Færslur: Hópsmit

Réttarhöld hefjast á morgun vegna smitanna í Ischgl
Réttarhöld hefjast í Vínarborg í Austurríki á morgun vegna viðbragða þarlendra stjórnvalda við kórónuveirusmitum á skíðasvæðinu Ischgl í mars á síðasta ári. Þúsundir manna frá 45 löndum segjast hafa smitast af COVID-19 þar og þannig dreift veirunni víða um heim.
17.09.2021 - 03:20
Óttast hópsmit á Vestfjörðum - Skima 80 manns í dag
Áttatíu eru í sóttkví eftir að tveir nemendur við Grunnskólann á Ísafirði greindust með kórónuveiruna. Gylfi Ólafsson, forstjóri Heilbrigðisstofnunar Vestfjarða, telur óhætt að segja að hópsmit sé komið upp fyrir vestan. Hann staðfestir þá við fréttastofu að smitin í skólanum megi rekja til áhafnar togarans Páls Pálssonar en starfsmaður greindist þar um borð í síðustu viku.
29.08.2021 - 13:06
Skoða hvort erlend ríki geti sótt smitaða hér á landi
Um þrjátíu manna hópur Ísraela er smitaður af kórónuveirunni. Stjórnvöld skoða nú hvort önnur ríki geti staðið fyrir flutningi covid-smitaðra til heimalanda þeirra.
16.08.2021 - 16:25
Óhjákvæmileg fjölgun smita fylgir fjölgun ferðamanna
Íslensk erfðagreining vinnur að raðgreiningu fimm smita sem greindust í gær. Kári Stefánsson, forstjóri, segir fjöldann sem kemur núna yfir landamærin slíkan að búast megi við talsverðum fjölda smitaðra dag hvern.
Grímuskylda í Sydney vegna útbreiðslu delta-afbrigðis
Íbúar í Sydney í Ástralíu þurfa frá og með deginum í dag að bera grímur í strætisvögnum eða öðrum almenningsfarartækjum. Heilbrigðisyfirvöld tóku þá ákvörðun eftir að fjórða tilfellið af hinu mjög svo smitandi delta-afbrigði kórónuveirunnar greindist í borginni.
Sjónvarpsfrétt
Mikilvægt að hindra að svona komi fyrir aftur
Landspítalinn er í megindráttum sammál niðurstöðum skýrslu Embættis landlæknis á hópsýkingunni á Landakoti í október. Framkvæmdastjóri lækninga segir mikilvægt að bæta úr á spítalanum til að hindra að svona komi upp aftur. 
16.06.2021 - 19:00
Hópsmit virðist komið upp í Nuuk á Grænlandi
Landlæknir Grænlands staðfestir að fimm ný kórónuveirusmit eru komin upp í Nuuk, höfuðstað landsins. Því er ákveðið að grípa til harðra ráðstafana til að stöðva útbreiðslu smita, þar á meðal er allt flug til og frá bænum bannað.
16.06.2021 - 00:20
Sjónvarpsfrétt
Vonbrigði hvað breiddist mikið út inni á Landakoti
Alma D. Möller landlæknir segir vonbrigði hvað útbreiðsla kórónuveirusmita hafi verið mikil í hópsýkingunni á Landakoti í fyrra, þegar fimmtán létust. Orsakir hennar eru meðal annars ófullkomin hólfaskipting, ófullnægjandi fræðsla starfsmanna og skortur á sýnatöku. 
15.06.2021 - 18:18
Slakað á sóttvarnareglum á Grænlandi
Slakað hefur verið á hertum sóttvarnareglum í Nuuk, höfuðstað Grænlands, enda hefur tekist að finna uppruna lítils hópsmits sem kom þar upp í síðustu viku. Grænlenska flugfélaginu Air Greenland er nú heimilt að flytja 810 farþega vikulega frá Danmörku til Grænlands.
03.06.2021 - 14:31
Víðir bjartsýnn á að slaka megi á sóttvarnareglum
Víðir Reynisson, deildarstjóri almannavarnadeildar ríkislögreglustjóra, segir ástæðu til bjartsýni á að enn megi slaka á sóttvarnareglum um miðjan mánuð, enda minnki líkur á stórum hópsmitum. Núgildandi reglugerð um takmarkanir innanlands gildir til 16. júní.
Bjartsýnn á afléttingu sóttvarnaráðstafana í Skagafirði
Sigfús Ingi Sigfússon sveitarstjóri sveitarfélagsins Skagafjarðar segir að ef ekki kemur upp smit utan sóttkvíar á næstu dögum verði stefnt að afléttingum sóttvarnarráðstafana um helgina.  
Bjartsýnn á að opna megi allt að nýju í Þorlákshöfn
Elliði Vignisson, bæjarstjóri í Ölfusi, er bjartsýnn á að hægt verði að hefja ýmsa þá starfsemi sem hefur verið lokuð í Þorlákshöfn þegar í næstu viku á hefðbundnum nótum. Ekkert smit greindist þar utan sóttkvíar í gær en tvö smit hjá fólki sem hafði verið lengi í sóttkví.
01.05.2021 - 13:07
90 nemendur og 30 starfsmenn í sóttkví
Um 90 nemendur á yngra stigi Barnaskólans á Eyrarbakka og Stokkseyri og um 30 starfsmenn eru komin í sóttkví eftir að nemandi greindist með COVID-19. Barnið var síðast í skólanum á þriðjudag en greindist fyrst á laugardag.
