Færslur: Hondúras

Heimild til þungunarrofs mótmælt í Mexíkóborg
Þúsundir manna flykktust út á götur Mexíkóborgar í gær og kröfðust afnáms laga sem heimila þungunarrof. Mótmælin voru að áeggjan kaþólsku kirkjunnar og nokkurra íhaldssamra hópa.
Fyrrverandi forseti Hondúras framseldur
Juan Orlando Hernandez, fyrrverandi forseti Mið-Ameríkuríkisins Hondúras, var framseldur til Bandaríkjanna í gær. Hann er sakaður um fíkniefnaviðskipti og -smygl.
Fyrrverandi Hondúrasforseti handtekinn
Juan Orlando Hernández, fyrrverandi forseti Hondúras, var í gær handtekinn á heimili sínu í höfuðborginni Tegucigalpa, samkvæmt frétt AFP-fréttastofunnar. Hann er sakaður um fíkniefnaviðskipti og fíkniefnasmygl og hafa bandarísk yfirvöld farið fram á að hann verði framseldur til Bandaríkjanna, þar sem hann er eftirlýstur fyrir fíknefnabrot.
Hondúrasforseti með COVID-19
Xiomara Castro, nýkjörinn forseti Hondúras, tilkynnti á sunnudag að hún hefði greinst með COVID-19. Castro, sem í janúar varð fyrsta konan á forsetastóli í Hondúras, segist ekki finna til mikilla einkenna og ætla að gegna embættisskyldum sínum áfram að heiman.
07.02.2022 - 02:25
Heimsglugginn
Lagaval Merkel vekur athygli
Angela Merkel, fráfarandi kanslari Þýskalands, verður kvödd í kvöld með athöfn sem nefnist Der Großer Zapfenstreich. Það er formleg athöfn hermanna sem hafa lokið skyldustörfum dagsins og hverfa til herbúða sinna að kvöldi. Hún fær að velja þrjú lög sem lúðrasveit hersins leikur og mikla athygli hefur vakið að eitt laganna var sungið af erkipönkaranum Ninu Hagen, Du hast den Farbfilm vergessen eða þú gleymdir litfilmunni.
Næsta öruggt að Castro verði næsti forseti Hondúras
Allt bendir til þess að Xiomara Castro, frambjóðandi vinstri flokka í nýafstöðnum forsetakosningum í Hondúras og fyrrverandi forsetafrú, verði fyrsta konan til að setjast á forsetastól í landinu. Þegar búið er að telja rúmlega helming atkvæða hefur Castro fengið rúm 53 prósent þeirra og er með nær 20 prósentustiga forskot á helsta keppinautinn, Nasry Asfura, frambjóðanda Þjóðarflokksins.
30.11.2021 - 01:17
Stefnir í stórsigur stjórnarandstæðings í Hondúras
Fyrstu tölur benda til þess að frambjóðandi stjórnarandstöðunnar í Hondúras muni vinna stórsigur í forsetakosningunum sem þar voru haldnar í gær. Samkvæmt þeim hefur Xiomara Castro öruggt forskot á Nasry Asfura, frambjóðanda Þjóðarflokksins, íhaldsflokks sem er með meirihluta á þingi. Þegar búið var að telja rúm 16 prósent atkvæða hafði Castro fengið 53,4 prósent þeirra en Asfura aðeins 34 prósent, segir í tilkynningu landskjörstjórnar.
29.11.2021 - 05:27
Stöðvuðu flutningabíl fullan af flóttamönnum frá Haítí
Yfir fimmtíu flóttamenn frá Haítí fundust í flutningabíl í Gvatemala, þar af fjórtán börn. Talið er að ætlun fólksins hafi verið að komast til Bandaríkjanna gegnum Mexíkó. Tveir eru í haldi vegna málsins.
Hundruð stöðvuð á norðurleið í Mexíkó
Öryggissveitir í sunnanverðri Mexíkó stöðvuðu í gær för mörg hundruð flóttamanna frá Mið-Ameríku. Fólkið var fótgangandi, og hugðist halda för sinni áfram norður til Bandaríkjanna. Börn voru með í för hefur AFP fréttastofan eftir yfirvöldum í Mexíkó.
31.08.2021 - 05:40
Framkvæmdastjóri dæmdur fyrir morð á mótmælanda
Stjórnandi orkufyrirtækis í Hondúras var í gær dæmdur fyrir að taka þátt í að skipuleggja morðið á umhverfisverndarsinnanum Bertu Caceres. Caceres var fremst í flokki mótmælenda gegn Agua Zarca vatnsaflsvirkjuninni. Hún fannst myrt heima hjá sér árið 2016.
Heita 310 milljónum dala til mannúðaraðstoðar
Kamala Harris, varaforseti Bandaríkjanna hét því í samtali við Alejandro Giammattei forseta Gvatemala að 310 milljónum dala yrði varið til mannúðaraðstoðar í Mið-Ameríku.
27.04.2021 - 02:16
Bandaríkin semja við Mið-Ameríkuríki um landamæragæslu
Bandaríkjastjórn hefur náð samkomulagi við stjórnvöld í Mexíkó, Hondúras og Gvatemala um að hafa betri gætur á landamærum sínum. Jen Psaki, fjölmiðlafulltrúi Hvíta hússins, segir Bandaríkin vonast til þess að öflugri gæsla ríkjanna í Mið-Ameríku komi til með að halda aftur af fólksflótta þaðan til Bandaríkjanna. 
