Færslur: Hildur Þórðardóttir

Nýtt met í hverjum kosningum
Nýtt met fyrir lægsta atkvæðahlutfall frambjóðanda í forsetakosningum hefur verið sett í hverjum kosningum frá og með árinu 1988. Fram að þeim tíma hafði Gísli Sveinsson, fyrrverandi forseti Alþingis, átt verstu útkomu forsetaframbjóðanda í 38 ár. Hann hlaut 6,24 prósent atkvæða í fyrstu almennu forsetakosningunum sem fram fóru hérlendis, árið 1952. Síðustu 28 árin hafa átta frambjóðendur fengið lægra atkvæðahlutfall en Gísli fékk á sínum tíma.
5,5 meðmælendur fyrir hvert atkvæði
Fjórir frambjóðendur fengu fleiri undirskriftir á meðmælendalista sína fyrir forsetaframboð en atkvæði í sjálfum kosningunum. Þrír þeirra fengu margfalt fleiri meðmælendur en atkvæði.
Hildur sátt við framboð sitt
„Skál fyrir þér,“ sungu kátir stuðningsmenn Hildar Þórðardóttur á kosningavöku hennar í Sundaborgum í nótt. Þar var fólk að dansa við tónlist Friðriks Dórs. Hildur sagðist sátt við að hafa boðið sig fram og með árangurinn.
Hildur Þórðardóttir með RÚV-snappið í dag
Hildur Þórðardóttir sér um Snapchat-reikning RÚV í dag. Þar er hægt að fylgjast með því hvað hún tekur sér fyrir hendur, en allir forsetaframbjóðendur fá RÚV-snappið í einn dag næstu virku daga.
Baráttan um Bessastaði: Hildur Þórðardóttir
Frambjóðendur til embættis forseta Íslands eru kynntir til sögunnar. Viðtal við forsetaframbjóðandann Hildi Þórðardóttir.
Fylgi Guðna minnkar um tæp 14 prósent
Guðni Th. Jóhannesson mælist með 56,6% fylgi í nýrri skoðanakönnun MMR sem gerð var dagana 26. maí til 1. júní. Halla Tómasdóttir bætir við sig tæpum 5 prósentustigum og Davíð Oddson tveimur.
Forsetinn á ekki að vera í fílabeinsturni
„Ég sé það þannig að forseti eigi ekki að vera í einhverjum fílabeinsturni á Bessastöðum,“ sagði Hildur Þórðardóttir, forsetaframbjóðandi, á Morgunvaktinni á Rás 1. Hún segir að forsetinn eigi að vera úti á meðal fólksins, hann eigi að heimsækja vinnustaði og stofnanir, fara mikið út á land og heyra í fólkinu þar. „Forseti verður að vera í tengslum við fólkið til að vita hvað er að gerast í samfélaginu.“
„Forsetinn getur skráð Ísland í ESB“
Forsetaframbjóðandinn Hildur Þórðardóttir segir að forsetinn geti nánast gert hvað sem honum detti í hug samkvæmt stjórnarskránni. Hann geti samið við erlend ríki og skráð Ísland í ESB. Hún ræddi við starfsmenn Eimskips í hádeginu í mötuneyti vöruhótelsins í Sundahöfn. Hún vildi meðal annars heyra skoðanir þeirra um forsetaembættið og spurði hvort menn vissu hver völd forsetans væru samkvæmt stjórnarskránni.
Stendur fyrir hið nýja Ísland
„Forsetinn sem verður valinn mun endurspegla hvar þjóðin er stödd í þroska. Ef við erum föst í feðravaldinu, forræðishyggjunni, bjargvættarhugsunarhættinum og fórnarlömbunum, þá verður einhver karl kosinn. En ef við ætlum að fara inn í hið nýja Ísland, sem ég stend fyrir, þessi nýju gildi þar sem við byggjum á jafnrétti, jöfnuði, gagnsæi, réttlæti, samkennd og samvinnu, þá verð ég kosin, þetta verður bara eins og Ísland er tilbúið til.“ Þetta segir Hildur Þórðardóttir, forsetaframbjóðandi.
10.05.2016 - 18:50
Hildur Þórðardóttir býður sig fram til forseta
Hildur Þórðardóttir býður sig fram til embættis forseta Íslands. Hún leggur áherslu á nýja stjórnarskrá og að bæta samfélagið.