Færslur: heilbrigðisstofnun Vestfjarða

500 Vestfirðingar bólusettir í dag og á morgun
Alls verða 500 bólusettir í heilbrigðisumdæmi Vestfjarða í dag og á morgun, langflestir á Ísafirði og Patreksfirði. „Og það er ansi stór hluti af Vestfirðingum sem fá sprautu, allir 70 ára og eldri og einhverir 65 ára og eldri, að minnsta kosti þeir sem hafa undirliggjandi sjúkdóma,“ segir Gylfi Ólafsson, framkvæmdastjóri Heilbrigðisstofnunar Vestfjarða, í viðtali í Síðdegisútvarpinu á Rás 2. 
Þjónusta HVest eykst á suðursvæði með Dýrafjarðargöngum
Tilkoma Dýrafjarðarganga hefur breytt mörgu fyrir Vestfirðinga. Meðal þess sem hefur breyst er starfsemi Heilbrigðisstofnunar Vestfjarða, þar sem ekki þarf lengur að keyra á fimmta hundrað kílómetra á milli starfsstöðva.
Ekki ástæða til að skima alla sem leggjast inn
Enginn greindist smitaður á blóð- og krabbameinslækningadeild Landspítala. Tuttugu starfsmenn og þrjátíu sjúklingar voru skimaðir eftir að sjúklingur á deildinni greindist með kórónuveiruna í gær. Í ljósi þessa er búið að opna deildina á ný.
14.01.2021 - 17:12
Sjúkrahúsið á Ísafirði á hættustig vegna smitsins á LSH
Sjúkrahúsið á Ísafirði hefur verið fært á hættustig vegna kórónuveirusmitsins sem greindist á Landspítalanum í gær. Smitaði sjúklingurinn sem liggur á spítalanum í Reykjavík hefur á síðustu dögum notið þjónustu á Heilbrigðisstofnun Vestfjarða.
Telur ríka ástæðu fyrir Akureyringa að vera á varðbergi
Yfirlæknir telur hættu á að smitum fjölgi á Akureyri næstu daga og full ástæða sé fyrir bæjarbúa að vera á verði. Fjöldi fólks kom saman á listahátíð og Dekurdögum á Akureyri um helgina og nær uppbókað var á einu stærsta hóteli bæjarins.
Tólf í sóttkví á Ísafirði
Tólf hafa verið sett í sóttkví í kjölfar þess að tvö kórónuveirusmit greindust á Ísafirði í dag.
Tveir með smit á Vestfjörðum
Tveir erlendir ríkisborgarar staddir á Vestfjörðum greindust með COVID-19 smit. Báðir fengu jákvæða niðurstöðu úr landamæraskimun. Annar var einnig með einkenni sýkingar og er hann með ísfirskt lögheimili. Hinn er ferðamaður og dvelur í farsóttarhúsi meðan hann bíður eftir niðurstöðu mótefnamælingar.
Álagsgreiðslur greiddar út um mánaðamótin
Álagsgreiðslur til starfsmanna Landspítalans sem voru í framlínunni í COVID-19 faraldrinum geta numið allt að 250 þúsund krónum. Allir starfsmenn Heilbrigðisstofnunar Vestfjarða fá sömu upphæð, 95 þúsund krónur. Flestir heilbrigðisstarfsmenn fá greiðslur nú um mánaðamótin. Á sjúkrahúsinu á Akureyri verður greitt út 1. ágúst.
Hertum aðgerðum aflétt á Vestfjörðum
Hertum aðgerðum vegna kórónuveirunnar á norðanverðum Vestfjörðum hefur verið aflétt og gilda nú sömu reglur um samkomubann þar og annarsstaðar á landinu. Umdæmissóttvarnarlæknir Vestfirðinga segir það samstöðu íbúanna að þakka að geta nú stigið þetta skref.
Stöðufundur á Vestfjörðum
Samstaðan lykillinn að því komast út úr ástandinu
Umdæmislæknir á Vestfjörðum segir veiruna lúmskari en talið var og ítrekar að einkennalítið fólk eigi ekki að mæta í vinnu. Langflest tilfelli á norðanverðum Vestfjörðum eru í tveimur meginklösum sem má rekja til Reykjavíkur. Forstjóri heilbrigðisstofnunar Vestfjarða ítrekar að heimsóknarbann þýði ekki að það sé tveggja metra reglan sem gildi.