Færslur: Hrafnista

Sjónvarpsfrétt
Nói,Hlýja,Valli og félagar bæta mannlífið á Hrafnistu
Tíu rafkettir eru til húsa á hjúkrunarheimili Hrafnistu á Sléttuvegi. Deildarstjóri segir að þeir séu góð viðbót á heimilið, þeir gleðji íbúa og veiti mikilvæga nærveru, einkum þeim sem eru með heilabilanir.
Síðdegisútvarpið
Biðla til fólks undir þrítugu að bíða með heimsóknir
Mikil áhersla hefur verið á verndun viðkvæmra hópa í tilmælum sóttvarnalæknis. Nú þegar smitum fjölgar ört í samfélaginu hefur víða verið gripið til aðgerða, svo sem á Landspítala og á dvalarheimilum aldraðra. Hrafnista sendi út bréf til íbúa og aðstandenda í dag.
22.07.2021 - 17:31
Sjúkrastofnanir fylgjast grannt með og meta framhaldið
Þórólfur Guðnason, sóttvarnalæknir og Víðir Reynisson yfirlögregluþjónn fara yfir stöðu mála á upplýsingafundi Almannavarna klukkan 11 í dag vegna fjölgunar kórónuveirusmita undanfarna daga. Þórólfur hvatti hjúkrunarheimili og sjúkrastofnanir til að skerpa á umgengisreglum meðan á uppsveiflunni stendur.
Hrafnista segir upp samningi um rekstur Ísafoldar
Hrafnista hefur sent inn bréf til bæjarráðs Garðabæjar um uppsögn samning um rekstur hjúkrunarheimilisins Ísafoldar og mun uppsögnin taka gildi 1.janúar 2022. Þetta kemur fram á vef Kópavogs- og Garðapóstsins í dag.
30.06.2021 - 16:08
Greiðslur til hjúkrunarheimila í skoðun
Svandís Svavarsdóttir, heilbrigðisráðherra segir að verið sé að skoða verðeiningar sem greiðslur til hjúkrunarheimila miðist við en bendir á að Hrafnista starfi samkvæmt samningi og eigi að veita þá þjónustu sem um er samið.
Miklar uppsagnir á hjúkrunarheimilum Hrafnistu
Tuttugu stjórn­endum, hjúkr­un­ar­fræðingum, ræsti­tæknum og öðru starfsfólki hefur verið sagt upp störfum á hjúkrunarheimili Hrafnistu við Sléttuveg. Uppsagnirnar voru um síðustu mánaðamót og næstu á undan en á annan tug starfsmanna var sagt upp á öðrum Hrafnistuheimilum.
„Dásamlegt að opna aftur fyrir heimsóknir“
„Þetta er dásemdarstund fyrir íbúana okkar því þetta hefur reynt á alla,“ segir Þuríður Ingibjörg Elísdóttir, forstöðumaður Hrafnistuheimila á Nesvöllum og Hlévangi í Reykjanesbæ, þar sem slakað var á heimsóknareglum í gær eftir að vika var liðin frá seinni bólusetningu íbúa. Nú má hver íbúi fá tvo gesti á dag en að undanförnu hafa íbúar aðeins mátt fá tvær heimsóknir á viku. 
28.01.2021 - 16:01
Fréttaskýring
Forstjóri Hrafnistu segir bólusetningu besta kostinn
Nær allir íbúar hjúkrunarheimila landsins voru bólusettir við COVID-19 í lok desember, meira en 3.200 manns. Á hverri viku deyja að meðaltali um 18 íbúar á hjúkrunarheimilum, um 2 til 3 á dag. Forstjóri Hrafnistu óttast hræðsluáróður í kring um bólusetningar eftir tilkynningar um möguleg tengsl fjögurra andláta við bólusetningar. Um 4.870 manns hafa verið bólusettir á Íslandi, þar af eru rúmlega 1.500 heilbrigðisstarfsmenn. 
