Framkvæmdastjóri rekstrarsviðs Eimskips hefur stöðu sakbornings í rannsókn héraðssaksóknara á hvort lög hafi verið brotin við meðhöndlun úrgangs. Óvíst er hvenær rannsókninni lýkur því leita þarf upplýsinga hjá erlendum lögregluyfirvöldum. Eimskip er einnig til rannsóknar í Danmörku þar sem samkeppnisyfirvöld rannsaka landflutningafyrirtæki.

Umboðsmaður Alþingis segir í áliti að vinnubrögð Persónuverndar vegna kvörtunar Örnu McClure lögfræðings Samherja um haldlagningu gagna í Samherjamálinu séu ekki í samræmi við lög. Arna krefst þess að Persónuvernd taki málið upp að nýju.

Fyrrverandi framkvæmdastjóri ÍR hefur verið ákærður fyrir fjárdrátt, umboðssvik og peningaþvætti. Málið verður þingfest í Héraðsdómi Reykjavíkur í dag. Héraðssaksóknari hefur ákært manninn fyrir fjárdrátt upp á tæplega 3,2 milljónir króna með fimmtán millifærslum inn á eigin bankareikning. Einnig er hann ákærður fyrir að nota kreditkort ÍR í 28 skipti. Hæsta úttektin er fyrir lúxus golfferð með ferðaskrifstofunni Icegolf Travel ehf.

Ný gögn í Samherjamálinu sýna að svo virðist sem víðtæk vitneskja hafi verið innan fyrirtækisins um mútugreiðslur og vafasama starfshætti Samherja í Namibíu. Gögnin eru hluti af rannsókn héraðssaksóknara á málinu. Átta eru nú með réttarstöðu sakbornings í málinu hér á landi.

Lögreglan á Austurlandi skaut og særði vopnaðan mann á Egilsstöðum í gærkvöldi. Enginn lögreglumaður varð fyrir skoti. Maðurinn var fluttur á Landspítalann til aðhlynningar. Lögreglan var kölluð út laust eftir klukkan tíu í gærkvöld eftir að skothvellir heyrðust. Að sögn sjónarvotta tók nokkurn tíma fyrir lögreglu að yfirbuga manninn. Þeirri atburðarás lauk með því að maðurinn var skotinn. 

Karlmaður sem ógnaði gestum kaffistofu Samhjálpar með hlaðinni skammbyssu á mánudag hefur verið úrskurðaður í fjögurra vikna gæsluvarðhald.

Héraðsaksóknari Reykjavíkur hefur ákveðið að áfrýja niðurstöðu í máli gegn meðlimum hljómsveitarinnar Sigur Rósar. Héraðsdómur sýknaði þá alla liðsmenn sveitarinnar í umsvifamiklu skattsvikamáli.

Skattrannsóknarstjóri varar við að rannsókn refsiverðra skattalagabrota verði flutt til héraðssaksóknara og óttast að það leiði meðal annars til endurtekinna rannsókna. Fjármálaráðuneytið andmælir þessu í umsögn, vill að breytingarnar nái fram að ganga og álítur að skattrannsóknarstjóri misskilji frumvarpið.

Ekki verður farið fram á framlengingu gæsluvarðhalds yfir karlmanni á sextugsaldri, sem grunaður er um að hafa skotið með riffli á bíl fjölskyldu Dags B. Eggertssonar. Gæsluvarðhaldið rennur út síðdegis í dag.

Jón Þór Birgisson, eða Jónsi, söngvari hljómsveitarinnar Sigur Rósar, krefst þess að ákæru héraðssaksóknara gegn honum vegna meintra 146 milljóna króna skattsvika í tengslum við félag hans Frakk, verði vísað frá. Bjarnfreður Ólafsson, lögmaður Jóns Þórs, og Ásmunda Björg Baldursdóttir saksóknari tókust á um frávísunarkröfuna í Héraðsdómi Reykjavíkur í morgun.

Héraðssaksóknari hefur ákært Matthías Jón Karlsson og litháískan ríkisborgara fyrir stórfellt fíkniefnalagabrot. Þeir er ákærðir fyrir að hafa staðið að framleiðslu og haft í vörslu sinni rúm 11 kíló og 3,3 milllítra af amfetamíni ætluðu til sölu og dreifingar. Matthías Jón var dæmdur í fyrra í Bitcoin-málinu, svokallaða, og bíður afplánunar.