaupa fleiri nýja Porsche-bíla en árið 2007, þeir gista frekar á hótelum í dag en í góðærinu og hafa aldrei farið eins mikið úr landi. Þá henda þeir meiru í ruslið. Hins vegar er íslenski neytandinn að mörgu leyti varkárari og skynsamari en árið 2007, segja þeir viðmælendur sem fréttastofa ræddi við. „Ég myndi segja að á heildina litið höfum við lært af hruninu,“ segir Harpa Jónsdóttir, framkvæmdastjóri fjármálastöðugleika hjá Seðlabanka Íslands.
18.08.2018 - 14:00