26.04.2021 - 09:10
Hópsmit virðist komið upp í Þorlákshöfn
Hópsmit virðist komið upp í Þorlákshöfn. Elliði Vignisson bæjarstjóri í Ölfusi segir þó að ekki sé um stóran hóp að ræða og vonast sé til að nægilega snemma hafi verið gripið inn í til að komast hjá frekari útbreiðslu veirunnar.
26.04.2021 - 04:56
Með hönd á byssunni en ekki búinn að draga hana upp
Þórólfur Guðnason sóttvarnalæknir kveðst ávallt viðbúinn að grípa til harðari aðgerða í sóttvörnum en öll smit gærdagsins tengjast leikskólanum Jörfa. Yfir fjögurþúsund sýni voru tekin í gær sem er með því mesta sem verið hefur en 21 greindist með COVID-19.   
„Óþægilegt“ að fá hópsmit í hverfið
Forsvarsmenn grunnskóla í grennd við leikskólann Jörfa og Skóla og frístundasvið Reykjavíkurborgar sendu tölvupóst í gær og óskuðu eftir því að nemendur sem ættu systkini á Jörfa héldu sig heima. Þá var skerpt á því að allir sem fyndu fyrir minnstu einkennum kæmu ekki í skólann í dag. Jón Pétur Zimsen, aðstoðarskólastjóri Réttarholtsskóla, segist ánægður með viðbrögð yfirvalda við hópsýkingunni í hverfinu en að hann vildi sjá meiri áherslu á loftræstingu á fjölmennum stöðum. 
Viðtal
Yfir 20 kórónuveirusmit greindust í gær
Rúmlega 20 smit greindust innanlands í gær. Þetta sagði Runólfur Pálsson, yfirmaður COVID-19 göngudeildar Landspítalans í Morgunútvarpinu á Rás 2. Hann leggur áherslu á að tölurnar séu ekki staðfestar og vonast til að meiri hlutinn hafi verið í sóttkví þegar hann greindist.
Drengir og þjálfarar úr 5. flokki Þróttar í sóttkví
Nú er unnið að sótthreinsun íþróttahúss Þróttar eftir að kórónuveirusmit kom upp í fimmta flokka drengja. Búist er við að sótthreinsun ljúki síðar í dag, þá verður óhætt að opna húsið að nýju og gert ráð fyrir að æfingar verði með eðlilegum hætti síðdegis.
Einn á sjúkrahúsi með COVID-19
Þórólfur Guðnason sóttvarnalæknir staðfestir í samtali við fréttastofu að einn hafi verið lagður inn í nótt vegna COVID-19. Hann kveðst ekki vita hvort viðkomandi greindist við landamærin en telur líklegast að svo sé.
Þórólfur segir tilslakanir ólíklegar
Þórólfur Guðnason sóttvarnalæknir segir að frekar ólíkt sé að hann leggi til tilslakanir á sóttvörnum fyrir 17. mars. Hann segir að góðar líkur séu á að tekist hafi að komast fyrir hópsmitið sem upp kom um síðustu helgi. 
Ekki sloppin fyrir horn þrátt fyrir ánægjulegar tölur
„Við erum ekki alveg sloppin fyrir horn en það er ánægjulegt að fá þessar tölur. En þar sem það tekur nokkurn tíma fyrir smit að greinast eftir að smit hefur orðið og eins fyrir fólk að veikjast sem hefur smitast, þá þurfum við að láta nokkra daga líða,“ segir Þórólfur. Ekkert smit greindist innanlands í gær en á síðustu dögum hafa fjórir greinst með breska afbrigði kórónuveirunnar innanlands, utan sóttkvíar. Smitin tengjast landamærasmiti.
Hópsmit og ekki líkur á tilslökunum 17. mars
Þeir tveir sem greindust utan sóttkvíar í gær tengjast hinum þremur sem smitaðir eru af breska afbrigði kórónuveirunnar. Sóttvarnalæknir segir að þetta sé hópsmit en að fjórða bylgja faraldursins sé ekki hafin. Þá segir hann ólíklegt að slakað verði á takmörkunum í næstu viku.  
09.03.2021 - 12:30
Hugsanlegt að fjórða bylgjan hefjist svona
Tvö kórónuveirusmit greindust innanlands um helgina og hugsanlegt að fjórða bylgja faraldursins sé í uppsiglingu. Þau smituðu búa í sama stigagangi fjölbýlishúss í Reykjavík. Annað þeirra er starfsmaður á Landspítalanum þar sem tugir eru nú komnir í sóttkví. Starfsmaðurinn sótti stórtónleika í Hörpu á föstudag. 
07.03.2021 - 18:54
Sautján andlát eru rakin til hópsmitsins á Landakoti
Sautján andlát eru nú rakin til hópsmitsins á Landakoti. Flestir sem létust vegna þess létust á Landspítala, en einnig eru andlát á Suðurlandi rakin til smitsins.
Hertar aðgerðir í Sydney
Hundruðum þúsunda íbúa Sydney-borgar í Ástralíu er fyrirskipað að halda sig heima í dag og næstu þrjá daga eftir að klasasmit COVID-19 fór úr böndum í borginni.
18.12.2020 - 06:15