Færslur: Hildur Guðnadóttir

Hildur vann BAFTA verðlaunin
Hildur Guðnadóttir vann BAFTA verðlaunin fyrir tónlist sína í kvikmyndinni Joker. Verðlaunaafhendingin fer fram í kvöld. Hildur hefur þegar fengið Grammy- og Emmy-verðlaun fyrir tónlist sína í þáttunum Chernobyl. Þá fékk hún Golden Globe-verðlaun fyrir tónlistina í Joker.
02.02.2020 - 19:49
Bafta-verðlaunin afhent í kvöld
Kvikmyndaverðlaun bresku kvikmynda-akademíunnar, Bafta, verða afhent í kvöld. Hildur Guðnadóttir er tilnefnd fyrir tónlist sína í kvikmyndinni Joker en verðlaunin þykja gefa góða vísbendingu um það sem koma skal á Óskarsverðlaunahátíðinni eftir viku.
02.02.2020 - 12:20
Fyrsta konan til að sitja ein að Grammy fyrir hljóðrás
Hildur Guðnadóttir varð á sunnudagskvöldið fyrsta konan til að sitja ein að Grammy-verðlaunum fyrir bestu tónlist samda fyrir sjónrænan miðil, en þetta var í annað sinn frá upphafi sem kona vinnur til verðlauna í þessum flokki.
29.01.2020 - 13:10
Hildur Guðnadóttir í fríðu föruneyti Óskarsbiðla
Hildur Guðnadóttir, sem hlaut Grammy-verðlaunin á sunnudag fyrir tónlistina við sjónvarpsþættina Chernobyl, var mætt í árlegan hádegisverð Akademíunnar á mánudag fyrir þá sem eru tilnefndir til Óskarsverðlauna. Síðan var tekin mynd af öllum hópnum þar sem Hildur er í fríðu föruneyti og stendur rétt hjá bandaríska stórleikaranum Brad Pitt.
28.01.2020 - 10:56
Hildur vann Grammy-verðlaunin
Hildur Guðnadóttir vann í kvöld Grammy-verðlaun í flokknum besta tónlist fyrir sjónrænan miðil fyrir hljóðrás sína við þættina Chernobyl. 
26.01.2020 - 21:15
Pistill
Grammy-verðlaunin fikra sig í átt að fjölbreytni
Grammy-verðlaun verða veitt í 62. skiptið í Staples-höllinni í Los Angeles í nótt þegar fólk í tónlistarbrananum fer í sitt fínasta púss og verðlaunar hvert annað. Verðlaun verða veitt í 84 flokkum og að þessu sinni er íslenska tónskáldið Hildur Guðnadóttir tilnefnd í flokknum besta tónlist fyrir sjónrænan miðil.
26.01.2020 - 17:19
Hildur líklegust til að vinna Grammy og Óskar
Hildur Guðnadóttir er af bandarískum veðbönkum talin líklegust til að vinna Grammy-verðun annað kvöld í flokknum besta tónlist fyrir sjónrænan miðil fyrir hljóðrás sína við þættina Chernobyl.
25.01.2020 - 16:13
Cell7, Dýrfinna og Hildur Guðnadóttir tilnefndar
Rappararnir Cell7 og Countess Malaise eru tilnefndar til norrænu Hyundai Nordic tónlistarverðlaunanna sem veitt hafa verið árlega frá árinu 2010 fyrir bestu norrænu plötu ársins. Stórstjarnan og kvikmyndatónskáldið Hildur Guðnadóttir er einnig tilnefnd fyrir tónlistina úr HBO þáttunum Chernobyl.
22.01.2020 - 13:05
Myndskeið
Hildur Guðnadóttir: „Ég er ekki alveg búin að átta mig“
Hildur Guðnadóttir tónskáld, sem tilnefnd hefur verið til Óskarsverðlauna fyrir tónlistina í kvikmyndinni Joker, segist ekki alveg vera búin að átta sig á tíðindunum. Þetta sé hins vegar ótrúlegur heiður, en um leið súrrealískt.
13.01.2020 - 20:19
Joker með flestar tilnefningar til Óskarsverðlauna
Kvikmyndin Joker, í leikstjórn Todd Philips með Joaquin Phoenix í aðalhlutverki, fær flestar tilnefningar til Óskarsverðlauna í ár. Hildur Guðnadóttir fær tilnefningu fyrir bestu tónlistina.
Hildur tilnefnd til Óskarsverðlauna
Hildur Guðnadóttir tónskáld er tilnefnd til Óskarsverðlauna í ár fyrir tónlistina í Joker.
Hver verða tilnefnd til Óskarsverðlauna?
Bein útsending frá tilkynningu um tilnefningar til Óskarsverðlaunanna 2020. Þá kemur í ljós hvort Hildur Guðnadóttir tónskáld fær tilnefningu fyrir tónlistina í kvikmyndinni Joker.
Hildur Guðnadóttir verðlaunuð af gagnrýnendum
Hildur Guðnadóttir hlaut verðlaun gagnrýnenda, Critic's Choice Awards, í nótt fyrir tónlista sína í kvikmyndinni um Jókerinn. Tilkynnt verður um tilnefningar til Óskarsverðlauna eftir hádegi í dag og talið líklegt að Hildur verði þar á blaði. Sýnt verður frá því þegar tilnefningarnar verða kunngjörðar á RÚV.is kl. 13.20.