Staða prests Hrafnistu aflögð - leitað til sóknarpresta
Enginn prestur er lengur í fastri stöðu hjá Hrafnistuheimilunum. Áhyggjufullur aðstandandi roskinnar konu sem býr á einu heimilanna segir hana hafa fundið fyrir miklum andlegum erfiðleikum vegna heimsfaraldurs kórónuveirunnar.
10.10.2020 - 13:32
Dagdvöl Hrafnistu lokað vegna kórónuveirusmits
Dagdvalargestur í Röst hjá Hrafnistu við Sléttuveg hefur greinst með kórónuveirusmit. Því hefur dagdvölinni verið lokað tímabundið til 12. október næstkomandi.
09.10.2020 - 09:12
Engar heimsóknir á Hrafnistu næstu tvær vikur
Heimsóknir verða bannaðar á öllum Hrafnistuheimilunum átta næstu tvær vikurnar. Heimsóknabannið tók gildi nú í kvöld.
06.10.2020 - 21:30
Hrafnistu lokað vegna COVID-smits og allir í sóttkví
Viðbúnaðarstig var virkjað í kvöld á hjúkrunarheimilinu Hrafnistu Ísafold í Garðabæ eftir að COVID-19 smit var staðfest hjá íbúa. Heimilinu hefur nú verið lokað fyrir gestum og utanaðkomand aðilum og eru allir íbúar í sóttkví á meðan unnið er að nánari greiningu.
02.10.2020 - 22:49
Innlent · COVID-19 · Hrafnista · Aldraðir · Smit
Íbúinn ekki með kórónuveirusmit
Ekki reyndist um kórónuveirusmit að ræða hjá íbúa á Hrafnistu. Greint var frá því fyrr í dag að sterkur grunur hefði vaknað um COVID-19 smit hjá einum íbúanna sem veiktist og hafði verið fluttur á Landspítalann.
08.08.2020 - 16:26
Sterkur grunur um COVID-smit á Hrafnistu
Íbúar á tveimur hjúkrunardeildum Hrafnistu í Laugarási hafa verið settir í sóttkví vegna gruns um kórónuveirusmit hjá einum íbúanna. María Fjóla Harðardóttir, framkvæmdastjóri Hrafnistu, segir að ákveðið hafi verið að setja deildirnar Sólteig og Mánateig í sóttkví eftir að grunurinn vaknaði í hádeginu í dag.
08.08.2020 - 14:39
Færri mega koma í heimsókn á hjúkrunarheimili
Fjöldi gesta til íbúa á hjúkrunarheimilum hefur verið takmarkaður og þeir eru beðnir um að dvelja ekki í sameiginlegum rýmum heimilanna eftir að landlæknir hvatti hjúkrunarheimili í gær um að endurskoða heimsóknarreglur sínar í kjölfar fjölgunar COVID-19 smita Breytingarnar taka gildi frá og með deginum í dag og og verða endurskoðaðar, þyki þörf á því.
29.07.2020 - 12:45
Deild á Hrafnistu í Hafnarfirði í sóttkví
Tuttugu og tveggja manna deild á Hrafnistu í Hafnarfirði hefur verið sett í sóttkví eftir að einn starfsmannanna var greindur með COVID-19. Þetta kemur fram í tilkynningu frá neyðarstjórn Hrafnistuheimilanna. Enginn íbúi á Hrafnistuheimilunum hefur verið greindur með smit.
06.04.2020 - 17:18
Viðtal
Varnarmúrarnir: „Við eigum að fá að lifa aðeins lengur“
Iðjuþjálfi aðstoðar Ingibjörgu Guðmundsdóttur, íbúa á Hrafnistu, við að komast í samband við dóttur sína. Ingibjörg er fædd árið 1926, hún er gamall sjúkraliði. Dóttir hennar, Sigurbjörg Sigurgeirsdóttir, stjórnsýslufræðingur, var vön að heimsækja hana oft í viku en nú er allt breytt. Þessa dagana eiga þær í samskiptum á netinu, í gegnum myndspjall. Ingibjörg skilur þá ákvörðun stjórnenda heimilisins að reisa varnarvegg um íbúa. Sigurbjörg dóttir hennar vonar innilega að veggurinn haldi.