13.04.2021 - 04:34
Viðtal
Hondúrsk systir í haldi mannræningja í 12 daga
Þorbjörg Þorvaldsdóttir hefur gegnt stöðu formanns Samtakanna '78 síðan árið 2019. Þorbjörg hefur komið víða við og starfar í dag sem íslenskukennari í Víðistaðaskóla í Hafnarfirði. Á menntaskólaárunum fór Þorbjörg sem skiptinemi til Hondúras og þar kom hún út úr skápnum, þrátt fyrir hætturnar sem steðja að hinsegin fólki í landinu.
Forseti Hondúras segir ásakanir skaða samstarf
Juan Orlando Hernandez, forseti Hondúras, varar bandarísk yfirvöld við því að trúa ásökunum um stuðning hans við eiturlyfjagengi. Þetta sagði hann á þjóðþingi Hondúras í gær. Hann segir það geta skaðað samstarf ríkjanna í baráttunni við gengin.
Hondúras og Gvatemala
Yfir 400.000 í þörf fyrir brýna neyðaraðstoð
Yfir 400.000 manns í Hondúras og Gvatemala eru í brýnni þörf fyrir neyðaraðstoð, samkvæmt Norsku flóttamannahjálpinni, sem rekur hjálparstarf víðsvegar um heiminn. Tveir geipiöflugir fellibyljir, Eta og Iota, gengu yfir löndin í nóvember, urðu á þriðja hundrað manns að bana og skildu eftir sig slóð eyðileggingar.
09.12.2020 - 03:25
Yfir 150.000 enn heimilislaus eftir óveður í Hondúras
Yfir 150.000 manns eru enn heimilislaus í Hondúras eftir að tveir öflugir fellibyljir fóru þar yfir fyrr í þessum mánuði. Fjórða stigs fellibylurinn Eta skall á Mið-Ameríkuríkjunum Hondúras og Níkaragva 3. nóvember og skildi eftir sig slóð eyðileggingar. Iota, annar og enn öflugri fellibylur, dundi svo á löndunum tveimur innan við hálfum mánuði síðar.
29.11.2020 - 01:49
Gríðarlegt tjón af völdum fellibylsins Iota
Nú er talið að fellibylurinn Iota hafi orðið 44 að fjörtjóni í löndum Mið-Ameríku. Björgunarsveitir leggja hart að sér við björgun mannslífa og mannvirkja.
20.11.2020 - 02:14
Iota veldur dauða og eyðileggingu
Nú eru yfir þrjátíu látin af völdum fellibylsins Jóta sem geisar um Mið-Ameríku aðeins tveimur vikum eftir að fellibylurinn Eta olli stórtjóni á sömu slóðum.
19.11.2020 - 05:09
Manntjón í óveðrinu í Mið-Ameríku
Að minnsta kosti níu hafa farist af völdum óveðurslægðarinnar Iota á leið hennar yfir Mið-Ameríku.
18.11.2020 - 07:46
Fimmta stigs fellibylurinn Iota er skollinn á Níkaragva
Fellibylurinn Iota tók land á norðanverðri Atlantshafsströnd Níkaragva laust fyrir klukkan eitt að íslenskum tíma. Iota er fimmta stigs fellibylur, þar sem meðalvindhraðinn nær allt að 72 metrum á sekúndu og hviður eru enn hvassari, skýfall eltir skýfall og sjávarflóð ógna strandbyggðum hvar sem hann fer, segir í viðvörun Bandarísku fellibyljastofnunarinnar. Tugir þúsunda hafa neyðst til að yfirgefa heimili sín í strandhéruðum Níkaragva og Hondúras, þar sem fellibylurinn mun hamast hvað harðast.
Fimmta stigs fellibylur nálgast Mið-Ameríku
Hitabeltisstormurinn Iota, sem nálgast ríki í Mið-Ameríku er orðin fimmta stigs fellibylur. Gert er ráð fyrir að hann valdi manntjóni og mikilli eyðileggingu í Níkaragva og Hondúras.
16.11.2020 - 17:50
Mikill viðbúnaður vegna fellibylsins Iota
Mikill viðbúnaður er í Níkaragva og Hondúras vegna fellibylsins Iota sem stefnir þangað en búist er við að hann komi þar upp að ströndum í kvöld.
16.11.2020 - 08:50
Enn einn fellibylurinn dynur á Mið-Ameríku
Byrjað er að rýma bæi við Atlantshafsströnd Hondúras þar sem annar fellibylurinn á tveimur vikum og sá þrítugasti á þessu ári mun taka land á morgun, sunnudag, gangi spár eftir.
Víða mikið tjón af völdum Eta
Um 150 fórust af völdum  fellibylsins Eta þegar hann fór yfir Gvatemala á dögunum og um sextíu í Hondúras. Þá fórust að minnsta kosti tuttugu í Chiapas-ríki í suðurhluta Mexíkó.
10.11.2020 - 08:17
Eta veldur enn meira manntjóni
Hitabeltisstormurinn Eta heldur áfram að valda usla í Mið-Ameríku. Hann færir sig hægt norður á bóginn og er nú yfir Mexíkó. Minnst tuttugu eru látnir í Chiapas-fylki í sunnanverðu Mexíkó að sögn yfirvalda þar. Mikið manntjón varð einnig í Hondúras og Gvatemala. 23 hafa fundist látnir af völdum flóða í Hondúras, og um 150 eru taldir af eftir að aurskriða féll á þorp í Gvatemala.
07.11.2020 - 23:37