13.01.2020 - 10:47
Tilnefningar til Óskarsins kynntar í dag
Tilnefningar til Óskarsverðlaunanna árið 2020 verða kynntar í dag klukkan 13.20 að íslenskum tíma. Þau John Cho og Issa Rae kynna tilnefningarnar sem verða sýndar í beinni á RÚV.is
Lestin
Tár, bros og gylltir hnettir
Það gekk á ýmsu á Golden Globe verðlaunaafhendingunni sem fram fór á dögunum þar sem Ricky Gervais sleppti algjörlega af sér beislinu og gekk fram af sumum gestum og áhorfendum á meðan aðrir dáðust að hispursleysi hans. Hildur okkar Guðnadóttir hreppti hnöttinn fyrir Jókerinn og gæti orðið fyrsti Íslendingurinn til að fá Óskarsverðlaun í næsta mánuði.
Hildur tilnefnd til BAFTA-verðlaunanna
Hildur Guðnadóttir tónskáld hefur verið tilnefnd til verðlauna bresku kvikmynda og sjónvarpsakademíunnar, BAFTA, fyrir tónlist sína í kvikmyndinni Joker. Tilnefningar voru birtar í morgun. Hildur fékk í fyrrakvöld Golden Globe-verðlaunin fyrir verkið.
07.01.2020 - 08:40
Lygileg sigurganga Hildar Guðnadóttur
Hildur Guðnadóttir, tónskáld úr Hafnarfirði, skráði sig á spjöld sögunnar í nótt þegar hún varð fyrsta konan til að vinna Golden Globe-verðlaun fyrir tónlist við kvikmynd í 19 ár. Hún er jafnframt fyrsta konan til að hljóta þessi verðlaun ein. „Ég er orðlaus,“ sagði Hildur þegar hún tók á móti gullhnettinum frá Jennifer Lopez. Sigurganga Hildar að undanförnu hefur verið með miklum ólíkindum.
06.01.2020 - 11:06
Hildur hlaut Golden Globe fyrir Joker
Tónskáldið Hildur Guðnadóttir bætti enn einni skrautfjöðrinni í hatt sinn í nótt þegar hún tók við Golden Globe verðlaununum fyrir tónlistina í kvikmyndinni um varmennið Joker. Hún þakkaði samstarfsmönnum og fjölskyldu sinni. Að lokum þakkaði hún syni sínum Kára og lauk þakkarræðunni á orðunum: „Þessi er fyrir þig.“
06.01.2020 - 03:29
New York Times spáir Hildi sigri á sunnudag
Kyle Buchanan, kvikmyndagagnrýnandi bandaríska blaðsins New York Times, spáir því að Hildur Guðnadóttir hljóti Golden Globe-verðlaunin á sunnudag fyrir tónlist sína við kvikmyndina Joker. Fyrirfram virðast fjölmiðlar reikna með hörðum slag milli hennar og Thomas Newman sem er tilnefndur fyrir tónlistina við stríðsmyndina 1917.
02.01.2020 - 15:31
Hildur Guðnadóttir tilnefnd til Golden Globe-verðlauna
Hildur Guðnadóttir tónskáld er tilnefnd til Golden Globe-verðlauna fyrir bestu frumsömdu tónlist ársins í kvikmyndinni um Jókerinn.
Hildur verðlaunuð í Hollywood fyrir Joker
Tónlistakonan Hildur Guðnadóttir bætti enn einni skrautfjöðrinni í hatt sinn á miðvikudag. Þá hlaut hún HMMA verðlaunin fyrir tónlistina sem hún samdi fyrir kvikmyndina Joker. Verðlaununum deilir hún með þeim Marco Beltrami og Buck Sanders sem gerðu tónlistina fyrir Ford v Ferrari, þar sem þau fengu jafn mörg atkvæði.
22.11.2019 - 00:33
Hildur Guðnadóttir tilnefnd til Grammy fyrir Chernobyl
Það eru nýju krakkarnir í hverfinu Lizzo, Billie Eilish og Lil Nas X sem fá flestar Grammy-tilnefningar í ár. Grammy-verðlaunin verða afhent í sextugasta og annað sinn í Staples Center í byrjun árs. Íslensku tónlistarkonurnar Hildur Guðnadóttir og Anna Þorvalds verða líka í sviðsljósinu en Hildur fékk útnefningu fyrir tónlistina í sjónvarpsþáttaröðinni Chernobyl og Anna fyrir bestu klassísku upptökuna.
Hildur er sjónvarpstónskáld ársins
Hildur Guðnadóttir, sellóleikari og tónskáld, var í kvöld útnefnd sjónvarpstónskáld ársins á Heimshljóðrásar-verðlaunahátíðinni, World Soundtrack Awards, sem haldin er í belgísku borginni Ghent á ári hverju.
19.10.2019 - 01:21
Gagnrýni
Ein beittasta samfélagsádeila þessa árs
Kvikmyndin Joker, með Joaquin Phoenix í aðalhlutverki, dregur upp nöturlega mynd af samkenndarlausu samfélagi, segir Marta Sigríður Pétursdóttir gagnrýnandi. „Ef Jókerinn er táknrænn fyrir okkar samtíma og miðlar einhvers konar endurspeglun á raunveruleikanum, eins og allur okkar skáldskapur, þá er myndin til marks um rofinn samfélagssáttmála.“
Hildur Guðnadóttir til Deutsche Grammophon
Kvikmyndatónskáldið og sellóleikarinn Hildur Guðnadóttir hefur nú skrifað undir plötusamning við þýska útgáfurisann Deutsche Grammophon.
11.10.2019 - 13:29